Mak 4:36 - Anut nukan Ämän Eposek

³⁶ Ak roasiret sosop utwareanik, kon tamareäu roat ak kiro ous Jisas meter tone rawon opok toneanik, erek manoin. Karauk ous nais ak pak erek manoin.

Mak 4:36 ပူးပေါင်းရင်းမြစ်များ

Matiu 8:23

Jisas ko kon tamareäu roat pak ous opok erek toneanik, manoin.

Mak 3:9

Jisas nukas kiro roasiret sosop apwareanik, kon tamareäu roat awarowon, “Roasiret sosop is suoiraiei, okon, ak kar ous oi koi, rapor mona rau, is suoirna rai, kiro opok tone tanäm.”

Mak 4:1

Jisas nukas onoktoroi roasiret Galili An Unik kasakup ämän tamarowon. Roasiret sosop senes koi ko siakup tururna, ko kar ous oik tone tane rawon. Roasiret ak erekapu an kasakup tai rain.

Mak 4:37

Urir näwäu peanik, an ekur pakurornuk, an ous uru nonuk, an ok päurwon.

Mak 5:2

Jisas ko ous utomoi, omnokou opok pitir nonuk, kar ro osou aru orip ko op up uru rawonus, koianik, Jisas tararwon.

Mak 5:21

Jisas ko ous opok tonomara, Galili An Unik karaimas karaimas ätäi potowon. Ko an kasakupai usnokou opok nonuk, roasiret sosop koi tururin.

Mak 6:32

Keseria, ak akarar ous oianik, kar mena ro wäpik opok potoin.

Luk 8:22

Kar omre opok Jisas ko kon tamareäu roat pak ous eteinak opok tonea, awarowon, “Ik karaima aisen potau.” Awaronuk, potoin.