Shwèʼ 2:9 - The New Testament in the Babanki language

⁹ Vəghəŋ dìʼ a shèn vətsenvə diʼ mu və lù fa shyə Balthia, fa shyə Midìyà nə̀ Elam, fa Mesobotamiyà, fa Judiyà nə̀ Kabadosiyà, fa Bontùs nə̀ fa Asìyà.

Shwèʼ 2:9 ပူးပေါင်းရင်းမြစ်များ

Shwèʼ 16:6

Bol wenə̀ viʼi ndoŋsə wen jèʼ dyʉ̀ a Fligiya bènə̀ Gàlesìyà byìʼàndo Kəzhwì kə ŋwòʼəkə nko ghʉ̀sə la vəwenə shə̀ʼtə̀ ntɨm ə jùŋ a loʼ Asìyà.

Shwèʼ 18:2

Andìʼ ando ghə̀ ndyʉ̀ zaʼa tsu ə̀ yèn wu Jus tsen a və mbwi wen a loʼ Bontùs, zhiʼ wen diʼ Akwilà. Ghə̀ diʼ mu ghə̀ kwʉ̀ʼtə̀ mvi tò vi tsu wenə̀ wì wen Blisilyà. Vəwenə nlù fa Lum a loʼ Italì ə̀ vì tsu byìʼàndo fòyn Klodùs ndìʼ mu ghə̀ chòsə̀ li soʼ la Vəjew fʉ fà Lum no vətsèm. Bol lù dyʉ̀ yèn vəwenə,

Shwèʼ 19:10

Bol nè kənyʉ̀ akì a tì ngwʉ̀ʼsə səbò, Vəjew nə̀ viʼi tɨm vi a və ndìʼ a Asìyà zhʉ kənyʉ̀ byìʼì Bobo.

Shwèʼ 19:27

Ngəʼ lì dìʼ luwèn la viʼi a zìtə̀ ngàʼà nyʉ̀ byɨvə byìʼì shwèʼè vəghəŋ kèn la vəwenə be a nlyɨ̀ ngə̀ŋ jɨ̀m Altemis la àdìʼ kəfo kətsenkə. Na kènkə a nè kò a ndìʼ la Nyìngòŋ aghèn be a nkiʼ ghoʼsə, andiʼ tò wen a viʼi Asìyà nə̀ viʼi mbyi no vətsèm nghoʼsə̀.”

Shwèʼ 19:31

Viʼi vəghoʼkəvə vətsenvə a və ntisə̀ nyʉ̀ a shyə loʼ ayì, ndìʼ ndoŋsə Bol. Vəwenə tɨm ntɨm à wen ə̀ gàʼ la kə ghə̀ à dìʼ kəʼə wen a ntsèntə̀ ayì.

Shwèʼ 2:8

A lè chò ghò mibu no ndò sə zhʉ vəwenə gàʼà tò gaʼa loʼ wen a?

Shwèʼ 20:16

Andìʼ a lì mu Bol ghʉ li la yì ko chò ji fa Efesùs byìʼàndo ghə̀ nko kòŋ əle zhʉ a loʼ Asìyà. Ghə̀ nlɨfə a lì ando ghə̀ kəŋə əjèʼ kwen a Jelusalèm mibu kətsi kə Bentekòs kə vi kwʉ̀ʼ.

Shwèʼ 20:18

Vəwenə nè vì ghə̀ gàʼ à vəwenə la, Ghə̀ŋ kɨ li ando mà ntsi bè shwèʼ à ghə̀ŋ a ntìntìn tò fa mbì kətsì ando mà mvi a loʼ Asìyà.

Shwèʼ 20:4

Ghə̀ njèʼè wenə Sobatel wàyn Ballùs fa Belì, nə̀ Alistakùs nə̀ Sekundùs a vəwenə nlu fa Tèsàlonikà nə̀ Gayòs a ghə̀ nlu fa Delbə̀, nə̀ Tychicùs, nə̀ Tlophimùs a vəwenə nlu fa loʼ Asìyà bènə̀ Timotì.

Shwèʼ 21:27

Andìʼ ando mətsi a mì sòmbo nsə mè dyʉ̀, Vəjew vətsenvə mu lù fa loʼ Asìyà yen Bol a ngə̀ŋ Nyìngòŋ ə̀ nè ngəʼ zìtə̀ a tì nòyn viʼi vi, vəwenə ghaʼ Bol,

Shwèʼ 24:18

Vəwenə nyèn mo a ngə̀ŋ Nyìngòŋ mu mà sə diʼ mu mà ne li nyʉ̀ avenə ə mè mbe shʉ wen ghomə ndi ndiʼ nə̀ laynə shɨ Nyìngòŋ. Kənyʉ̀ kə nko chò tsu kò andiʼ la nòyn viʼi diʼ tsu.

Shwèʼ 27:2

Yès lù ə̀ dyʉ̀ kwèn a kəbaŋ kə a mù a kə nlu fa ntə̀ʼ Adlamitùm sə shiʼì dyʉ̀ fa shyə a baŋ a mù ndyʉ̀ tɨmə̀ tsu a loʼ Asìyà. Alistakùs, wù loʼ Macedonia tsen a ghə̀ nlu fa ntə̀ʼ Tèsàlonikà ndìʼ yo vəwenə a muʼu.

Shwèʼ 6:9

alì viʼi ngə̀ŋ ntsèntə̀ vətsenvə a və ntoŋtə la, “Ngə̀ŋ ntsèntə̀ viʼi vyi a və ko bè ndìʼi kòs.” Zìtə̀ kəngùmə̀ wenə̀ və Stifèn. Vəwenə ndìʼ mu və fʉ̀ fà ntə̀ʼ Silen nə̀ fa ntə̀ʼ Alèksandìliyà boʼsə nə̀ loʼo Silisiyà bènə̀ fa loʼo Asìyà.

Shwèʼ 7:2

Stifèn gàʼ la, “Vətìʼ vwomə nə̀ vəlèmə̀ vwomə, ghə̀ŋ zhʉtə a! Nyìngòŋ yì a ghə̀ kiʼi bayn ə ghoʼghə mvi à Ablaham, tìʼ vəghəŋ mbì, a tʉʼ a ghə̀ mbu tsi a loʼ Mesobotamiyà mibu ghə̀ sə lu ədyʉ̀ ntsi a ntə̀ʼ Halan,

Lumans 16:5

Ghə̀ŋ toŋtə ənòyn ə viʼi və byɨməvə vi a və tsèntə a vəwenə ngə̀ŋ. Ghə̀ŋ toŋtə Èbènetùs, ə wùndoŋ ghom ə jùŋ yì. Ghə̀ ə ndiʼ mbì wìʼ ə byɨmə a Yesò alòʼ ə Esìyà.

1 Kolìntyàns 16:19

Ntsèntə̀ sə viʼi Nyìngòŋ shisə a sə diʼi ashen a Esìyà gàʼ la mà toŋtə ghə̀ŋ. Akwilà wenə Bìsilà nə̀ ntsèntə̀ viʼi və byɨməvə vi a ghə̀ŋ ghaʼa a vəwenə a ngə̀ŋ gàʼ la mà toŋtə ghə̀ŋ no akayn a əzhiʼ ə Bobo.

2 Kolìntyàns 1:8

Yès ə kəŋ la ghə̀ŋ kɨ ngəʼ shisə a yès nyenə a Esìyà a vəlemə vyesə. Yès tə yenə ngəʼ byɨ tsu no nànto ghə̀ cho kədyòʼ kyeskə yès, sə yenə la yès a pfʉkə.

2 Timotì 1:15

Wu kɨ la no viʼi və byɨməvə vi a və diʼì aloʼ ə Asìyà no və tsèm nyɨŋ li əmoʼtə mò. A ntìntìn ə vəwenə a diʼ Figelùs nə̀ Helmogenes.

1 Bità 1:1

A nyòʼo mò ə Bità, ə wù ə ntɨm ə Yesò Klistò nyòʼo ŋwàʼlə̀ ghèn a ghə̀ŋ ə viʼi Nyìngòŋ vi a ghə̀ ntsùʼ li, mu və dzɨ̀m li shisə vəwenə, vəwenə nsaykə̀ nkaʼ alòʼ ə Bontùs nə̀ Gàlesìyà nə̀ Kàbàdosìyà nə̀ Esìyà nə̀ Bìtinìyà ə sə tsi tsu a nə̀ viʼi a və chò ji.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.