Shwèʼ 17:3 - The New Testament in the Babanki language

³ Ghə̀ nshə̀ʼtə̀ li laynsə̀ nyʉ̀ vyi a və diʼì a Ŋwàʼlə̀ Nyìngòŋ, gàʼà la, wìʼ yì a Nyìngòŋ ntsuʼ li ghʉ lì diʼi ne yenə ngəʼ ə pfʉ, və be nè ghə̀ lu fà pfʉ. Ghə̀ bè gàʼ la, “Yesò ghèn a ma gàʼà à ghə̀ŋ byìʼì wen lə̀ dìʼ wìʼ ayì.”

Shwèʼ 17:3 ပူးပေါင်းရင်းမြစ်များ

Ŋwàʼlə̀ Luk 24:32

Vəwenə sə̀ gaʼa vəwenə a ntyìntyìn la “Gaʼa kò tətyɨm tə vəghəŋ tə yi lɨmə fa tin ando ghə̀ yi ngàʼà laynsə nyʉ̀ a və nyoʼo li a vəghəŋ a ji.”

Ŋwàʼlə̀ Luk 24:44

Ghə̀ mù gàʼ a vəwenə la “Venə diʼi nyʉ̀ a ma gàʼli a ghə̀ŋ ando ma mbu ndiʼ vəghəŋ la nyʉ̀ tsèm a kə ndiʼ a soʼo Mosìs, ə nə̀ nyʉ̀ a nshə̀ʼtə̀sə nyoʼo li bènə̀ Salms diʼi lu fʉ̀.”

Ŋwàʼlə̀ Luk 24:46

bè mù gàʼ a vəwenə la “Nəmwèʼè, və nyoʼli la Klistò ne yen ngəʼ a sə̀ ndiʼ a bàmə mətsi ntaʼ ghə̀ be lu fa pfʉ,

Joyn 20:9

Vəwenə ko ntɨmə bo ə shɨtə kɨ la kəshi kə Ŋwàʼlə̀ kì a kə gaʼa la Yesò diʼ ə lù fa pfʉ ə gàʼa la gho lo.

Shwèʼ 1:4

Ando Yesò mbu wenə̀ vəwenə, kətsi kətsenkə vəwenə sə nzhɨ, ghə̀ chòsə̀ soʼ a vəwenə la, “Kə ghə̀ŋ à lù fa Jelusalèm luwèn. Ghə̀ŋ nkəʼtə̀ kəku kì a mà nshə̀ʼtə̀ à ghə̀ŋ la Tìʼ ghom nghʉ li la ghə̀ a ku à ghə̀ŋ.

Shwèʼ 18:28

Abolòs soʼo nyʉ̀ no a nkàyn, dìʼì laynsə fa Ŋwàʼlə̀ Nyìngòŋ la Yesò dìʼ wen Klistò. No wu Jus muʼ nko bè gàʼ kənyʉ̀ byìʼì ziʼi yi a ghə̀ nziʼì.

Shwèʼ 18:5

Silàs wenə̀ Timotì nè lù fà Macedonia ə̀ vì a Kolìn. Bol ghʉsə no nyʉ̀ tsèm a ghə̀ ə̀ nè ə sə shə̀ʼtə tò ntɨm jùŋ à Vəjew be dìʼì laynsə̀ à vəwenə la Yesò dìʼ wìʼ yì a Nyìngòŋ tsuʼ li nghʉ.

Shwèʼ 3:18

Ando ghə̀ŋ ə̀ ne a lì, kənyʉ̀ a Nyìngòŋ ə̀ ngaʼà ə̀ chò fa nshə̀ʼtə̀sə ghoʼkəsə wen la Wìʼ yì a yì ntsuʼ li ə̀ ghʉ diʼi lu yenə ngəʼ, ə lyɨ li kəshi.

Shwèʼ 9:22

Saul sə tùʼù shə̀ʼtə̀ dyʉ̀ nə̀ ntɨm jùŋ tò shə̀ʼtə̀. Ghə̀ nshə̀ʼtə̀ a lì dìʼì mwètə̀ la Yesò dìʼ wìʼ yì a Nyìngòŋ ntsuʼ li ə̀ ghʉ, kò a ndiʼ la wù Jus muʼ a ghə̀ ndiʼì a Damaskus nzì ghə̀ soʼtə̀ kənyʉ̀ kì a ghə̀ ngàʼà lì.

Gàlesìyà 3:1

Ghə̀ŋ nkoyn ə viʼi Gàlesìyà venə! Və lùʼ ghə̀ŋ lùʼu mu? A və tə diʼ mwetə to no ando və ə bayntə Yesò Klistò a kəntò a ghə̀ŋ!