Shwèʼ 5:9 - The New Testament in the Babanki language

⁹ Bità mù bèm à wen la, “Byìʼì ghò a wenə̀ lɨmə wù tə̀ ghʉ̀ la ghə̀ŋ a mwòmsə̀ kəzhwì kə Bobo a?” Ghə̀ bè gàʼ la, “Viʼi vi a və byèʼè lɨmə wù ə̀ mfʉ̀ mbvɨ̀mə̀ bu ti tò a chʉ̀ ngə̀ŋ luwèn diʼi be a fʉ̀ ə̀ bvɨ̀mə̀ wù tò a lì.”

Shwèʼ 5:9 ပူးပေါင်းရင်းမြစ်များ

Matìyò 4:7

Yesò bwènsə̀ gàʼ a wen la, “Və be nyòʼ a ŋwàʼlə̀ Nyìngòŋ la ‘Kə wù lə mwòmsə̀ Bobo Nyìngòŋ wù.’”

Ŋwàʼlə̀ Luk 16:2

Wù ghoʼ ayi dzàŋ wen ə bèm à wen la, ‘Ma zhʉ la ghò byìʼì wù a? Diʼi à mò la, à kwen gho, à fʉ̀ ghò lo? Zhʉ kwʉʼli a wù à fʉ̀ fa shwèʼ.’

Shwèʼ 15:10

Byìʼì ghò a ghə̀ŋ mwòmsə̀ luwèn ənè la tin Nyìngòŋ fwi a? Ghə̀ŋ ə kəŋə la ndzɨ̀mtə̀sə bàm Yesò shìsə byeʼe kəbwèʼè, a vətìʼ və vəghəŋ və mbì ko vəghəŋ nko zì və byeʼe byìʼì ghò?

Shwèʼ 5:6

Mbvòʼò vunə lyʉmə vətsenvə vì ə̀ lyɨ̀ kəmpfʉ kə wen ə̀ lèmtə a kəbvèm ə̀ fʉ̀ dyʉ̀ bvɨ̀mə̀.

Lumans 10:15

Wìʼ lə zizi ghə̀ shə̀ʼtə̀ ntɨm a ghèn a viʼi ko andiʼ la və tɨmə wen tɨmə a? Və nyòʼò li a Ŋwàʼlə̀ Nyìngòŋ la, “Ghə̀ŋ yen ando viʼi ə vi nə̀ ntɨm ə jùŋ ə shə̀ʼtə̀, məvì ə vəwenə boŋ ə no nànto!”

Lumans 3:19

Vəghəŋ ə kɨ la no tèbe ghò a yi a və nyoʼo a soʼ Nyìngòŋ diʼ a viʼi vyi a və tsi a yi ti. Kə diʼ a ji a ghèn ndiʼ kə wìʼ be a kiʼi kənyʉ̀ kətsen kə ə gàʼ. Nyìngòŋ ə chiʼtə li təchʉ̀ tə viʼi və tsèm. Ghə̀ lu soʼ viʼi və tsèm a mbyi.

1 Kolìntyàns 10:9

Vəghəŋ ə ko diʼ ə mwomsə Bobo ando vəwenə vətsenvə ə mwomsə, kənyʉ̀ na kì kə ne, zhusə lɨmlə ə zhwilə vəwenə.