Shwèʼ 13:3 - The New Testament in the Babanki language

³ Andìʼ ando vəwenə mbam li chʉ̀ bè jɨ̀m myètə̀ vəwenə ghʉ avu vəwenə a tʉ Balnabas wenə̀ Saul mù gàʼ la vəwenə dyʉ̀ ə nè shwèʼ ayi.

Shwèʼ 13:3 ပူးပေါင်းရင်းမြစ်များ

Ŋwàʼlə̀ Luk 2:37

lɨm ə wen pfʉ. Ghə̀ kwi a nə̀ wùwì pfʉ sə̀ diʼ ngwʉʼ njʉ̀sə̀ kaʼ a məwum fwomə, ŋwʉʼ tò ngə̀ŋ Nyìngòŋ, ghoʼsə Nyìngòŋ, bamə chʉ be jɨ̀mə̀ nə̀nchwì jɨ̀mə̀ nətʉʼʉ.

Shwèʼ 1:24

Vəwenə nè a lì mù jɨ̀m gàʼà la, “Bobo, wù kɨ tətyɨm tə viʼi no vətsèm. Diʼi wìʼ yì a wù tsuʼu fa ntìntìn viʼi venə vəbò,

Shwèʼ 13:2

Ando vəwenə nghoʼsə̀ Nyìngòŋ be bamə chʉ̀, Kəzhwì kə ŋwòʼəkə vì ə̀ gàʼ à vəwenə la, “Ghə̀ŋ tsuʼ Balnabas wenə̀ Saul, vəwenə nè shwèʼ yi a mà kəŋə la vəwenə nè.”

Shwèʼ 13:4

Kəzhwì kə ŋwòʼəkə tɨm Balnabas wenə̀ Saul vəwenə shiʼi a ntə̀ʼ Selusìyà ə̀ kwen a kànuʼ ə̀ dyʉ̀ a loʼ Saybùs, ghə̀ diʼ a ntìntìn à mù.

Shwèʼ 14:23

Andìʼ no a ntsèntə̀ viʼi vəbyɨməvə,ko Bol wenə̀ Balnabas ə tsuʼ vəchəʼ və ngə̀ŋ Nyìngòŋ, ə̀ kù à vəwenə. Vəwenə nè tsu, vəwenə jɨ̀mə̀ bè bàmə chʉ̀ mù ghʉ̀sə vəchəʼ a vyi a avu Nyìngòŋ yì a vəwenə nghʉ choʼsə vəwenə à wen.

Shwèʼ 14:26

Fa Atalyà, vəwenə kwen a nkanuʼ ə̀ bwènə̀ dyʉ̀ a Antìyòk, a Sylia a kəshi yì a və nkù vəwenə tsu a avu Nyìngòŋ la ghə̀ ntùʼmə̀ nə̀ vəwenə, vəwenə nè shwèʼ yi a vəwenə nsə̀ diʼ mu vəwenə myetə̀ li luwèn.

Shwèʼ 15:40

Bol mù tsuʼ Silàs, viʼi vəbyɨməvə jɨ̀m la Nyìngòŋ ntùʼmə̀ à vəwenə, vəwenə mù lù.

Shwèʼ 6:6

Viʼi vəbyɨməvə a vyi tsuʼ viʼi avenə a lì vì nə̀ vəwenə a shɨ viʼi ntɨm ə̀ Yesò vəwenə ghʉ avu à vəwenə a tʉ ə̀ jɨ̀m à vəwenə.

Shwèʼ 9:17

Ananyàs lù ə̀ dyʉ̀ kwèn a ngə̀ŋ ayì ə̀ ghʉ̀ avu wen a kətʉ Saul gàʼà la, “Lèmə̀ ghom Saul, Bobo, a diʼi Yesò yì a wù yì yen a ji ando wù yì mvi a shèn lì, tɨm li mò la mà vi ə̀ nè ashɨ wu mbwènsə̀ yenə shi, bè nè la Kəzhwì kə ŋwòʼəkə vì à wù.”

Lumans 10:15

Wìʼ lə zizi ghə̀ shə̀ʼtə̀ ntɨm a ghèn a viʼi ko andiʼ la və tɨmə wen tɨmə a? Və nyòʼò li a Ŋwàʼlə̀ Nyìngòŋ la, “Ghə̀ŋ yen ando viʼi ə vi nə̀ ntɨm ə jùŋ ə shə̀ʼtə̀, məvì ə vəwenə boŋ ə no nànto!”

1 Timotì 4:14

Kə wù a lyesə kəku ki a Kəzhwì kə Ŋwòʼəkə ə ku li à wù lì ando nshə̀ʼtə̀sə ghoʼkəsə ngaʼà ənyʉ̀ byìʼì wù, to ando və vəchəʼ və ngə̀ŋ Nyìngòŋ vi ə ghʉ avu a wù a kətʉ.

1 Timotì 5:22

Kə wù a ə lyuŋlyuŋ əghʉ avu a wìʼ a kətʉ ə nè la ghə̀ ə kwʉʼmə a kəlyɨŋ ə ne shwèʼ a ngə̀ŋ Nyìngòŋ, a bwen alì wù ne tsentə wìʼ a yi a tì ənyʉ̀ ə byɨvə ə wen. Mwòmsə ə ndiʼ nə̀ laynə.

2 Timotì 1:6

Byìʼì kənyʉ̀ a kenkə, ma ə mbwènsə̀ dzɨŋtə wù la kə wù a moʼtə kəku ki a Nyìngòŋ ə nku à wù ando ma ghʉ̀ avu ə ghomə a wu kətʉ lì.

2 Timotì 2:2

Wù tə ə zhʉ nyʉ̀ vyi a ma tə nziʼi ashɨ nə̀ viʼi. Wù diʼ ə lyɨ̀ əziʼi ghenə luwen ə ziʼi viʼi və jùŋvə vyi a zì vəwenə be ə ziʼi viʼi vətsenvə.

3 Joyn 1:6

a vəwenə shə̀ʼtə̀ li əkòŋ ə̀ wu à ntsèntə̀ viʼi vəbyɨməvə a shèn. Gyàmtə̀ nè la vəwenə sə jèʼè dyʉ̀ a mbi, vəwenə ə nshwèʼè dyʉ̀ a jì a Nyìngòŋ ə kəŋə,

3 Joyn 1:8

Kə mu sə diʼ la vəghəŋ diʼ ə ntomsə̀ nki viʼi avenə ndi vəghəŋ ə ntsèntə̀ shyèʼè à nəmwèʼè.