Shwèʼ 7:8 - The New Testament in the Babanki language

⁸ Nyìngòŋ nghʉ̀ a li bè zhɨ məkàyn wenə̀ Ablaham la və diʼ mbwi no wàyn ko a ngwàʼ ngə̀ŋ Ablaham, və shɨ̀tə ndyə̀ wen a nə̀ nchwi ə dìʼ la wenə ngwaʼ ngə̀ŋ wen byɨmə li məkàyn a mèn. Ablaham lù bwì Izìk, à sə ndiʼ a mətsi fwomə, ghə̀ shɨ̀tə̀ ndyə̀ wen. Izìk bè lù nè tò ndə̀ŋndəŋ à wàyn wen ə Jàkob. Jàkob lù nè tò ndə̀ŋndəŋ à vunə wen vi njʉ̀sə̀ bò andiʼì vətìʼ və vəghəŋ və mbì.

Shwèʼ 7:8 ပူးပေါင်းရင်းမြစ်များ

Matìyò 1:2

Ablaham ndiʼ tìʼì Izìk diʼ tìʼì Jàkob, Jàkob ndiʼ tìʼì Judà wenə vəlèmə̀ və wen vunə lyʉmə vətsenəvə.

Joyn 7:22

Alì mu Mosìs ə nku li əsoʼ la və ə bwi wàyn wùlɨm, ghə̀ŋ shətə ə wen, no tèbe ando à ko ndiʼ Əsoʼ ə Mosìs. A ndiʼ əsoʼ ə vətìʼ və vətìʼ vəghəŋ. Ghə̀ŋ sə shətə kwetə tèbe kətsi kə tʉʼ lòʼ, shətə to shətə.

Shwèʼ 2:29

Bità mù dyʉ̀ mbì əgàʼ la, “Vəlèmə̀ vwomə, mà zì ma gàʼ à ghə̀ŋ no nəmwèʼè byìʼì tìʼ vətìʼ və vəghəŋ ghə̀ mbì ə fòn Devìt la ghə̀ mpfʉ li, və bvɨ̀mə̀ wen, se wen bo sə diʼ əkuʼ əzaʼa lan.

Lumans 4:10

Və lə nlyɨ̀ wen a wù kənyʉ̀ kətɨməkə a tʉʼ ko? Və nsə lyɨ̀ wen ali mu və shɨtə li ndyə̀ wen mu, və nko ntɨmə bo ə shɨtə lo? Nyìngòŋ ə nlyɨ̀ wen a wù kənyʉ̀ kətɨməkə, ko və tɨmə ə shɨtə ndyə̀ wen.

Gàlesìyà 3:15

Vəlemə vwomə a byɨmə, ma kù nchwi kənyʉ̀ a ghə̀ŋ, a və fʉ̀ to mətsi ə ntsèm. Viʼi və bò nə̀ byɨmə kənyʉ̀ ə zhɨ̀ məkàyn, ko wìʼ be ə diʼ ə tsuʼ kò ə kwʉ̀ʼsə kənyʉ̀ tsu.

Gàlesìyà 3:17

Mà lə gàʼà ə diʼ la, Nyìngòŋ ə zhɨ̀ məkàyn mù ghʉ kənyʉ̀ fa ambì wenə Ablaham, ko ghə̀ zizi ghə̀ lu ə faŋ ke nè. Mibu və sə shɨtə Əsoʼ na ghenə, mu ngʉ̀ʼsə cho li əghɨ kàʼ nə̀ ngʉʼsə məwumə ə ntàʼ a və zhɨ məkàyn, Əsoʼ na yì ə zizi ko ghə̀ lu be tensə məkàyn na mèyn be tensə kənyʉ̀ ken a Nyìngòŋ ə nghʉ lə̀.

Hibùlù 7:4

Wù zi wù yèn la Mèlìkisedèk ndiʼ no kəshi kətokə. Nò tiʼi əloʼ ə Islel, Ablaham ə ngə̀tə̀ li əfo vyi a ghə̀ kiʼi atoʼ ghòŋ əshi əwùm ə ku kəshi kə mùʼ fa tyi shi ə wum a venə a wen.