Asomafoɔ 1:13 - Apam Foforɔ

¹³ Na beduruu hɔ he, bɛforo kɔɔ abrosane so kowuraa dane bi a na Petro ne Yohane ne Yakobo ne Andrea, Filipo ne Toma, Bartolomeo ne Mateo, Alfeo ba Yakobo ne Simon Selote ne Yakobo ba Yuda te mu he mu.

Asomafoɔ 1:13 ပူးပေါင်းရင်းမြစ်များ

Asomafoɔ 20:8

Nti na nkanea pii ya abrosane so dane a na yɛahyia mu he mu.

Luka 22:12

Na beema he bɛkyerɛ ho dane kɛseɛ bi a ɔya abansoro a bɛasiesie mu. Honyɔ ahosiesie he hɔ.”

Marko 14:15

Ɔbɛkyerɛ ho dane kɛseɛ bi abrosane he so a bɛasiesie mu ayɛ no krado. Honnyɔ ahosiesie mma yɛ hɔ.”

Marko 2:14

Na ɔnam he, ohuu Alfeo ba Lewi sɛ ɔte togyebea, na ɔka kyerɛɛ no sɛ, “Di m’akyi.” Na ɔsɔre dii n’akyi.

Yakobo 1:1

Yakobo, Nyankopɔn ne Awurade Yesu Kristo akoa, twerɛ krataa yi de kɔma abusuakuo dummienu a bɛabɔ ahwete he de nkyea mma bɛ nyinaa.

Asomafoɔ 12:17

Na ɔde ne nsa yɔɔ nsɛnkyerɛnee kyerɛɛ bɛ sɛ bɛnyɛ dinn. Na ɔkyerɛɛ bɛ kwane a Awurade nam so yii no firii afiase hɔ. Na ɔkaa bio nso sɛ, “Honkɔka yei nkyerɛ Yakobo ne agyidifoɔ he.” Na ofirii hɔ kɔɔ baabi foforɔ.

Asomafoɔ 2:38

Afei Petro ka kyerɛɛ bɛ sɛ, “Honsakra ho adwene, na ho nyinaa homma bɛmmɔ ho asu Yesu Kristo dini mu, na hoanya bɔne fakyɛ, na hobenya akyɛdeɛ a ɔyɛ Honhom Kronkron he.

Yuda 1:1

Yesu Kristo akoa Yuda a ɔyɛ Yakobo nua twerɛ krataa yi de kɔma bɛ a bɛafrɛ bɛ a Agya Nyankopɔn dɔ bɛ na bɛakora bɛ ama Yesu Kristo he.

Galatifoɔ 2:9

na berɛ a Yakobo ne Kefa ne Yohane a bebu bɛ sɛ asafo he akannifoɔ he huu adom a manya he, bɛde bɛ nsa nifa too me ne Barnaba nsam kyerɛɛ ayɔnkofa a ɔda yɛ ntam, na bɛpenee so sɛ yɛnkɔ Amanamane mufoɔ bɛ mu na bɛ nso bɛnkɔ twetiatwafoɔ he mu.

Galatifoɔ 1:19

nso manhu asomafoɔ biaa gye sɛ Awurade nua Yakobo nkoaa.

Asomafoɔ 15:13

Na bɛkasa wieeɛ he, Yakobo buaa sɛ, “Anuanom, hontie me.”

Asomafoɔ 4:19

Nso Petro ne Yohane buaa bɛ sɛ, “Sɛ ɔtene Nyankopɔn anim sɛ yetie ho sene Nyankopɔn a, ho ankasa hommua.

Asomafoɔ 4:13

Na behuu sɛnea Petro ne Yohane kasa akokoɔduro so he, na behuu sɛ bɛyɛ nnipa a bensuaa nwoma na bɛyɛ mpapahwekwaa he, ɔyɛɛ bɛ nwanwa. Na behuu sɛ na bɛne Yesu ne nanteeɛ.

Asomafoɔ 2:14

Na Petro ne dubaako he sɔre gyinaeɛ; afei Petro teaam ka kyerɛɛ nnipa a bɛya hɔ he sɛ, “Yudafoɔ ne ho a hote Yerusalem nyinaa, honyɛ aso ntie nea meebɛka yi!

Yohane 21:2

Na Simon Petro, Toma a bɛfrɛ no Ata, Natanael a ofiri Kana a ɔya Galilea, Sebedeo mma mmeema he ne asuafoɔ he mu mmienu nso ya hɔ.

Yohane 18:17

Na baa he bisaa Petro sɛ, “Wo nso woyɛ beema yi asuafoɔ he mu baako, ɔnte saa?” Petro kaa sɛ, “Daabi menka ho.”

Yohane 11:16

Toma a na bɛfrɛ no Ata he ka kyerɛɛ ne mfɛfoɔ asuafoɔ he sɛ, “Homma yɛ nso yɛnkɔ na yɛ ne no nkowu.”

Marko 14:33

Ɔfaa Petro ne Yakubu ne Yohane kaa ne ho, na ɔhyɛɛ aseɛ teeteeɛ na odii awerɛhoɔ.

Marko 9:2

Nna nsia akyi he, Yesu faa Petro ne Yakobo ne Yohane kaa ne ho, na odii bɛ anim foro kɔɔ bepɔ tentene bi so baabi a biaa nni. Na ɔsakraeɛ bɛ anim,

Marko 5:37

Wamma biaa anni n’akyi gye Petro, Yakubu ne Yohane, Yakubu nua he.

Mateo 9:9

Na Yesu nam he, ohuu beema bi a bɛfrɛ no Mateo sɛ ɔte togyebea, na ɔka kyerɛɛ no sɛ, “Di m’akyi.” Na ɔsɔre dii n’akyi.

2 Yohane 1:1

Me, Asafo Panyini, twerɛ krataa yi de kɔma Awuraa a bɛayi no ne ne mma a medɔ bɛ nɔkorɛ he mu. Ɔnyɛ me nkoaa, na mmom bɛ a benim nɔkorɛ he nyinaa nso dɔ ho,

1 Korintofoɔ 15:7

Afei oyii ne ho adi kyerɛɛ Yakobo, ɔne asomafoɔ henom.

Yohane 14:22

Yuda (ɔnyɛ Iskariot) bisaa no sɛ, “Awurade ɔyɛɛ dɛ na wobeyi wo ho akyerɛ yɛ yi, na ɔnyɛ wiase?”