Ŋwàʼlə̀ Luk 9:5 - The New Testament in the Babanki language

⁵ Ghə̀ŋ dyʉ̀ no fe, viʼi a vyi faŋ kè shisə ghə̀ŋ, ghə̀ŋ sə nlù, ghə̀ŋ lasə aghʉ a ghəŋə a bàm ndi vəwenə kɨ la vəwenə nèli nshwè.”

Ŋwàʼlə̀ Luk 9:5 ပူးပေါင်းရင်းမြစ်များ

Matìyò 10:18

Və lu ghaʼ dyʉ̀ tomə ghə̀ŋ ashɨ ə viʼi və soʼ və nə̀ təfòyn tə byìʼì mo, ə ghə̀ŋ shə̀ʼtə̀ ntɨm ə jùŋ ə mo a vəwenə ə bè shə̀ʼtə̀ a viʼi ətɨm.

Ŋwàʼlə̀ Mak 6:11

No a ntə̀ʼ ko a ghə̀ŋ dyʉ̀ tsu və faŋ ke shisə ghə̀ŋ ko əzhʉtə kənyʉ̀ a ghə̀ŋ gàʼà, ghə̀ŋ fʉ fa tsu. Ghə̀ŋ sə mfʉ̀ ghə̀ŋ ghòmə dzemsə səŋsə à vəwenə ndi vəwenə nkɨ la vəwenə ne li nshwè.”

Ŋwàʼlə̀ Mak 9:37

“No ndò a ghə̀ tuʼmə̀ nə̀ wàyn a nə̀ ghèn byìʼì mò mu ghə̀ tuʼmə̀ li nə̀ mò nkɨ la ghə̀ tuʼmə̀ li nə̀ wìʼ a ghə̀ tɨmə̀ mo.”

Ŋwàʼlə̀ Luk 10:16

Ghə̀ gàʼ alì mù gàʼ à viʼi ntɨm vyi la,“No məndò a ghə̀ tyen əzhʉ ghə̀ŋ mu ghə̀ tyenli əzhʉ mò. No məndò a ghə̀ tyen mo mu ghə̀ tyenli wìʼ a ghə̀ tɨmə mo.”

Ŋwàʼlə̀ Luk 5:14

Yesò tyɨftə wen la, “Kə wù a mwòm əshə̀ʼtə̀ a wìʼ,” ali “Dyʉ̀ diʼ wen wu a pfem ngə̀ŋ Nyìngòŋ ə ku kəku kyi a soʼ Mosìs gàʼa la wìʼ to fa kənsòtə̀, ghə̀ ku ndi viʼi kɨ la wu toli.”

Ŋwàʼlə̀ Luk 9:4

Ghə̀ŋ dyʉ̀ no à ntə̀ʼ ko ayì, ə kwen no a ngə̀ŋ ko, ghə̀ŋ ntsi tò tsu əzaʼa fa zhʉ a ghə̀ŋ lə lù fa ntə̀ʼ ayì.

Ŋwàʼlə̀ Luk 9:48

mù gàʼ à vəwenə la, “No məndo a ghə̀ tuʼmə̀ nə̀ wàyn ghèn à mo a zhiʼi, mu ghə̀ tuʼmə̀li nə̀ mò. No məndo a ghə̀ tuʼmə̀ nə̀ mò nkɨ la ghə̀ tùʼmə̀ nə̀ wìʼ yì a ghə̀ tɨmə mo. Ghə̀ŋ kɨ la wìʼ yì a ghə̀ tyetə; diʼi bàm a ntìntìn ghə̀ŋ vətsèm, à diʼi wen a ghə̀ diʼì kətʉ.”

Shwèʼ 13:51

Viʼi ntɨm Yesò a vyi ghòmtə̀ kəbyìʼ kə ntə̀ʼ akì fà vəwenə aghʉ ədìʼ la kə faŋ à vəwenə, ə̀ lù dyʉ̀ a ntə̀ʼ Ikonùm.

Shwèʼ 18:6

Ando vəwenə ntensə kənyʉ̀ kì a ghə̀ ngàʼà be telə̀ wen, ghə̀ bwèn dzèm wen à vəwenə ə̀ gàʼ la, “Ghə̀ŋ sətsèn nè kənyʉ̀ kènkə alə̀, Nyìngòŋ maʼa ghə̀ŋ, mu à diʼi nsoʼ ghə̀ŋ, mu kəvu komkə ko à ndiʼ tsu. Mà lì a ghʉsə ghə̀ŋ luwèn ə̀ dyʉ̀ nshə̀ʼtə̀ ntɨm jùŋ aghèn à viʼi tɨmə.”