Shwèʼ 18:3 - The New Testament in the Babanki language

³ wenə̀ vəwenə sə tsi be tsèntə nè təshyèʼ a muʼu byìʼàndo vəwenə mbe tasə fo tò nə̀ Bol nə̀ gwʉsə nyamsə, shɨ̀tə̀ təto tsu.

Shwèʼ 18:3 ပူးပေါင်းရင်းမြစ်များ

1 Kolìntyàns 4:12

Yès ə shyèʼè li shyèʼè to ghə to no nə̀ avu a yèsə. A zhʉ a viʼi telə yès, yès sə boŋsə jɨ̀mə̀ la Nyìngòŋ ə mbwàʼsə vəwenə bwàʼsə, a zhʉ a və ku ngəʼ a yès, yès ə sə wensə to wensə.

1 Kolìntyàns 9:14

Kə lə diʼ to ndə̀ŋndəŋ ando Bobo ə̀ kù li a soʼ la, viʼi vyi a və shə̀ʼtə̀ ntɨm ə jùŋ diʼ nzhɨ̀ byìʼì wen.

1 Kolìntyàns 9:15

Ma sə diʼ ko andiʼ la ma nè kənyʉ̀ nə̀ kədyòʼ na kènkə, ko ma nyoʼtə tebè luwen la ghə̀ŋ ku kəfo kə tsenkə a mò. Kə bòŋ la mà boŋsə pfʉ pfʉ, azhʉ la wìʼ taʼsə la kə mà ə̀ saŋlə kumə ji yì a ma shə̀ʼtə̀ ntɨm ə jùŋ fa tsù.

1 Kolìntyàns 9:18

Əmoʼtə ə ghomə lə diʼ no ghò? Əmoʼtə ə ghomə diʼ to la mà nshə̀ʼtə̀ ntɨm ə jùŋ, ko ma bèmə tebè kəfo, ko ma tuʼu ne tebè nə̀ adyòʼ yi a ma kiʼi to nə̀ wìʼ a ghə̀ shə̀ʼtə̀ ntɨm ə jùŋ.

2 Kolìntyàns 11:7

Kə le diʼ la mà tə shiʼsə wen ghomə ne ghə̀ŋ, ghə̀ŋ sə kuʼmə ə nshə̀ʼtə̀ ntɨm ə jùŋ ə Nyìngòŋ a ghə̀ŋ, ko ma bèmə̀ tebè kəfo, a diʼ mbyɨ mu?

2 Kolìntyàns 11:9

Ma ndiʼ vəghəŋ, əzhʉ̀ ə tseghə vi kwʉ̀ʼʉ̀, ko ma lù ki kəfo fa ghə̀ŋ no fa mphen ali ko ma ku ngəʼ a wìʼ. A boŋsə tɨmə to vəlemə və vəghəŋ fa Màsìdonìyà tɨmə əfo a mò. Ma ko mbèmə kəfo a ghə̀ŋ no kətsi kətsenkə, ko andiʼ la ma lu bèm.

2 Kolìntyàns 12:13

A diʼ gho ə jùŋ a mà tə ne a ənòyn ə viʼi və byɨməvə vətsenvə ə fàŋ ke nè a ghə̀ŋ a? Kənyʉ̀ kì a mà tə faŋ ke nè a ghə̀ŋ tə ndiʼ to la ma ko tə ku ngəʼ a ghə̀ŋ. A sə diʼ kənyʉ̀ kə kəbyɨkə a mà tə ne, ghə̀ŋ lyèsə li ku a mò!

1 Tèsàlonyà 2:9

Vəlemə, ghə̀ŋ kɨli ando yes ə nshyèʼ no nə̀ kədyoʼkə. Yes ə nshyèʼ nə̀nchwì shyèʼ nətʉʼ ndi kə ghə̀ŋ faŋ nlè kəfo a yes a kətʉ ando yes ə shə̀ʼtə̀ ntɨm ə jùŋ na ghèn a ghə̀ŋ a Nyìngòŋ ə ku la yes ə shə̀ʼtə̀.

1 Tèsàlonyà 4:11

Ghə̀ŋ mwomsə no nə̀ kədyòʼ kə ə wʉ̀ la wìʼ fa ghə̀ŋ ko lu se tebè a ntaŋ akəshi. Kə ghə̀ŋ ne nkwensə əchʉ a nyʉ̀ viʼi. Ghə̀ŋ shyèʼ nə̀ avu ghəŋə ə kiʼi fo vi a ghə̀ŋ kəŋ. Ghə̀ŋ nè to ando yes ə ngàʼa la ghə̀ŋ ə nè.