2 Korintofoɔ 5:20 - Apam Foforɔ

²⁰ Nti yɛyɛ Kristo anamusifoɔ, ɔne sɛ Nyankopɔn nam yɛ so ootu fo; nti yegyina Kristo anamu tu ho fo sɛ, homma bɛmpata ntwe ho mfam Nyankopɔn ho.

2 Korintofoɔ 5:20 ပူးပေါင်းရင်းမြစ်များ

Luka 10:16

“Nea otie ho he tie me nso. Na nea obu ho animtia he bu me nso animtia. Afei nso, nea obu me animtia he bu nea ɔsomaa me he nso animtia.”

Luka 14:23

Na ne wura he ka kyerɛɛ no sɛ, ‘Kɔ akwane ne mmɔntene so na hyɛ amanfoɔ ma bɛ mmra mu, sɛ ɔbɛyɛ na fie ha bɛyɛ ma.

Yohane 20:21

Na Yesu sane ka kyerɛɛ bɛ sɛ, “Asomdwie nka ho! Sɛnea Agya he asoma me he, saa are ne me nso meesoma ho.”

Romafoɔ 5:10

Na sɛ berɛ a yɛyɛ Nyankopɔn atamfoɔ he, bɛnam ne Ba he wuo so apata yɛ ne Nyankopɔn ntam a, ɔbɛyɛ dɛ ne bɛmfa ne nkwa so nnye yɛ.

2 Korintofoɔ 12:10

Nti m’ani gye mmerɛyɛ mu, atennie mu, ahokyerɛ mu, taa mu, ɔne amaneɛ mu Kristo nti; efiri sɛ meyɛ mmerɛ honam mu a meyɛ dene honhom mu.

2 Korintofoɔ 3:6

Ɔno ne wama yɛafata sɛ apam foforɔ mu asomfo, ɔnyɛ atwerɛeɛ mu na mmom Honhom mu; efiri sɛ, mmara atwerɛeɛ he bu fɔ kɔ wuom, na honhom he deɛ, ɔma nkwa.

2 Korintofoɔ 5:11

Saa nti, yɛbɔ mmɔdene sɛ yebetu afoforɔ fo osiane sɛ yenim Awurade suro nti; na yɛ deɛ Nyankopɔn nim yɛ, na mewɔ anidasoɔ sɛ honim yɛ yie ho ahonim mu.

2 Korintofoɔ 6:1

Na yɛ a yɛne no bom yɔ adwuma he tu ho nso fo sɛ hommma Nyankopɔn adom a hoanya he nyɛ kwa;

Efesofoɔ 6:20

na ɔno ho somafoɔ ne meyɛ ya nkɔnsɔnkɔnsɔn mu yi. Hommɔ mpaeɛ sɛ mede akokoɔduro bɛpae mu aka asɛm biaa a ɔsɛ sɛ meka.

Kolosefoɔ nwoma 1:20

na Nyankopɔn nam Kristo so apata ɔno Nyankopɔn ne nnoɔma nyinaa ntam koraa. Ɔne sɛ, ɔnam Kristo asennua ho mogyaa so asiesie Nyankopɔn ne nnoɔma a ɔya asaase so ne soro nyinaa ntam; na ɔnam nkabom yi so ama asomdwie aba.

1 Tesalonikafoɔ 4:8

Nti nea ɔpo yei he mpo nnipa, na mmom ɔpo Nyankopɔn a ɔde ne Honhom Kronkron ama ho he.