Asomafoɔ 1:3 - Apam Foforɔ

³ N’amanehunu akyi he, ɔnam adanseɛ pii so yii ne ho adi kyerɛɛ bɛ sɛ ɔte ase maa behuu no adaduannan ntam. Na ɔkaa Nyankopɔn ahennie he ho asɛm.

Asomafoɔ 1:3 ပူးပေါင်းရင်းမြစ်များ

Mateo 21:43

Nti meeka akyerɛ ho, bɛbɛgye Nyankopɔn ahennie he afiri ho nsam na bɛde ama bɛ a bɛsõ ahennie he ho aba.”

Mateo 28:9

Na ntɛmaa, Yesu hyiaa bɛ kaa sɛ, “Asomdwie nka ho!” Na bɛbaa ne nkyɛne bɛsɔɔ ne nane koto sɔree no.

Mateo 3:2

“Honsakra ho adwene, na soro ahennie he abɛne.”

Mateo 4:2

Odii mmuada adaduannan, awia ne anadwo, na yei akyi he kɔm dee no.

Marko 16:19

Na afei Awurade Yesu ne bɛ kasa wieeɛ he, Nyankopɔn maa no so kɔɔ soro kɔtenaa ne nsa nifa so.

Yohane 20:26

Ne nnawɔtwe akyi he, na asuafoɔ he ya dane mu bio a na Toma nso ka ho. Ewom sɛ na bɛatoto apono he mu deɛ, nso Yesu ba begyinaa bɛ mfinfini, na ɔkaa sɛ, “Asomdwie nka ho!”

Yohane 21:1

Yei akyi he, Yesu yii ne ho adi kyerɛɛ asuafoɔ he bio Tiberia po ho. Na oyii ne ho adi saa kwane yi so.

Yohane 21:14

Yei ne ne mprɛnsa so a Yesu nyane firii awufoɔ mu he, oyii ne ho adi kyerɛɛ asuafoɔ he.

Asomafoɔ 13:31

na bɛ a bɛne no firi Galilea kɔɔ Yerusalem he huu no nna pii, na seesei bedi ne ho adanseɛ kyerɛ nkurofoɔ.

Asomafoɔ 19:8

Paulo kɔɔ hyiadane he mu, de akokoɔduro kasaeɛ, na bosome mmeɛnsa ne ɔkasaeɛ, na ɔkaa Nyankopɔn ahennie ho asɛm a ɔtɔ asum.

Asomafoɔ 28:23

Bɛhyɛɛ da a bebehyia he wieeɛ he, nnipa pii baa baabi a na ɔda he. Na ɔkɔkyerɛɛ asɛm he mu kyerɛɛ bɛ dii Nyankopɔn ahennie he ho adanseɛ, na ɔnam Mose mmara ne Adiyifoɔ he so kaa Yesu ho asɛm a ɔtɔ asom, firi anɔpa kosi anwummerɛ.

Asomafoɔ 28:31

na ɔkaa Nyankopɔn ahennie ho asɛm de nnamyɛ kɛseɛ kyerɛkyerɛɛ bɛ Awurade Yesu Kristo ho nsɛm a bibiaa ansi ho kwane.

Asomafoɔ 8:12

Na afei, berɛ a bɛgyee Filipo a na ɔɔka Nyankopɔn ahennie he ho asɛmpa ne Yesu Kristo dini he diiɛ he, ɔbɔɔ bɛ asu, mmaa ne mmeema nyinaa.

Romafoɔ 14:17

efiri sɛ Nyankopɔn ahennie he mfa adidie ne nom ho, na mmom ne nyinasoɔ ne tenenee ne asomdwie ne Honhom Kronkron mu anigyeɛ.

Kolosefoɔ nwoma 1:13

Ɔno ne agye yɛ afiri sum tumi mu, na ɔde yɛ akotim ne dɔ Ba he ahennie mu,

1 Tesalonikafoɔ 2:12

sɛ honnante sɛnea ɔsɛ Nyankopɔn a wafrɛ ho akɔ n’ahenie ne n’animuonyam mu he.

1 Yohane 1:1

Nea na ɔya hɔ firi mfitiaseɛ, nea yɛate, nea yɛde yɛ ani ahu, nea yɛhwɛɛ no yie na yɛde yɛ nsa kaeɛ a ɔfa nkwa asɛm he ho he,