Shwèʼ 22:3 - The New Testament in the Babanki language

³ “Mà dìʼ alə̀, diʼ wu Jus, mu və mbwì mo a Talsus, a loʼ Silisiyà, mà kwi ə kuʼ tò a ntə̀ʼ a shə̀, ndìʼsə̀ ghom ndìʼ Gamalè. Ghə̀ ndìʼsə̀ li mò nə̀ təsoʼ tə vətìʼ və vəghəŋ və mbì no tətsèm. Kənyʉ̀ kə Nyìngòŋ kə sə̀ lɨ̀mə̀ à mo a wèn tò ndə̀ŋndəŋ ando kə be lɨ̀mə̀ à ghə̀ŋ a təwèn layn.

Shwèʼ 22:3 ပူးပေါင်းရင်းမြစ်များ

Ŋwàʼlə̀ Luk 10:39

A ndiʼ alì Matà kiʼ lèmə̀ wen tsen a zhiʼ wen ndiʼ Mèli. Mèli nvì ŋwʉʼ no mənzhʉ̀ tsèm a shɨ Bobo zhʉtə ziʼi wen.

Ŋwàʼlə̀ Luk 2:46

Və nkəŋ wen a mətsi taʼ dyʉ̀ yen wen a ngə̀ŋ Nyìngòŋ, ghə̀ ŋwʉʼ wenə ndìʼsə̀sə, zhʉtə nyʉ a vəwenə ngàʼà be bèmtə̀ tsen və à vəwenə.

Ŋwàʼlə̀ Luk 8:35

Viʼi zhʉ alì ə fʉ̀ ədyʉ̀ yen kənyʉ̀ a ke nchò. Vəwenə vì yen Yesò bè yen wìʼ yì a zhwì byɨvə nfʉ fa wenə a wèn, ghə̀ ŋwʉʼ a wen ashɨ, mu ghə̀ moʼli ndisə bè dìʼ a wenə tof. Viʼi a vyì yen alì sə diʼ nə̀ fàynə.

Shwèʼ 11:25

Balnabas mù bè lù dyʉ̀ a ntə̀ʼ Talsus əkəŋ Saul.

Shwèʼ 15:23

Və ntɨ̀m vəwenə a Antìyòk nə̀ ŋwàʼlə̀ ghə̀ gàʼà la: Yès viʼi ntɨm Yesò nə̀ vəchəʼ, à diʼì vəlèmə̀ vəŋə ə tɨmə̀ toŋtə à ghə̀ŋ viʼi tɨm vəbyɨməvə vi a və tsi a Antìyòk, nə̀ a loʼ Sylia bènə̀ a Silisiyà.

Shwèʼ 15:41

Wenə Silàs jèʼ ə chò fa loʼ Sylia nə̀ Silisiyà, jèʼè nè la viʼi vəbyɨməvə tsu nto dyʉ̀ tò nə̀ mbì à vəwenə a byɨmə.

Shwèʼ 21:20

Vəwenə zhʉ nyʉ̀ avenə sə ghoʼsə̀ Nyìngòŋ mù gàʼ à Bol la, “wu zi wu yen la ngwaʼ və Jus a və zi ko və lu taŋ əbyɨmə li be ghʉ soʼ Mosìs no nkayn.

Shwèʼ 21:39

Bol bwènsə̀ à wen la, “Mà dìʼ wu Jus, mu və mbwì mo a ntə̀ʼ Talsus a loʼ Silisiyà. Mà dìʼ alə̀ mu mà fʉ̀ fa ntə̀ʼ to. Mà lonə la wù ku mo nə̀ jì mà gàʼ à viʼi venə.”

Shwèʼ 23:34

Gumnà ayì dzàŋ ŋwàʼlə̀ ayì ə̀ bèm à Bol la ghə̀ lù fa loʼ kò lo? A nè sə ndiʼ ando ghə̀ nzhʉ̀ la Bol lù fa loʼ Silisiyà,

Shwèʼ 23:6

A sə ndiʼ ando Bol nyen li la fa ntìntìn viʼi a və ndìʼ a ntsèntə̀ ayì, vətsenvə ndìʼ Və Falàsi, vətsenvə diʼ Vəsadùsis, ghə̀ mù zɨ̀mə no a gɨ to la, “Vəlèmə̀ vwomə, mà dìʼ alə̀ diʼ wu Falàsi, mu vətìʼ vwomə bè ndìʼ tò Və Falàsi. Və soʼo mò a shèn luwèn byìʼàndo mà byɨmə la Nyìngòŋ lu nè viʼi lu fà pfʉ.”

Shwèʼ 26:5

be kɨ mò no fà kəghaf mu vəwenə zì və shə̀ʼtə̀ ə̀ mwètə̀ no nkàyn a zhʉ a vəwenə koŋə, la mà dìʼ wu Falàsi mu mà nlu li sə ghoʼsə̀ Nyìngòŋ no tè a ji kò a Və Falàsi nghoʼsə̀ Nyìngòŋ fa tsu.

Shwèʼ 26:9

“No nkàntə̀ mò nlù sə̀ kwòʼtə̀ la mà diʼi nè no ghò a mà zì mà ne əbyɨsə shwèʼè Yesò ə wù Nazalèt.

Shwèʼ 5:34

alì mu Falàsi tsen a zhiʼ wen ndìʼ Gamalè a andìʼ ndìʼsə̀ soʼ a viʼi vətsèm ə̀ ngumlə̀ wen lù tɨmə ə̀ kàyn la və lyɨ viʼi ntɨm ə̀ Yesò vi ə fʉ̀ nə̀ vəwenə a kəbəŋ tò a fəshitə̀ fə zhʉ alə̀.

Shwèʼ 6:9

alì viʼi ngə̀ŋ ntsèntə̀ vətsenvə a və ntoŋtə la, “Ngə̀ŋ ntsèntə̀ viʼi vyi a və ko bè ndìʼi kòs.” Zìtə̀ kəngùmə̀ wenə̀ və Stifèn. Vəwenə ndìʼ mu və fʉ̀ fà ntə̀ʼ Silen nə̀ fa ntə̀ʼ Alèksandìliyà boʼsə nə̀ loʼo Silisiyà bènə̀ fa loʼo Asìyà.

Shwèʼ 9:1

Saul mbu kàyntə̀ tò kədyòʼ la ghə̀ a zhwilə ndzɨ̀mtə̀sə bàm Bobo, ə̀ lù dyʉ̀ à kətʉ kə tʉtʉ vəpfèm və ngə̀ŋ Nyìngòŋ

Shwèʼ 9:11

Bobo gàʼ à wen la, “Lù ə̀ dyʉ̀ a ji yì a və dzàŋə̀ nə̀ Jì Nànə lì ə̀ bèm ngə̀ŋ wìʼ tsen tsu a və dzò wen nə̀ Judàs. Kwen ə̀ dyʉ̀ tsu ə̀ bèm wu Talsus tsen tsu a və dzàŋə̀ wen nə̀ Saul. Adìʼ luwèn ghə̀ jɨ̀mə̀.

Shwèʼ 9:30

Viʼi vəbyɨməvə vətsenvə vi nè kɨ kənyʉ̀ akì no a zhʉ̀ kò ə lyɨ̀ wen ə̀ nyɨŋsə ə̀ shìʼsə nə̀ wen a Sisalìyà ə̀ tɨ̀m la ghə̀ bwènə̀ dyʉ̀ a Talsus.

Lumans 11:1

Ma bèmə̀ la, kə le sə diʼ alə̀ diʼi la Nyìngòŋ ə maʼa li viʼi wen mu? Ghə̀ ko maʼa vəwenə no fa mphen! Nò mò fa mo ngeŋ ə boŋ diʼ wù ə Islel mu mà fʉ fa ngwaʼa ngə̀ŋ ə Benjamìn, a ghə̀ ndiʼ wù ə ngeŋ ə Ablaham ali ko andiʼ la ghə̀ maʼa li mò.

2 Kolìntyàns 11:22

Vəwenə nə̀ kuʼsə əwèn gàʼa la vəwenə diʼ viʼi Hibùlù. Ma diʼ to wù ə Hibùlù. Vəwenə gàʼa la vəwenə diʼ viʼi Islel. Ma diʼ to wù ə Islel. Vəwenə vətsenvə gàʼa to la vəwenə diʼ viʼi ngwaʼ ngə̀ŋ Ablaham. Ma diʼ to wù ngwaʼ ngə̀ŋ Ablaham.

Gàlesìyà 1:14

Ma ə nkɨli ə dzɨ̀mtə̀ ji shisə a viʼi Jus nkuʼsə Nyìngòŋ fa tsu chò tebe mbvòʼò ghom a ndiʼ viʼi Jus, ghʉ kətʉ tsu no nànto ntsi ntsìnə̀ a vətìʼ vwomə ntsi.

Gàlesìyà 1:21

Ma ne lù fa Jelusalèm ə ndyʉ̀ ashə ə Silìyà nə̀ Sìlisìyà.