Ŋwàʼlə̀ Luk 9:60 - The New Testament in the Babanki language

⁶⁰ Yesò gàʼ à wen la, “Ghʉsə, viʼi və pfʉkəvə bvɨ̀mə̀ viʼi və pfʉkəvə, alì fà wù, wu nshə̀ʼtə̀ dyʉ̀ nə̀ soʼgho kùmə̀ soʼ fòyn Nyìngòŋ.”

Ŋwàʼlə̀ Luk 9:60 ပူးပေါင်းရင်းမြစ်များ

Matìyò 4:23

Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

Matìyò 8:22

Yesò gàʼ à wen la, “Vì tò vì ə ghʉsə viʼi və pfʉkə və, vəwenə mbvɨ̀mə̀ viʼi və pfʉkə və.”

Ŋwàʼlə̀ Luk 15:24

Wyè ghom ghèn dìʼ alə̀ mà tə sə ghʉ tò la ghə̀ bwenə vì.’ Vəwenə mù zìtə̀ sə zhɨ saŋlə.

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

1 Kolìntyàns 9:16

Ma ko diʼ ə nghaŋsə əwen kumə ando ma shə̀ʼtə̀ ntɨm ə jùŋ. A sə diʼ shwèʼ mu və ghʉ̀ li la mà nè, mu mà faŋ ke nè, a ngəʼ ə byɨ ne ndiʼ a mo kətʉ!

Efisyàns 2:1

Ghə̀ŋ diʼ alə̀ mu ghə̀ŋ ndi sə ghə̀ phɨkə li a ghə̀ŋ kəzhwì byìʼì mbyɨ nə̀ nyʉ̀ ə byɨvə vyi a ghə̀ŋ nè.

Efisyàns 2:5

No tebe ando yes ə ndiʼ sə vəghəŋ ə mpfʉ li byìʼì mbyɨsə vəghəŋ, ghə̀ nku li ntsìnə̀ a vəghəŋ ando vəghəŋ ndiʼ vəghəŋ və Yesò Klistò. Nyìngòŋ ə bwoŋsə ghə̀ŋ byìʼì ətyɨm ə jùŋə yi a ghə̀ kiʼi.

1 Timotì 5:6

Wùwì mphʉ yi a ghə̀ mwòmsə ə nzhɨ tò əwen ə wen sə dìʼ mu kəzhwì kə wen kə pfʉ li no te ando ghə̀ bu jèʼè.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

2 Timotì 4:5

Fà wù, wù dìʼ ə ghaʼa wenə wu, ə kwiʼi ətyɨm ə bwəʼ ngəʼ wù ə nshə̀ʼtə̀ dyʉ̀ nə̀ ntɨm ə jùŋ, bè nè ə shwèʼ ə wu no tsèm a nə̀ wù ə shyèʼ ə Nyìngòŋ.

Kəmwetə 3:1

Nyòʼo à ntsɨ̀ŋ ə̀ ngə̀ŋ Nyìngòŋ a ghə̀ diʼì a ntsèntə̀ viʼi və byɨməvə a Saldìs la: Wìʼ yì a ghə̀ kiʼì əzhwi ə Nyìngòŋ vi sòmbo be kiʼ mədzɨ̀ŋ mì sòmbo gàʼ la, Mà kɨ əshwèʼ ghəŋə. Viʼi ə yenə ghə̀ŋ la ghə̀ŋ dìʼ vəto, alì mu ghə̀ŋ ə pfʉkə li kəzhwì.