Shwèʼ 7:2 - The New Testament in the Babanki language

² Stifèn gàʼ la, “Vətìʼ vwomə nə̀ vəlèmə̀ vwomə, ghə̀ŋ zhʉtə a! Nyìngòŋ yì a ghə̀ kiʼi bayn ə ghoʼghə mvi à Ablaham, tìʼ vəghəŋ mbì, a tʉʼ a ghə̀ mbu tsi a loʼ Mesobotamiyà mibu ghə̀ sə lu ədyʉ̀ ntsi a ntə̀ʼ Halan,

Shwèʼ 7:2 ပူးပေါင်းရင်းမြစ်များ

Matìyò 6:13

Kə wu ghʉsə ə mwòmsə ə vi a yès, bwoŋsə yes fa ənyʉ̀ ə byɨvə. Byìʼì ando əfòyn ə wu ə soʼo tò wù, à kiʼì tò wù kiʼi kədyòʼ, nə̀ ə bayn ə ghoʼ ghə to məzhʉ ntsèm. Amèyn.’

Ŋwàʼlə̀ Luk 2:14

“Vəghəŋ ghoʼsə Nyìngòŋ a ghə̀ diʼi a kàŋ. Mbwaʼmə diʼ a kwi nse a viʼi a ghə̀ kòŋə.”

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 12:41

Isayà ngaʼa nyʉ̀ venə kumə Yesò byìʼàndo ghə̀ sə diʼ mù ghə̀ yenli kədyoʼkə wen.

Shwèʼ 22:1

“Vəlèmə̀ vwomə, nə̀ vətìʼ vwomə, ghə̀ŋ zhʉtə kənyʉ̀ a ma ti a ghə̀ŋ a shɨ əgàʼ ndi gyàmtə̀ wen ə ghom a.”

Shwèʼ 23:7

Ghə̀ nè gàʼ nyʉ̀ avenə no a zhʉ̀ kò ntaŋ zìtə̀, kəngə̀sə̀ kə bè mù sə̀ diʼ a ntìntìn Və Falàsi bènə̀ Vəsadùsis,

Shwèʼ 7:1

Kətʉ kə tʉtʉ və pfèm və ngə̀ŋ Nyìngòŋ bèm à Stifèn la, “Nyʉ̀ venə a və gàʼà byìʼì wù lə̀ dìʼ nəmwèʼè lo?”

1 Kolìntyàns 2:8

Nò wù ə soʼo ə mùʼ a mbyi a shèn ə nko kɨ ətof na ghenə. A tu ndiʼ la vəwenə nkɨ li, mu vəwenə nko ə bayntə Bobo yi a ghə̀ kiʼi kùʼsə.

Efisyàns 1:17

Ma zhʉ sə jɨ̀mə̀ no zhʉ̀ko, ma sə sensə la Nyìngòŋ yi a diʼ Nyìngòŋ ə Bobo vəghəŋ Yesò Klistò. Nyìngòŋ diʼ Ti yi a ghə̀ kiʼi kədyòʼ a ghə̀ a ku kəzhwì kə wen kì a kə kù ətof be diʼi laynsə nyʉ̀ ə kaynə və wen ndiʼ kə ne ghə̀ŋ ə nshɨtə kɨ wen.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Hibùlù 1:3

Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.

Hibùlù 11:8

Ablaham ə mbyɨmə a Nyìngòŋ ando ghə̀ dzàŋ wen, ghə̀ lu dyʉ̀ alòʼ yi a ghə̀ ne ku a wen. Ghə̀ ə ndyʉ̀ ali ko ghə̀ ntɨmə kɨ lòʼ a yi.

Jems 2:1

Vəlèmə̀ vwomə, ando ghə̀ŋ ə diʼì viʼi vəbyɨməvə à Yesò Klistò ə Bobo kanə vəghəŋ, ghə̀ŋ ko diʼ nlyɨ̀ la wìʼ ə chò ghətsen.

Kəmwetə 4:11

“Bobo ə Nyìngòŋ ə̀ yes, wù kwʉʼ li ə və əghoʼsə nə̀ gumlə be bwomsə̀ wù a kədyòʼ a wu kiʼì, byìʼàndo wù ə̀ nshɨtə fò tsèm ə̀ bè ə̀ nè la və ndiʼ ə̀ to.”