1 Korintofoɔ 14:3 - Apam Foforɔ

³ Kwane bi so he, deɛ ɔhyɛ nkɔm he kasa ma nipa yiedie, afotuo ne awerɛkyekyerɛ.

1 Korintofoɔ 14:3 ပူးပေါင်းရင်းမြစ်များ

Luka 3:18

Nti Yohane nam afotuo bebree so pae mu kaa asɛmpa kyerɛɛ nkurofoɔ he.

Asomafoɔ 13:15

Bɛkenkanee mmara ne adiyifoɔ he badwam wieeɛ he, hyiadane mu mpanyimfoɔ he somaa nnipa kɔɔ bɛ nkyɛne sɛ, “Anuanom, sɛ howɔ nkuranhyɛsɛm bi ma nnipa yi a, honka.”

Asomafoɔ 14:22

Hɔ ne bɛhyɛɛ akra he dene na bɛhyɛɛ bɛ nkuranee sɛ bɛntoa gyidie he so. Na afei bɛkaa sɛ, “ɔsɛ sɛ yɛfa taa pii mu na yɛakɔ Nyankopɔn ahennie he mu.”

Asomafoɔ 15:32

Na Yuda ne Silas a na bɛ nso bɛyɛ adiyifoɔ he, kaa nsɛm pii de hyɛɛ bɛ nkurane na bɛhyɛɛ bɛ dene.

Asomafoɔ 4:36

Nti Yosef a asomafoɔ he too ne dini Barnaba, a asekyerɛ ne Futufoɔ, Lewini a ofiri Kipro,

Asomafoɔ 9:31

Saa berɛ heaa mu asafo a ɔyeya Yudea ne Galilea ne Samaria nyinaa nyaa asomdwie, na bɛyɛɛ nam. Na bere a bɛde Awurade suro ne Honhom Kronkron he awerekyekyerɛ nanteeɛ he, bɛkɔɔ so dɔreeɛ.

Romafoɔ 12:8

fotufoɔ a, ma ontu fo; ɔma a, ma no mma no adɔeɛ mu; dikanfoɔ a, ma ɔmmɔ ne ho mmɔdene akannie mu; ahummɔborɔ a, ma ɔnyɔ no animteɛ mu.

Romafoɔ 14:19

Nti homma yenni asomdwie ɔne nnoɔma a ɔma nkɔsoɔ akyi.

Romafoɔ 15:2

Ɔsɛ sɛ yemmu biaa sɔ ne yɔnko ani a ne botae ne sɛ yɛbɛboa yɛ yɔnko ama no anyini honhom mu;

1 Korintofoɔ 10:23

“Yɛwɔ nnoɔma nyinaa ho kwane deɛ,” nso ɔnyɛ ne nyinaa ne mfasoɔ ya so ma yɛ. “Yɛwɔ nnoɔma nyinaa ho kwane deɛ,” nso ɔnyɛ ne nyinaa ne ma nkɔsoɔ.

1 Korintofoɔ 14:12

Na ho nso, sɛdeɛ ho ani abere ɔɔpɛ honhom akyɛdeɛ he, hommɔ ho ho mmɔdene sɛ hobenya abu so na asafo he anya nkɔsɔ.

1 Korintofoɔ 14:17

Ewom, wada ase yie deɛ, nso ɔnyɛ foforɔ dene.

1 Korintofoɔ 14:26

Afei mmɛ ne yɛnyɔ, anuanom? Sɛ hohyia mu a, biaa wɔ nnwom, nkyerɛkyerɛ, adiyie, kasa bi, anaa nkyerɛaseɛ bi. Homma ne nyinaa nyɛ deɛ ɔma nkɔsoɔ.

1 Korintofoɔ 14:31

Na ho nyinaa ho betumi ahyɛ nkɔm, baako wie a na baako nso ahyɛ, na ho nyinaa hoasua na ahyɛ ho nkuranee,

1 Korintofoɔ 8:1

Na afei, nea mepɛ sɛ meka fa afɔdeɛ a bɛbɔ ma abosom ho di: yenim sɛ “yɛ nyinaa wɔ nimdeɛ.” Na saa nimdeɛ he ma ahomasoɔ, na dɔ deɛ, ɔma nkɔsoɔ.

2 Korintofoɔ 1:4

a ɔkyekyere yɛ werɛ yɛ ahohia nyinaa mu, na yɛatumi afa awerɛkyekyerɛ a Nyankopɔn de kyekyere yɛ werɛ he so akyekyere bɛ a bɛya ahohia biaa mu werɛ.

2 Korintofoɔ 2:7

na afei deɛ, homfa nkyɛ no na honkyekyere ne werɛ na awerɛhoɔ ammene no.

Efesofoɔ 4:29

Hommma nsɛmmɔne biaa mfiri ho anum mma, na mmom asɛm a ohia a obetumi ama bi anya nkɔsoɔ nkoaa ne honka, na ama bɛ a bɛte ho nsɛm he anya adom.

Efesofoɔ 6:22

Yeiaa nti ne meesoma no aba ho nkyɛne, na woama hoahu sɛnea yɛ ho teɛ, na woama ho akoma atɔ ho yam.

Kolosefoɔ nwoma 4:8

Yei nti ne maasoma no ho nkyɛne na hoahu sɛdeɛ yɛ ho teɛ, na wahyɛ ho akoma dene;

1 Tesalonikafoɔ 2:11

Afei nso honim, sɛnea yetuu ho nyinaa fo mmaako mmaako, sɛnea agya bi yɔ ne mma, na yɛhyɛɛ ho den, na yɛmaa ho asodie

1 Tesalonikafoɔ 2:3

Na yɛ afutusɛm he mfiri nnaadaa anaa adwenfi mu, saa nso ne ɔnnam asisie so,

1 Tesalonikafoɔ 3:2

na yɛsomaa Timoteo a ɔyɛ yɛ nua ne Nyankopɔn mu somfo ya Kristo asɛmpa mu, sɛ ɔmmɛhyɛ ho dene, na ontu ho fo ho gyidie ho,

1 Tesalonikafoɔ 4:1

Deɛ otwa toɔ, anuanom, yɛsrɛ ho na yetu ho fo Awurade Yesu mu sɛ, hobesua sɛnea hobesi atena ase asɔ Nyankopɔn ani (sɛnea hooyɔ heaa), honkɔ so nyɔ no saa.

1 Tesalonikafoɔ 4:18

Saa nti, homfa nsɛm yi nkyekyere ho ho werɛ.

2 Tesalonikafoɔ 3:12

Afei bɛ a bɛte saa he ne yɛhyɛ bɛ na yetu bɛ fo yɛ Awurade Yesu Kristo mu, sɛ bɛmfa bɛ nsa nyɔ komm mfa mpɛ bɛ ano aduane.

1 Timoteo 1:4

kyerɛkyerɛ bɛ sɛ ɔnsɛ sɛ bɛsɛe bɛ mmerɛ anansesɛm ne anatoɔ a onni awieeɛ a ɔde tekakyerɛ ba he ho; na saa nnoɔma yi mfa honhom mu nteteɛ a ofiri gyidie mu mma.

1 Timoteo 4:13

Nya mmerɛ ma twerɛsɛm kenkane, kasakyerɛ ne nkyerɛkyerɛ kosi sɛ mɛba.

1 Timoteo 6:2

Na mma bɛ a bɛwɔ awuranom gyidifoɔ mmmu bɛ animtia sɛ bɛyɛ anuanom nti, na mmom bɛnsom bɛ yie, efiri sɛ bɛ a bɛsom bɛ he yɛ agyidifoɔ ne adɔfoɔ. Yeinom ne kyerɛkyerɛ, na tu ho fo.

2 Timoteo 4:2

pae mu ka asɛmpa he, gyina mu berɛ pa ne berɛ bɔne mu; yi atene, ka anim, tu fo, abodwokyɛre ne nkyerɛkyerɛ nyinaa mu.

Tito 1:9

Ɔsɛ sɛ okura asɛm a ɔyɛ nɔkorɛ a ne nyinasoɔ ne nkyerɛkyerɛ pa he mu yie, sɛdeɛ ɔbɛyɛ a obetumi de nkyerɛkyerɛ a odi mu atu fo na ɔde ayi bɛ a bɛkasa tia nɔkorɛ he atɛne nso.

Tito 2:15

Pae mu ka saa nsɛm yi; kɔ so tu fo na ka anim sɛdeɛ bɛama wo tumi sɛ yɔ he. Mma biaa mmmu wo animtia.

Tito 2:6

Saa ara ne tu mmeranteɛ nso fo sɛ, bɛnhyɛ bɛ ho so.

Tito 2:9

Kasakyerɛ nkoa sɛ bɛmmrɛbrɛ bɛ ho ase ma bɛ wuranom na bɛasɔ bɛ wuranom ani adeɛ nyinaa mu; bennyiyi bɛ wuranom nsɛm ano,

Hebrifoɔ 10:25

hommma yennyae yɛ ho yɛ ho nhyiamu, sɛdeɛ binom agyae bɛ ho bɛ ho nhyiamu he, na mmom homma yɛnhyehyɛ yɛ ho yɛ ho nkurane, ne titire mmerɛ a yehu sɛ Da he abɛne.

Hebrifoɔ 13:22

Anuanom, metu ho fo sɛ honkura m’afotusɛm he mu, efiri sɛ m’atwerɛ no tiaa bi ne abra ho.

Hebrifoɔ 3:13

Nso hontutu ho ho fo, da biaa a bɛ bɔ dini sɛ “Nnɛ,” na bɔne a ɔyɛ nnaadaa biaa amma ho mu na amma biaa ampirim n’akoma.

1 Petro 5:12

Me nua gyidini Silwano ne boaa me ma metwerɛɛ saa krataa tiaa yi. Mepɛ sɛ mehyɛ ho nkurane na medi adanseɛ sɛ, yei yɛ Nyankopɔn adom trodoo. Honnyina mu pintinn.

Yuda 1:20

Nti adɔfonom, metu ho fo sɛ, honkɔ so nyini ho gyidie kronkron mu, hommɔ mpaeɛ Honhom Kronkron he tumi mu,