Ŋwàʼlə̀ Mak 14:65 - The New Testament in the Babanki language

⁶⁵ Viʼi vətsenvə mù zìtə̀ sə̀ chʉlə̀ mənte a wèn Yesò, chiʼtə̀ kəʼə wen nə̀ basə ndisə, ghòmə̀ wen, gàʼà la,“shə̀ʼtə̀ lì la à ghòm ndò wù lo.” Ntsɨ̀ŋsə kətʉ kə tʉtʉ vəpfèm və ngə̀ŋ Nyìngòŋ kì bè shi wen ə̀ ghòm.

Ŋwàʼlə̀ Mak 14:65 ပူးပေါင်းရင်းမြစ်များ

Matìyò 27:30

A sə laʼtə vəwenə sə chʉ mənte à wen a wèn be bwènsə̀ shi mbàŋ yì sə ghòmə̀ wen tsu tò fa kətʉ.

Ŋwàʼlə̀ Mak 10:34

vəwenə chəʼ wen, chʉ̀ mənte à wen a wèn, ghòm wen nə̀ ngwàynsə bè ghàʼa wen ə̀ zhwi. A sə ndiʼ a mətsì ntaʼ ghə̀ lù fa pfʉ.”

Ŋwàʼlə̀ Mak 15:19

Ando vəwenə mbwènə̀ wen a lì, və zìtə̀ sə ghòmə̀ wen fa kətʉ nə̀ mbàŋ, chʉ mənte à wen a wèn, shiʼì à vəwenə a nchiʼsə alwi nè kənlobtə̀ la vəwenə gumlə̀ wen.

Joyn 18:22

Ando Yesò ə ngàʼa vì alə, sugyèʼ tsen ghòm kəvu a wen a kə̀ʼ ə bèm a wen la, “Wù dìʼ ale ə gaʼa a pfem ngə̀ŋ Nyìngòŋ ə ŋaŋtə alə a?”

Joyn 19:3

ə sə laʼtə to alə̀ vi tɨmə a wen ashɨ, bwenə wen gàʼa la, “Əchʉ̀ əzhʉ ə saʼaghə ə viʼi Jus!” Və ə zɨmə ali, ghòmə wen, to fa kə̀ʼ.

Shwèʼ 23:2

Ananyàs a ndiʼì kətʉ kə vəpfèm və ngə̀ŋ Nyìngòŋ gàʼ à viʼi vyi a və nti boʼsə Bol lì la vəwenə ghom kəvu à wen a chʉ̀.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.