Taytùs 2:8 - The New Testament in the Babanki language

⁸ Ə ndìʼsə̀ tò kənyʉ̀ a kə diʼì nəmwèʼè ndiʼi kə viʼi be a nkiʼi kənyʉ̀ əgàʼ byìʼì kəwenkə ndi ətʉ viʼi kəbàyn ə vəghəŋ ndiʼ ando vəwenə ko be a kiʼi kənyʉ̀ kəbyɨkə gàʼ byìʼì vəghəŋ.

Taytùs 2:8 ပူးပေါင်းရင်းမြစ်များ

Ŋwàʼlə̀ Mak 12:17

Yesò mù gàʼ à vəwenə la, “Kə ndiʼ a lì, ghə̀ŋ nku fo fòn tò à fòn, ku fo Nyìngòŋ tò à Nyìngòŋ.” Gaʼa wen ghenə nè təchʉ̀ tə vəwenə tə zɨm.

Ŋwàʼlə̀ Mak 12:28

Ndìʼsə̀ soʼ tsen mboʼsə̀ tsu ə̀ zhʉ̀ ando vəwenə nsoʼtə̀ nyʉ̀ à vəwenə a ntìntìn kɨ la Yesò ku li bwènsə̀ gàʼ jùŋə ghə̀ mù vì bèm à Yesò la, “A dìʼ soʼ koʼ a tì təsoʼ tə Mosìs a ghə̀ to chò təsoʼ no tətsèm a?”

Ŋwàʼlə̀ Mak 12:32

Ndìʼsə̀ soʼ ayì gàʼ à Yesò la, “Wù bwènsə̀ li tò no a nkàyn a ndìʼsə̀. Kə diʼ tò nəmwèʼè ando wu gaʼà la Nyìngòŋ dìʼ tò mùʼ. Ghə̀ tsen ko bè diʼ

Ŋwàʼlə̀ Mak 12:34

Yesò nè yèn la ndìʼsə̀ soʼ yì bwènsə̀ li no a nkàyn, ghə̀ gàʼ à wen la, “Wù sə boʼsə kəshi kə fòn Nyìngòŋ.” Fa bàm nyʉ̀ venə no wìʼ muʼ nko bè mwòm əbèm kənyʉ̀ à Yesò.

Ŋwàʼlə̀ Luk 13:17

Ando ghə̀ ngàʼà alì viʼi kəbàyn wen no vətsèm sə dìʼi. Nghoʼo viʼi tsu sə saŋlə kùmə̀ nyʉ̀ kàynə vyi və tsèm a ghə̀ nè.

2 Tèsàlonyà 3:14

Wìʼ ə sətsen ə tensə la ghə̀ ko nè tebè kənyʉ̀ ki a yès nyòʼ a ghə̀ŋ a ŋwàʼlə̀ ashə, ghə̀ŋ ghʉ̀ əshɨ a wenə wen. Ghə̀ŋ ghʉ̀ ali, kə ghə̀ŋ na be nè tèbè nyʉ̀ ghə̀ŋ vəwenə ndi kətʉ kə wen kəndiʼ.

1 Timotì 5:14

Mà lə kəŋ la ki mphʉ vi a və ko dwìn bwènsə̀ lam ə mbwi vunə tùʼmə̀ nə̀ ngwaʼ ngə̀ŋ vəwenə ndi kə viʼi kəbàyn vəghəŋ a kiʼi jì ə ngàʼà ənyʉ̀ ə byɨvə byìʼì vəghəŋ.

1 Timotì 6:3

No ndo a ghə̀ sətsen ə nziʼi nyʉ̀ ko a ndiʼ ənyʉ̀ vyi a mà ku à wù ko ənyʉ̀ vyi a və ziʼi byìʼì Bobo vəghəŋ Yesò Klistò, bè ntensə jì shi a və ziʼi la viʼi və byɨməvə ə ntsi fatsu mu,

Taytùs 3:14

Viʼi və byɨməvə vəghəŋ diʼ əmwòmsə̀ ənè tò ənyʉ̀ juŋəvə, kiʼ ə̀fo, vəwenə ngyàmtə̀ viʼi a vəwenə ko kiʼ. Kə vəwenə à ntsi ntsìnə̀ a ghə̀ ko kiʼ əse.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.

1 Bità 2:15

Ghə̀ŋ ə tsi a ji na ghèn ndiʼ kə nkoyn ə viʼi vyi a və kumə gaʼa to gaʼa be a kiʼi kənyʉ̀ ə gàʼ kumə ghə̀ŋ. Nakènkə ə diʼ kənyʉ̀ ki a Nyìngòŋ ə kəŋ.

1 Bità 3:16

Ghə̀ŋ sə nè alə, ghə̀ŋ ə nè nə̀ ətyɨm ə laynə ghə̀ ndi no ndò yi a ghə̀ gaʼa əgaʼa əbyɨghə kumə ntsìnə̀ ə jùŋ ə ghə̀ŋ viʼi a ghə̀ŋ dzɨ̀mtə̀ Yesò na diʼsəkətʉ a nyʉ̀ vyi a vəwenə gaʼa.