Shwèʼ 8:9 - The New Testament in the Babanki language

⁹ A nsə ndiʼ a lì wutsen diʼ a ntə̀ʼ ayì, a zhiʼ wen ndìʼ Simon, adiʼ wù shəŋə fənyoʼ, viʼi loʼ a vyi diʼ nə̀ kanə, byìʼì ənyʉ̀ a ghə̀ nè a lì, kuʼsə̀ wenə wen la yì dìʼ no wu ghoʼo.

Shwèʼ 8:9 ပူးပေါင်းရင်းမြစ်များ

Joyn 7:18

No ndò yi a ghə̀ kəŋ ə ziʼi əziʼi ngə̀ŋ ə wen, ghə̀ ə kəŋ ə kiʼi kuʼsə ngeŋ wen. Alì wìʼ yi a ghə̀ shwèʼè ə ghoʼsə wìʼ ə yi a ghə̀ tɨmə wen ə gaʼa to nəmwèʼè ko ghə̀ lu nzhò ndzɨŋ.

Shwèʼ 13:6

Vəwenə shə̀ʼtə̀ ntɨm ə jùŋ ayì chò fa aloʼ ayi dyʉ̀ zaʼa a ntə̀ʼ Bafòs ə yen wu Jus tsen tsu a ghə̀ nshəŋə fənyoʼ ghʉ la yì dìʼ nshə̀ʼtə̀ ghoʼo. Zhiʼ wen ndìʼ Bal-Yesò.

Shwèʼ 13:8

Wù fənyoʼ ghèn a zhiʼ wen mbe ndìʼ Elimas, a gàʼa Glis sə tàʼsə̀ Balnabas wenə̀ Saul la kə vəwenə a shə̀ʼtə̀ ntɨm jùŋ ayì, lobtə̀ wìʼ yì a ghə̀ nsoʼo shyə loʼ ayi ndi kə ghə̀ à byɨmə à Yesò.

Shwèʼ 5:36

Andìʼ a tʉʼ tsenghə Tyodas fʉ̀ sə̀ gàʼà la yì dìʼ no wu ghoʼo, viʼi dzɨ̀mtə̀ wen əzaʼa no a ghɨ̀ kàʼ. A nè sə̀ diʼ no a zhʉ̀ kò a və nzhwi wen, ndzɨ̀mtə̀sə bàm wen sə gə̀sə̀ tò mùʼ mùʼ.

Shwèʼ 8:11

Vəwenə sə zhʉ tò fa wen byìʼàndo tʉʼ bwen a ghə̀ nzi shəŋə fənyoʼ be nè nyʉ̀ kanəvə à vəwenə a ntìntìn.

2 Tèsàlonyà 2:4

Wù byɨ na ghèn lu fʉ ə soyn Vənyìngòŋ və tsenəvə no tèbè nə̀ gho ə tsen yi a viʼi ə gumlə, ə diʼ la ghə̀ to chò Vənyìngòŋ na vi. Ghə̀ lu dyʉ̀ kwen nyʉ̀ʼmə a ngə̀ŋ Nyìngòŋ ə ghoʼo ə gàʼa la à diʼ to no wen diʼ Nyìngòŋ.

2 Timotì 3:2

Viʼi lu ə ntùʼmə̀ tò nə̀ təwen tə vəwenə, kòŋ ə ko no a nànto, ghaŋsə əwen, ko və lu lyɨ la wùtsen ə diʼ kəfo. Vəwenə lu ə telə̀ viʼi, bè to kətʉ fà vətìʼ vəwenə nə̀ vəlì vəwenə. Vəwenə ko lu nku kəzòŋ à wìʼ byìʼì no kənyʉ̀ kə tyetəkə kətsenkə a wìʼ ə ne à vəwenə, ko mfwàynə̀ Nyìngòŋ.

2 Timotì 3:5

Vəwenə lu ə nfɨsə̀ viʼi vyi a və ghoʼsə Nyìngòŋ, alì ken la vəwenə əzhʉ fa wen no fa mpfen. Kə wù ə nkiʼ kənyʉ̀ kətsenkə ə ne we nkì ə viʼi a venə.

2 Bità 2:18

Vəwenə ə ghaŋsə wèn gàʼà no nànto be gàʼà gaʼa ə kənkoyn, lobtə viʼi vyi a və sə nyɨŋ fʉ̀ vi fa a ntìntìn ə̀ viʼi vyi a və ko kɨ ji Nyìngòŋ, kəŋ la viʼi a vyi vi ə tsèntə vəwenə, wenə vəwenə ə nè nyʉ̀ vyi a njòsə əwen ə̀ vəwenə sə kòŋ.

Kəmwetə 22:15

Alì viʼi vyi a və fàŋ abàm ə mbàyn nə̀ diʼ viʼi vyi a və nè nyʉ̀ kəməŋ nə̀ viʼi fənyoʼ nə̀ viʼi vyi a və tsi nə̀ ki kò lʉ̀mə, a ko kiʼi vəwenə nə̀ viʼi vyi a və zhwilə viʼi vətsenvə ne viʼi a və gumlə nshəʼsə nə̀ viʼi vyi a və zhodzɨ̀ŋ be nè nyʉ̀ ə dzɨŋ.