1 Korintofoɔ 4:12 - Apam Foforɔ

¹² Na yɛbrɛ de yɛ ankasa yɛ nsa yɔ adwuma. Bɛdome yɛ a, yehyira bɛ, bɛtaa yɛ a, yegyina;

1 Korintofoɔ 4:12 ပူးပေါင်းရင်းမြစ်များ

Mateo 5:11

Nhyira ne ho sɛ nnipa ka nsɛm gu ho so, na bɛtaa ho na bɛka nsɛmmɔne bebree fa ho ho, na me nti bedi torɔ gu ho so.

Mateo 5:44

Na me deɛ meeka akyerɛ ho sɛ, Honnɔ ho atamfoɔ na hommɔ mpaeɛ mma bɛ a bɛtaa ho,

Luka 23:34

Na Yesu kaa sɛ, “Agya fa kyɛ bɛ efiri sɛ bennim nea bɛɛyɔ.” Bio nso, bɛtwee ntonto kyɛɛ ne ntaadeɛ faeɛ.

Luka 6:28

na honhyira bɛ a bɛdome ho, na hommɔ mpaeɛ mma bɛ a bɛha ho!

Yohane 15:20

Honkae asɛm a maka akyerɛ ho yi, ‘Akoa nkyɛne ne wura.’ Sɛ bɛtane me a, bɛbɛtane ho nso, sɛ bedi me nsɛm so a, bebedi ho deɛ nso so.

Asomafoɔ 18:3

Na esiane sɛ na ɔne bɛ yɔ adwuma korɔ nti, ɔtenaa bɛ fie yɔɔ adwuma, efiri sɛ na bɛyɛ ntomadanyɔfoɔ.

Asomafoɔ 20:34

Ho ankasa honim sɛ mede me nsa ayɔ adwuma ahwɛ me ho ne bɛ a bɛka me ho he.

Asomafoɔ 7:60

Afei, obuu nkotodwe de nne kɛseɛ teaam sɛ, “Awurade, mmu bɔne yi ntia bɛ.” Na ɔkaa saa he ogyaam.

Romafoɔ 12:14

Honhyira bɛ a bɛtaa ho; honhyira, na honnnome.

Romafoɔ 12:20

Ne saa nti, sɛ kɔm de wo tamfoɔ a, ma no bibi nni; sɛ sukɔm de no a, ma no nsuo nom; na sɛ woyɔ saa a, wobɛhyɛ no aniwuo.

Romafoɔ 8:35

Hwane ne bɛte yɛ afiri Kristo dɔ ho? Ahokyerɛ mu oo, ateetee mu oo, taa mu oo, kɔm mu oo, adagyada mu oo, amaneɛ mu oo, wuo mu oo; bibiaa nni hɔ a obetumi ate yɛ afiri Kristo dɔ ho.

1 Korintofoɔ 9:6

Anaa me ne Barnaba deɛ, yenni ho kwane sɛ yegyae adwuma yɛyɔ pɛ yɛ ano aduane he?

2 Korintofoɔ 11:8

Mefom asafo binom adeɛ faeɛ sɛ akatua sɛ mede bɛsom ho.

Efesofoɔ 4:28

Korɔmfoɔ nyae korɔno bɔ; na mmom ɔmmɔ mmɔdene mfa ne nsa nyɔ adwuma pa, na woanya bibi de ama ahiafoɔ.

1 Tesalonikafoɔ 2:9

Anuanom, hokae yɛ adwumadene ne brɛ sɛ yɛyɔɔ adwuma anadwo ne awia sɛnea ɔbɛyɛ a yɛnyɛ adesoa mma ho berɛ a yɛɛpae mu aka Nyankopɔn asɛmpa he akyerɛ ho he.

2 Tesalonikafoɔ 3:8

na yɛanni biaa aduane berɛ a yɛantua ka; na mmom yɛyɔɔ adwuma, mmɔdemmɔ ne brɛ mu awia ne anadwo, na yɛanyɛ adesoa amma ho mu biaa.

1 Timoteo 4:10

Yei nti ne yɛyere yɛ ho na yɛpre, na yɛ anidasoɔ ne Nyankopɔn teasefoɔ a ɔyɛ nnipa nyinaa, ne titire bɛ a bɛgye di he Agyenkwa.

1 Petro 2:23

Bedidii no atɛm he, wammua bɛ. Ohuu amane he, wampoopoo n’ani, na mmom ɔde n’asɛm hyɛɛ deɛ obu atɛntenenee he nsa.

1 Petro 3:14

Na sɛ tenenee nti hohu amane mpo a, hoyɛ nhyira. Honnsuro nnipa, na hommma hwee nnha ho.

1 Petro 3:9

Hommfa bɔne ntua bɔne so ka, na hommfa yea nso ntua yea so ka. Na mmom daa, honhyirahyira, efiri sɛ, ɔno ne bɛma ho anya nhyira.

1 Petro 4:19

Saa nti, bɛ a behu amane sɛnea Nyankopɔn ahyehyɛ he, ɔsɛ sɛ bɛde bɛ ho ma Bɔadeɛ nɔkwafoɔ he na bɛkɔ so yɛ papa.

Yuda 1:9

Nso berɛ a bɔfo-panyini Mikael ne bronsam ɔɔpere Mose amu so a akasakasaa sii bɛ ntam he mpo, bɔfoɔ Mikael anyɔ n’adwene sɛ ɔbɛka asɛmmɔne abu no atɛne, na mmom asɛm a ɔkaeɛaa ne sɛ, “Awurade nka w’anim!”