Shwèʼ 2:1 - The New Testament in the Babanki language

¹ Andìʼ ando kətsi kə ghoʼokə a və ndzàŋə̀ nə̀ Bentakòs mvi, viʼi vəbyɨməvə tsèntə̀ a kəshi kə mùʼ.

Shwèʼ 2:1 ပူးပေါင်းရင်းမြစ်များ

Shwèʼ 1:5

Joyn tə nku mu à viʼi tò nə̀ nkàntə̀ à mù alì luwèn à sə̀ diʼ mu, à fàŋ tò mətsì nshə̀ʼ alə̀ və nku mu à ghə̀ŋ nə̀ kəzhwì kə ŋwoʼəkə.”

Shwèʼ 1:8

Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Shwèʼ 2:46

Vəwenə vi zhùŋtə̀ à ngə̀ŋ Nyìngòŋ tò mətsì ntsèm. Vəwenə nè fʉ̀, və sə jèʼè zhɨ tò à ngə̀ŋ a ngə̀ŋ be saŋlə̀ a kənyʉ̀ kə mùʼ,

Shwèʼ 20:16

Andìʼ a lì mu Bol ghʉ li la yì ko chò ji fa Efesùs byìʼàndo ghə̀ nko kòŋ əle zhʉ a loʼ Asìyà. Ghə̀ nlɨfə a lì ando ghə̀ kəŋə əjèʼ kwen a Jelusalèm mibu kətsi kə Bentekòs kə vi kwʉ̀ʼ.

Shwèʼ 4:24

Vəwenə nè zhʉ̀ kənyʉ̀ a kèn, ə̀ tsèntə̀ jɨ̀m no vətsèm la, Bobo nshɨ̀tə̀ kàŋ wenə̀ nse nə̀ mu məghoʼomə bènə̀ fo tsèm a və diʼ tsu!

Shwèʼ 4:31

Andìʼ ando vəwenə njɨmə̀ mwètə̀, kəshi kì a vəwenə ndiʼì tsu lì nə̀ʼ! kəzhwì kə ŋwoʼəkə ku kədyòʼ à vəwenə no vətsèm vəwenə zìtə̀ sə̀ shə̀ʼtə̀ ntɨm yì a Nyìngòŋ nkəŋə la vəwenə nshə̀ʼtə̀ nə̀ tətyɨm tə to tə.

Shwèʼ 4:32

Viʼi və byɨməvə no vətsèm sə̀ diʼ tò a kənyʉ̀ kə mùʼ. No wìʼ muʼ nko gàʼà la kəfo kikə kiʼ tò yì. No məndo nlyɨ̀ kəfo ghə̀ gə̀tə̀ kù vəlèmə̀ və wen.

Shwèʼ 5:12

Viʼi ntɨm ə Yesò sə̀ nè chwitə nə̀ nyʉ̀ kanəvə və fʉ̀ no ghoʼo ədìʼ kədyòʼ kə Nyìngòŋ. Viʼi və byɨməvə no vətsèm sə̀ zàŋsə vì zhùŋtə̀ a kətò Sòlomùyn.

Lumans 15:6

ndi ghə̀ŋ ə tsentə ə nkuʼsə Nyìngòŋ, ə Tìʼ Bobo vəghəŋ Yesò Klistò, to a chʉ̀ ə mùʼ.

1 Kolìntyàns 16:8

Ma kwòʼtə ali, diʼ ə tsi a Efesùs ashen ə zàʼa fa kətsi a Bentikòs,

Filìbàyns 1:27

Ko a fʉ no te ghò, ghə̀ŋ tsi ando ntɨm ə jùŋ ə Klistò ə kəŋ ndi mà sətsen vi tèbe vi ə yen ghə̀ŋ, kò zhʉ byìʼì ghə̀ŋ a zhʉ a ma ko diʼ, mà ə kɨ la ghə̀ŋ ə ko kwitə fa kiʼi kwoʼtə ə mùʼ, tsi to a kənyʉ̀ kə mùʼ, shyèʼ no nə̀ kədyoʼkə be soynə ə ghaʼa əbyɨmə yì a ntɨm ə jùŋ ə ziʼi.

Filìbàyns 2:2

Ando ənyʉ̀ avenə diʼ nəmwèʼè lə̀, mà sensə̀ ghə̀ŋ la ghə̀ŋ be ə nè ənyʉ̀ tsenəvə venə ndi saŋlə ghomə kwʉʼ ə̀ mè. Ghə̀ŋ ə nkiʼ tò kwòʼtə̀ mùʼ, kòŋmə̀ təwen ə təŋtə be shyèʼè tò nè ə tyɨmə mùʼ.