Shwèʼ 1:8 - The New Testament in the Babanki language

⁸ Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Shwèʼ 1:8 ပူးပေါင်းရင်းမြစ်များ

Matìyò 28:19

Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

Ŋwàʼlə̀ Mak 16:15

Ghə̀ mù gàʼ à vəwenə la, “Ghə̀ŋ dyʉ̀ a təshyə tə mbi no tətsèm ə̀ shə̀ʼtə̀ ntɨm jùŋə̀ à viʼi vətsèm.

Lumans 15:19

Ghə̀ nè li, ma sə nè nyʉ̀ ə kaynəvə to a tənkì a tənkì cho fa kədyòʼ kə kəzhwì kə Ŋwoʼkə. Ma shə̀ʼtə̀ li ntɨm ə jùŋ kumə Yesò to shì ə tsèm, ə zìtə̀ fa Jelusalèm ə dyʉ̀ ə zàʼa a Ililikùm.

Shwèʼ 5:32

Yès dìʼ viʼi və yenəvə a nyʉ̀ venə, ndə̀ŋndəŋ to nə̀ kəzhwì kə ŋwoʼəkə a Nyìngòŋ ə ku a viʼi a və zhʉ fà wen.”

Shwèʼ 4:33

Viʼi ntɨm Yesò sə̀ shə̀ʼtə̀ no nə̀ kədyòʼ kə à viʼi la Yesò lu li fa pfʉ. Nyìngòŋ bwaʼsə vəwenə no vətsèm no a nkàyn.

Shwèʼ 6:8

Stifèn ndìʼ wìʼ mu Nyìngòŋ bwaʼsə li wen no a nkàyn bè kù kədyòʼ à wen la ghə̀ ə nè nyʉ̀ kanəvə à viʼi a ntìntìn,

Lumans 10:18

Ma sətsen ə bèm la, kə le diʼ la viʼi Jus ko zhʉ̀ kənyʉ̀ kə Nyìngòŋ mu? Vəwenə zhʉ li to no zhʉ, to ndə̀ŋndəŋ ando və nyoʼ li a Ŋwàʼlə̀ Nyìngòŋ la: “Və zhʉ li gɨsə nshə̀ʼtə̀sə to shì ə tsèm a mbi. Vəwenə shə̀ʼtə̀ li kənyʉ̀, və zhʉ to tətàŋ tə mbi tə tsèm.”

Joyn 15:27

Ghə̀ŋ be na ngàʼà to nəmwèʼè a viʼi kumə mò byìʼàndo ghə̀ŋ tə ə ndiʼ vəghəŋ amuʼ, fa kənzìtə.

Ŋwàʼlə̀ Luk 10:19

Ghə̀ŋ kɨ la mà kuli adyòʼ à ghə̀ŋ a ghə̀ŋ zì ghə̀ŋ tùʼlə̀ zhusə nə̀ təŋam be nku kədyòʼ la ghə̀ŋ to chò viʼi kəbàyn, ghə̀ŋ no a jisə tsèm, kò no kəfo kə a lyomsə ghə̀ŋ.

Shwèʼ 1:5

Joyn tə nku mu à viʼi tò nə̀ nkàntə̀ à mù alì luwèn à sə̀ diʼ mu, à fàŋ tò mətsì nshə̀ʼ alə̀ və nku mu à ghə̀ŋ nə̀ kəzhwì kə ŋwoʼəkə.”

Matìyò 24:14

Və lu shə̀ʼtə̀ ntɨm jùŋə byìʼì soʼ Fòyn Nyìngòŋ a mbi ghèn no tsèm ndi viʼi təloʼ no tətsèm kɨ nəmwèʼè fa yi a bàm zhʉ mu kwʉ̀ʼ ə mbi me.

Shwèʼ 2:32

Nyìngòŋ nkye li la Yesò aghèn lu fa pfʉ. Vəghəŋ vətsèm dìʼ viʼi və yenəvə a kənyʉ̀ aghèn.

Shwèʼ 22:15

byìʼ ando wù a nti a nə̀ wuyenə à wen, be nshə̀ʼtə̀ nyʉ̀ vyi a wù zhʉ li be nyen fa wu a ngə̀ŋ à viʼi vətsèm.

Shwèʼ 13:31

ə̀ dìʼ wèn wen a mətsi no nghoʼo à viʼi vi a wenə̀ vəwenə nlu fa Galìlì a muʼu ə̀ kuʼ dyʉ̀ a Jelusalèm. Vəwenə ti luwèn a nə̀ viʼi vəyenəvə nyʉ̀ a vyi byìʼì wen à viʼi Islel.

Ŋwàʼlə̀ Luk 1:35

Ntsɨŋ ngə̀ŋ Nyìngòŋ yì bwènsə̀ gàʼa a wen la “Kəzhwì kəŋwoʼkə ne shiʼi a wu kətʉ, kədyòʼ kə Nyìngòŋ kə chiʼitə wu no tsèm. Kə la diʼi la wàyn a ghèn ne to və dzàŋ wen la wàyn Nyìngòŋ.

Shwèʼ 3:15

Ghə̀ŋ nè a lì və zhwì wìʼ yì a ghə̀ bòʼò jì bwòŋ à viʼi, alì Nyìngòŋ lùsə̀ wen fa pfʉ. No nkàntə̀ yès ə̀ ndìʼ viʼi və yenəvə a kənyʉ̀ aghèn.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Shwèʼ 8:1

Və nsə nyàblə̀ nə̀ Stifèn a lì, Saul ndiʼ tsu gàʼà tò la və zhwi wen. A bè sə ndiʼ tò a kətsi akì, viʼi vəbyɨməvə vi a və ndìʼ a Jelusalèm zɨ̀tə̀ sə yenə ngəʼ no nànto. Ando və nku ngəʼ à vəwenə a lì, vəwenə nyɨŋkə no vətsèm ə̀ dyʉ̀ a təshyə tə loʼ Judiyà bènə̀ Samalìyà, à faŋ tò viʼi ntɨm Yesò tsu.

Ŋwàʼlə̀ Luk 24:29

ali vəwenə sensə̀ wen la ghə̀ ndiʼi we vəwenə nətʉ̀ ayì ando zhʉ̀ ndyʉ̀ li ə shi sə fenə̀.