2 Korintofoɔ 9:13 - Apam Foforɔ

¹³ Esiane som yi ho adanseɛ nti, bɛhyɛ Nyankopɔn animuonyam ho setie a hode ka Kristo asɛmpa he nti, na afei ho yi ho yam yi ntoboa de kɔma bɛ ne nnipa nyinaa,

2 Korintofoɔ 9:13 ပူးပေါင်းရင်းမြစ်များ

Mateo 5:16

Ne saa nti homma ho kanea nhyerɛn mma nnipa nyinaa, na bɛahu ho nnwuma pa na bɛahyɛ ho Agya a ɔya soro he animuonyam.

Mateo 9:8

Berɛ a nnipadɔm he huu yei he, bɛ ho dwirii bɛ, na bɛhyɛɛ Nyankopɔn a ɔde tumi a ɔte sei ama nnipa he animuonyam.

Luka 6:46

“Mmɛ nti ne hofrɛ me ‘Awurade, Awurade,’ nso honyɔ nea meka yi?

Yohane 15:8

Nea ɔhyɛ m’Agya animuonyam ne sɛ hobɛkɔ so aso aba bebree na hoada ho ho adi sɛ m’asuafoɔ.

Asomafoɔ 11:18

Bɛtee yei he, bɛgye toom. Na beyii Nyankopɔn ayɛ sɛ, “Hedeɛ Nyankopɔn ama amanamane mufoɔ nso anya adwensakra a ɔkɔ nkwa mu.”

Asomafoɔ 4:21

Na behunahunaa bɛ bio he, begyae bɛ esiane sɛ bɛannya bibiaa a bebegyina so atwe bɛ aso ɔnam nkurofoɔ he nti, efiri sɛ, na nkurofoɔ he nyinaa ɔɔhyɛ Nyankopɔn animuonyam ya nea asi he ho.

Romafoɔ 10:16

Nso nyɛ bɛ nyinaa ne bɛayɔ setie ama asɛmpa he; efiri sɛ Yesaia dɛ, “Awurade, hwane ne agye yɛ asɛm adi?”

Romafoɔ 12:8

fotufoɔ a, ma ontu fo; ɔma a, ma no mma no adɔeɛ mu; dikanfoɔ a, ma ɔmmɔ ne ho mmɔdene akannie mu; ahummɔborɔ a, ma ɔnyɔ no animteɛ mu.

Romafoɔ 15:31

sɛ bɛbɛgye me afiri Yudeafoɔ a bɛnnye asɛmpa he nni he nsam, na me som a mɛsom Yerusalem he asɔ ahoteefoɔ he ani,

Romafoɔ 16:26

nso afei deɛ bɛayi no adi, na ɔnam adiyifoɔ ntwerɛe so a bɛama Amanamane mufoɔ bɛahu, sɛnea daa daa Nyankopɔn hyɛeɛ he, sɛ ɔde setie a ɔkɔ gyidie mu—

2 Korintofoɔ 10:5

ne bibiaa a ɔsõ a bɛama so atia Nyankopɔn nimdeɛ, na yɛafa adwene nyinaa nommum de ahyɛ Kristo asoɔmmerɛ ase.

2 Korintofoɔ 2:12

Mebaa Troa bɛkaa Kristo asɛmpa he, kwane bi bie maa me Awurade mu;

2 Korintofoɔ 8:4

Na bɛkoto srɛɛ yɛ anibereɛ so sɛ yɛmma bɛ ho kwane na bɛ nso bɛmfa nea bɛwɔ nsom ahoteefoɔ he bi—

2 Korintofoɔ 9:14

na bɛ ani begyina ho na bɛabɔ mpaeɛ ama ho, ɔnam Nyankopɔn adom mmorosoɔ a ɔde ama ho nti.

Galatifoɔ 1:24

Na me nti bɛhyɛɛ Nyankopɔn animuonyam.

1 Timoteo 6:12

Ko gyidie ko pa he, sɔ daa nkwa a bɛfrɛ wo baa mu, berɛ a wogye too mu kwane pa so adansefoɔ bebree anim, he mu dene.

1 Timoteo 6:13

Meetu wo fo Nyankopɔn a ɔma nnoɔma nyinaa nkwa ne Kristo Yesu a ɔpaee mu kaa no yie, dii ho adanseɛ Pontio Pilato anim he,

Hebrifoɔ 10:23

Homma yɛnhimhim na mmom yenkura yɛ anidasoɔ asɛm a yɛka he mu dene, efiri sɛ deɛ waahyɛ bɔ he yɛ nɔkwafoɔ.

Hebrifoɔ 13:16

Hommmu ho ani ngu papayɔ ne adekyɛ so, efiri sɛ, saa afɔreɛ he sɔ Nyankopɔn ani.

Hebrifoɔ 3:1

Nti, me nuanom ahoteefoɔ a ho nso hoanya soro frɛ he, honhu sɛ Yesu ne yɛ yɛ gyidie he mu Somafoɔ ne Sɔfo panyini.

Hebrifoɔ 4:14

Esiane sɛ yɛwɔ sɔfopanyini kɛseɛ a waforo akɔ soro, Yesu a ɔyɛ Nyankopɔn Ba he nti, homma yɛnsɔ yɛ gyidie asɛm a yɛpae mu ka he mu,

Hebrifoɔ 5:9

na owiee pɛyɛ he, ɔbɛyɛɛ daa nkwa farebae maa bɛ a bɛyɛ setie ma no he nyinaa,

1 Petro 2:9

Na ho deɛ, hoyɛ abusua a bɛayi ho, sɛ adehyeɛ asɔfokuo, mane kronkron, Nyankopɔn ankasa nkurofoɔ a bɛayi ho sɛ honka n’anwanwadwuma he ho asɛm. Ɔno na ɔfrɛɛ ho firi sum mu baa ɔno ankasa hann nwanwasono he mu.

1 Petro 4:11

Sɛ bi ɔɔka asɛm a ɔnka Nyankopɔn asɛm. Biaa a ɔsom he, mfa ahoɔdene a Nyankopɔn de ma no he nsom sɛnea bibiaa mu, bɛbɛfa Yesu Kristo so ahyɛ Nyankopɔn a animuonyam ne tumi wɔ no daadaa he animuonyam. Amen!