Shwèʼ 13:2 - The New Testament in the Babanki language

² Ando vəwenə nghoʼsə̀ Nyìngòŋ be bamə chʉ̀, Kəzhwì kə ŋwòʼəkə vì ə̀ gàʼ à vəwenə la, “Ghə̀ŋ tsuʼ Balnabas wenə̀ Saul, vəwenə nè shwèʼ yi a mà kəŋə la vəwenə nè.”

Shwèʼ 13:2 ပူးပေါင်းရင်းမြစ်များ

Matìyò 17:21

Wìʼ zì ghə̀ dzɨ̀mə̀ shisə̀ nki kəzhwì kə byɨkə anə̀ kèn tò a zhʉ a ghə̀ jɨ̀mə̀ be bamə chʉ̀.”]

Matìyò 6:16

“Ghə̀ŋ sə ə bamə əchʉ̀, kə ghə̀ŋ ə nkə̀ʼə̀ a shinsə a nshinsə ando viʼi kəmbɨ̀lə̀ nə̀ nè. Vəwenə nə̀ sə ə bamə əchʉ̀, vəwenə sə kasə əkə̀ʼ ndi viʼi ə nyenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Matìyò 9:38

Ghə̀ŋ jɨ̀m li a Nyìngòŋ yi a ghə̀ diʼ tì sɨm la ghə̀ tɨm kwùʼsə̀ viʼi və shwèʼ və və fʉ pfì pfwo a venə.”

Ŋwàʼlə̀ Luk 10:1

A sə ndiʼ a bàm nyʉ̀ a venə, Bobo tsuʼ viʼi vətsenvə njʉ̀sə̀bò a məwum sòmbo ə tɨm vəwenə, və bò və bò la və dyʉ̀ a mbì a ntə̀ʼ sətsèm nə̀ a shi a nkàyntə wen ndiʼ dyʉ̀ tsu,

Ŋwàʼlə̀ Luk 2:37

lɨm ə wen pfʉ. Ghə̀ kwi a nə̀ wùwì pfʉ sə̀ diʼ ngwʉʼ njʉ̀sə̀ kaʼ a məwum fwomə, ŋwʉʼ tò ngə̀ŋ Nyìngòŋ, ghoʼsə Nyìngòŋ, bamə chʉ be jɨ̀mə̀ nə̀nchwì jɨ̀mə̀ nətʉʼʉ.

Shwèʼ 10:19

Ando Bità mbu kwòʼò tò kwoʼ la kənyʉ̀ kikə a kə yì fʉ̀ à yì a kə̀ʼ lì ə dìʼì la ghò lo, Kəzhwì kə ŋwòʼəkə gàʼ à wen la, “zhʉtə a Bità, viʼi diʼ a kəbə̀ŋ vətaʼ, kəŋə əyen wù.

Shwèʼ 10:30

Kòneliyòs bwènsə̀ gàʼ la, “A sə diʼ mətsi nkàʼ luwèn ndo mà tə njɨ̀mə̀ a mò a ngə̀ŋ a shèn a təzhʉ tə taʼ a mbwaʼa kəbə̀ŋ, à sə laʼtə mà yen ando wìʼ ə ti a mò a shɨ mu ghə̀ moʼ ndisə, sə fəfə fəfə be ŋwàŋtə̀,

Shwèʼ 13:3

Andìʼ ando vəwenə mbam li chʉ̀ bè jɨ̀m myètə̀ vəwenə ghʉ avu vəwenə a tʉ Balnabas wenə̀ Saul mù gàʼ la vəwenə dyʉ̀ ə nè shwèʼ ayi.

Shwèʼ 13:4

Kəzhwì kə ŋwòʼəkə tɨm Balnabas wenə̀ Saul vəwenə shiʼi a ntə̀ʼ Selusìyà ə̀ kwen a kànuʼ ə̀ dyʉ̀ a loʼ Saybùs, ghə̀ diʼ a ntìntìn à mù.

Shwèʼ 14:26

Fa Atalyà, vəwenə kwen a nkanuʼ ə̀ bwènə̀ dyʉ̀ a Antìyòk, a Sylia a kəshi yì a və nkù vəwenə tsu a avu Nyìngòŋ la ghə̀ ntùʼmə̀ nə̀ vəwenə, vəwenə nè shwèʼ yi a vəwenə nsə̀ diʼ mu vəwenə myetə̀ li luwèn.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Shwèʼ 22:21

Bobo bè gàʼ à mò tò la, ‘Lu, byìʼàndo ma tɨm wù no kəghaf à viʼi tɨm.’”

Shwèʼ 4:36

Wù loʼ Sayblùs tsen be fʉ̀ vì nə̀ ko a ghə̀ mbaʼlə̀ sɨm ə wen tsu ə̀ kù à viʼi ntɨm Yesò la vəwenə gətə à viʼi və byɨməvə. Zhiʼ wìʼ ayi ndìʼ Josèf, və ndzàŋ wen la Balnabas kənàʼ kikə diʼ la, “Ghə̀ nwe tətyɨm” Ghə̀ ndìʼ wù ngwàʼa ngə̀ŋ Levì.

Shwèʼ 6:4

Və a nè a lì yès mu nkiʼ zhʉ njɨ̀mə̀ be shə̀ʼtə̀ tò ntɨm ə jùŋ.”

Shwèʼ 8:29

Kəzhwì kə ŋwòʼəkə gàʼ à Filib la ghə̀ dyʉ̀ ə̀ boʼsə a mbyɨ̀ fənkwenkwen ayì ndi wenə̀ wìʼ ayì njèʼè dyʉ̀ a muʼu.

Shwèʼ 9:15

Bobo gàʼ à Ananyàs la, “Dyʉ̀ tò dyʉ̀ byìʼàndo ma tsuʼ li wen la ghə̀ shyèʼ à mò ə nè la viʼi tɨm nə̀ təfòyn tə bènə̀ viʼi Islel, kɨ mo.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Lumans 10:15

Wìʼ lə zizi ghə̀ shə̀ʼtə̀ ntɨm a ghèn a viʼi ko andiʼ la və tɨmə wen tɨmə a? Və nyòʼò li a Ŋwàʼlə̀ Nyìngòŋ la, “Ghə̀ŋ yen ando viʼi ə vi nə̀ ntɨm ə jùŋ ə shə̀ʼtə̀, məvì ə vəwenə boŋ ə no nànto!”

Lumans 15:16

Ghə̀ nè la mà ə̀ diʼ wù ə shwèʼè ə Yesò Klistò, shyèʼ a viʼi ətɨm. Ma shyèʼ to nə̀ pfem ə ngə̀ŋ Nyìngòŋ, shə̀ʼtə̀ ntɨm ə jùŋ Nyìngòŋ a viʼi ətɨm kə diʼ alə̀ to nə̀ kəku a Nyìngòŋ, kəzhwì kə Ŋwoʼkə shʉ̀ laynsə vəwenə, nè la Nyìngòŋ be shi kəku a kì nə̀ saŋlə ghə̀.

1 Kolìntyàns 12:11

Ənyʉ̀ na venə no ətsèm a ne to Kəzhwì na kènkə kə mùʼ lə. Kə kù no tèbe nki kəku kə kò, no tèbe a ndò, to ando kə kòŋ.

1 Kolìntyàns 7:5

Kə wìʼ na tyenə ə tsen kəshi wenə wi wen ko lɨmə wen, a bwen to la à byɨmə ghə̀ŋ vətsèm byìʼì ando ghə̀ŋ kəŋ ə lyɨ̀ əzhʉ a yi ə ne əjɨ̀m. Alì əzhʉ a yi me, ghə̀ŋ bwensə ə ntsi ntsìnə̀ lam, a bwen ali, ə mwòmsə ə Satan a nè, ghə̀ŋ fəŋ byìʼì ando ghə̀ŋ zizi ko ghə̀ŋ lu kɨ ə ghaʼ təwen ə təŋtə.

2 Kolìntyàns 11:27

Ma shyèʼè li nchwosə, à viʼi aghayn to kədə̀ŋ, ma tsì to a məkəʼ, ə vi zhʉ tseghə, ma tsì ko andiʼ la ma zhɨ̀ tebè kəfo ko ndiʼ la ma nyʉ̀ tèbè mu, ko ndiʼ la ma kiʼi no kəfo ə zhɨ̀, ko andiʼ la ma kiʼi ngə̀ŋ ə tsì tsu, ko ndiʼ la ma kiʼi no tèbe ndisə ə mòʼ.

2 Kolìntyàns 6:5

Və ghòmə li yès ə nshwin yès a nfɨŋ, ə tɨm ənòyn ə viʼi la və tsɨblə nə yès. Və nè li yès shyèʼ chò kədyòʼ ə kyeskə; yès tsì li mətsi mətsenə nə̀ jɨ̀ŋ, ko mbʉ̀nə ə ku əshɨ yesə.

Gàlesìyà 1:15

Alì, Nyìngòŋ a ghə̀ ntsuʼ mo mibu və bwi mò, ə dzàŋ mò byìʼì ətyɨm ə jùŋə ghə̀ wen la mà ə shyèʼè a wen.

Efisyàns 3:7

Ma ə nzìtə̀ shə̀ʼtə̀ ə ntɨm ə jùŋ a ghèn mu à ku Nyìngòŋ əku kədyòʼ kə wen la mà nè. Nyìngòŋ ne alə̀ byìʼì ətyɨm ə jùŋə ghə̀ ə wen.

Kòlòsyàns 4:17

Ghə̀ŋ gàʼ a Akibùs la ghə̀ kɨ la ghə̀ diʼ ə mwetə shyèʼ ə Bobo yì a və kù a wen la ghə̀ ne.

1 Timotì 2:7

Və ntsuʼ mò byìʼì kənyʉ̀ a kenkə a nə̀ wù ə ntɨm la mà shə̀ʼtə̀ kənyʉ̀ kə Nyìngòŋ bè ziʼi viʼi ətɨm nə̀ kənyʉ̀ ki a kə diʼi nəmwèʼè. Kənyʉ̀ kənkə a ma gàʼà lə ə diʼ tò no nəmwèʼè. Mà ko wamə wamə.

2 Timotì 1:11

Nyìngòŋ ə ntsuʼ mò la mà ə ndiʼ wù ə ntɨm, shə̀ʼtə̀ ntɨm ə jùŋ a ghèn, bè ziʼi viʼi.

2 Timotì 2:2

Wù tə ə zhʉ nyʉ̀ vyi a ma tə nziʼi ashɨ nə̀ viʼi. Wù diʼ ə lyɨ̀ əziʼi ghenə luwen ə ziʼi viʼi və jùŋvə vyi a zì vəwenə be ə ziʼi viʼi vətsenvə.

2 Timotì 4:11

A faŋ tò Luk a shə̀ yo wen. Wù sə ə nvì wu vi ve Mak ndi ghə̀ ə ngyàmtə̀ mò a mò a shyèʼ.

2 Timotì 4:5

Fà wù, wù dìʼ ə ghaʼa wenə wu, ə kwiʼi ətyɨm ə bwəʼ ngəʼ wù ə nshə̀ʼtə̀ dyʉ̀ nə̀ ntɨm ə jùŋ, bè nè ə shwèʼ ə wu no tsèm a nə̀ wù ə shyèʼ ə Nyìngòŋ.

Hibùlù 5:4

Kənyʉ̀ kətsen kə ə be diʼ la wìʼ zizi ko ghə̀ lu tsuʼ wenə wen a pfèm ə ngə̀ŋ Nyìngòŋ ə ŋaŋtə a nə̀ shwèʼ kuʼmə ghə̀ na yi. A ntsuʼ to Nyìngòŋ to ndə̀ŋndəŋ ando ghə̀ ə ntsuʼ Alòyn.