Shwèʼ 2:3 - The New Testament in the Babanki language

³ Vəwenə mù bvʉ̀tə̀ yèn fo və diʼ to nə̀ kəlwàŋ kə zhìʼ ə̀ gə̀sə̀ dyʉ̀ ŋwʉʼʉ no a kətʉ ndò a ghə̀ ndiʼì tsu.

Shwèʼ 2:3 ပူးပေါင်းရင်းမြစ်များ

Matìyò 3:11

Mà ku mu à ghə̀ŋ tò nə̀ mu mə Amù ədiʼ la ghə̀ŋ kwitə li tətyɨm təŋtə fà ghə̀ŋ a mbyɨsə, alì wìʼ yì a ghə̀ vì fa mò a bàm, chò mò, a mà ko kwʉ̀ʼ no fa mpfen əshyèʼ a wen a nə̀ kəkòs kə byèʼè gwʉsə aghʉ wen. Ghə̀ ne ku mu à ghə̀ŋ nə̀ kəzhwì kə ŋwoʼkə be chòsə̀ viʼi vətsen və a zhìʼ.

Matìyò 3:15

Yesò gàʼ à wen la,“Yowù nè tò alə̀ luwèn ku tò ku byiʼàndo à diʼ tò a ji a ghèn a vəghəŋ diʼi nè nyʉ̀ vyi a Nyìngòŋ kəŋ.” Joyn mù byɨmə əku.

Ŋwàʼlə̀ Luk 24:32

Vəwenə sə̀ gaʼa vəwenə a ntyìntyìn la “Gaʼa kò tətyɨm tə vəghəŋ tə yi lɨmə fa tin ando ghə̀ yi ngàʼà laynsə nyʉ̀ a və nyoʼo li a vəghəŋ a ji.”

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

Shwèʼ 2:11

Vəghəŋ vətsenvə mfʉ mvì fa Klete nə̀ Alebyà. Vəghəŋ ə zhʉ vəwenə gàʼà tò təgàʼ tə təloʼ nə̀ vəghəŋ vi a Nyìngòŋ ne li.”

Shwèʼ 2:2

A sətsèn tsen kəfo kətsenkə dèm fa kàŋ to nə̀ fwof ə toghə, shiʼi ə̀ kwèn a ngə̀ŋ yì a vəwenə ndiʼì tsu.

Shwèʼ 2:4

Kəzhwì kə Ŋwoʼəkə kwen à vəwenə a tətyɨm ə̀ nè no mə ndò a ghə̀ ndiʼì tsu zìtə̀ sə̀ gàʼà gaʼa Loʼo kədyàŋ ando kəzhwì akì ntensə wen la ghə̀ gàʼ.

1 Kolìntyàns 12:10

Kəzhwì na kèn to kə mùʼ nə̀ dyʉ̀ a wu ə tsen, kə ne la ghə̀ nshwèʼè təshwèʼ tə kaynətə, ə dyʉ̀ a wutsen, kə ku kədyòʼ la ghə̀ nshə̀ʼtə̀ nyʉ̀ mu və lù fa Nyìngòŋ. Kə dyʉ̀ a wu ə tsen, kə nè la ghə̀ nkɨ nəkwoŋ yì a ghə̀ diʼ a ntìntìn nyʉ̀ yi a və lù fa Kəzhwì kə Ŋwoʼkə nə̀ vyi a və lù fa zhwì ə tsevə. Kəzhwì na kì ne sə dyʉ̀ a wutsen, kə ne la ghə̀ ə nkɨ ə gàʼ təgàʼ ko andiʼ la ghə̀ ziʼi fa wìʼ, ə dyʉ̀ a wìʼ ə tsen, kə ne la ghə̀ ə nzhʉ kɨ təgàʼ a titə, shə̀ʼtə̀ kənyʉ̀ ki a tə gàʼà titə gàʼà.

Jems 3:6

Kəlyɨmə kə wìʼ kə diʼ tò nə̀ fəsèsè fə zhìʼ. Kə diʼ ntuʼ nyʉ̀ byɨvə à wìʼ a wèn no tsèm. Kə byɨsə̀ wen ə wìʼ no tsèm, kə diʼ əzhiʼ, nyùʼù no te ghò à tì mbi nəzhiʼ mu ghə̀ lù fa zhiʼ a ghə̀ ko lu mè.

Kəmwetə 11:3

Mà ne tɨm viʼi və yenəvə mò vəbò ə vəwenə moʼ ndisə fənchì ə̀ nshə̀ʼtə̀ ntɨm ə̀ nəmwèʼè ghom a mətsi nkam nə̀ təghɨ tə bò nə̀ məwum ntʉfə.

Kəmwetə 14:6

Fà yì a bàm, mà bè yèn ətsɨ̀ŋ ngə̀ŋ ə̀ Nyìngòŋ tsen ghə̀ tàynə̀ chò no fa kàŋ kiʼ ətɨm ə jùŋ a ghə̀ ə diʼì tò nəmwèʼè no mətsi ntsèm əshə̀ʼtə̀ à viʼi vyi a və diʼì a nse. Ghə̀ dìʼ əshə̀ʼtə̀ ntɨm ayì à viʼi təloʼ tətsèm nə̀ à ngwàʼsə sə̀tsèm, nə̀ à viʼi təgàʼ tətsèm bènə̀ à no ndò a ghə̀ tsi a nse.