Shwèʼ 1:3 - The New Testament in the Babanki language

³ Andìʼ ando Yesò yènə ngəʼ ghoʼo ə̀ pfʉ bè bwènsə̀ lù fa pfʉ, ghə̀ dìʼ wenə wen à viʼi ntɨm wen la yì lu li fa pfʉ nəmwèʼè. Ghə̀ ne a lì tò a jisə a jisə no aghayn à ghoʼoghə a tì mətsi məwum nkàʼ bè gàʼ à vəwenə kùmə soʼ fòyn Nyìngòŋ.

Shwèʼ 1:3 ပူးပေါင်းရင်းမြစ်များ

Matìyò 21:43

Ghə̀ŋ be ko təmə̀ ndzàŋ kəshi akènkə? Byìʼì ntsìnə̀ ghə̀ŋ aghèn, “Mà gàʼà a ghə̀ŋ la və lu shi soʼ Fòyn Nyìngòŋ fa ghə̀ŋ, ə ku a viʼi vyi a və kumə ashɨ.

Matìyò 28:9

A sə tsen Yesò bùmtə̀ vəwenə ə tòŋtə vəwenə gàʼà la,“Mbwaʼmə̀ dìʼ à ghə̀ŋ”, vəwenə dyʉ̀ ghàʼ aghʉ wen sə gumlə̀ wen.

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Matìyò 4:2

Ghə̀ dyʉ̀ ə zaʼa tsu ə tsi mətsi məwum nkàʼ kò ghə̀ lə zhɨ kəfo. Fa bàm a tsu, jɨ̀ŋ mù sə zafə wen.

Ŋwàʼlə̀ Mak 16:19

Bobo Yesò nè gàʼ à ndzɨ̀mtə̀sə bàm wen ə̀ myètə̀, və kuʼsə wen a kàŋ ə̀ ŋwʉ̀ʼsə wen a shyə kwoŋ toghə Nyìngòŋ.

Joyn 20:26

A ndiʼ ando wòŋ nchwò, ndzɨ̀mtə̀sə bàm wensə sə be nyʉ̀ʼ a ngə̀ŋ wenə Tòmos, Yesò ə bvɨtə tɨmə a vəwenə a ntìntìn, no tèbe ando chʉ̀ ngə̀ŋ ndiʼ mu və chiʼ li ə shwin, ə gàʼ la, “Mbwaʼmə ə diʼ a ghə̀ŋ.”

Joyn 21:1

Yesò ə be ə fʉ̀ ə kwʉ̀ʼsə a kəʼ ə̀ ndzɨ̀mtə̀sə bàm ə wensə sòmbo a kətsi kə tsèn, a benə mo ə Tàybelìyàs. Kənyʉ̀ na kì nfʉ̀ a ji ghèn lə.

Joyn 21:14

Yesò nà diʼi wen ə wen a ndzɨ̀mtə̀sə bàm ə wensə akəshi na ghèn, a sə diʼ aghayn a tàʼ fa kətsi a ghə̀ bwensə lù fa pfʉ.

Shwèʼ 13:31

ə̀ dìʼ wèn wen a mətsi no nghoʼo à viʼi vi a wenə̀ vəwenə nlu fa Galìlì a muʼu ə̀ kuʼ dyʉ̀ a Jelusalèm. Vəwenə ti luwèn a nə̀ viʼi vəyenəvə nyʉ̀ a vyi byìʼì wen à viʼi Islel.

Shwèʼ 19:8

Fà yì a bàm, Bol sə dyʉ̀ kwenə a tì ngə̀ŋ ntsèntə̀ gàʼà wenə̀ Vəjew a tì vəsàŋ vətaʼ nə̀ tyɨm toghə, soʼtə̀ nyʉ̀, kəŋə la vəwenə byɨmə la kənyʉ̀ kì a yi gàʼà byìʼì soʼ fòn Nyìngòŋ diʼ nəmwèʼè.

Shwèʼ 28:23

Vəwenə mù ghʉ̀ kətsi be vi yen Bol. Kətsi akì kə kwʉ̀ʼ, vəwenə fʉ̀ ə̀ vì a kəshi yì a Bol ntsi tsu lì no vəghoʼo. Ghə̀ zìtə̀ fa boʼòngə̀ŋ sə gàʼà à vəwenə, ə̀ gàʼ ə zaʼa fa nəntʉʼʉ, shɨ̀tə̀ shə̀ʼtə̀ kənyʉ̀ kì a ghə̀ ndiʼi shə̀ʼtə̀ à vəwenə byìʼì kəshi kə fòn Nyìngòŋ. Ghə̀ tàŋkə̀ ənè vəwenə kɨ byìʼ Yesò, dzàŋə̀ fa ŋwàʼlə̀ Soʼ yì a Mosìs bènə̀ fa vəŋwàʼlə̀ və nshə̀ʼtə̀ səghoʼkəsə ədìʼ la kənyʉ̀ kì a yi gàʼà dìʼ nəmwèʼè.

Shwèʼ 28:31

be shə̀ʼtə̀ nyʉ̀ byìʼì soʼ fòn Nyìngòŋ, ziʼì byìʼì Bobo Yesò Klistò. Ghə̀ ngàʼà nə̀ tyɨm toghə kò a ndiʼ la kəfo kətsenkə tàʼsə̀ wen.

Shwèʼ 8:12

A sə ndiʼ ando vəwenə mbyɨmə̀ li ntɨm jùŋ yì a Filib nshə̀ʼtə̀ byìʼì soʼo fòyn Nyìngòŋ, bènə̀ la Yesò dìʼ wìʼ yì a Nyìngòŋ ntsuʼ li ghʉ, və ku mu à vəwenə, lʉmə nə̀ ki no vətsèm.

Lumans 14:17

Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

Kòlòsyàns 1:13

Ghə̀ bwoŋsə li vəghəŋ fa tì kədyoʼkə kəbəŋ kəfenəkə ə lyɨ̀ vi nə̀ vəghəŋ akəshi kə əfòyn ə Wàyn əkòŋ əwen.

1 Tèsàlonyà 2:12

sensə ghə̀ŋ la ghə̀ŋ ə nkiʼ ətyɨm ə to ghə̀, tsi ntsìnə̀ yì a Nyìngòŋ ə kòŋ. Ghə̀ dzàŋ ghə̀ŋ la ghə̀ŋ vi tsèntə akəshi kə əfòyn ə wen,be nkiʼ əbayn ə ghoʼoghə.

1 Joyn 1:1

Yès ə nyòʼò à ghə̀ŋ bìʼì ə̀ ntɨm yì a ghə̀ ku əbwòŋ. Ə ntɨm a ghèn ə ndìʼ fa kənzìtə. Yès ə nzhʉ li, ə yèn nə̀ ashɨ a yes sə, ə bè lye əkùmsə̀ nə̀ avu à yes sə.