Ŋwàʼlə̀ Luk 9:44 - The New Testament in the Babanki language

⁴⁴ “Ghə̀ŋ tuʼù zhʉtə kənyʉ̀ a mà kəŋ gàʼ à ghə̀ŋ. Və a ku Wàyn wìʼ avu viʼi.”

Ŋwàʼlə̀ Luk 9:44 ပူးပေါင်းရင်းမြစ်များ

Matìyò 16:21

Yesò zìtə̀ tò a zhʉ ayì sə̀ shə̀ʼtə̀ a ndzɨ̀mtə̀sə bàm wen la, “Yì diʼi dyʉ̀ a Jelusalèm ə yen ngəʼ ghoʼo fa avu vəchəʼ, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ, və zhwi wen à nè sə ndiʼ mətsi ntaʼ, Nyìngòŋ lusə wen fa pfʉ.”

Matìyò 26:2

“Ghə̀ŋ kɨ la à fàŋ tò mətsì mbò luwèn və zìtə̀ əzhɨ kətsi kə məzaʼsə̀. A dìʼ zhʉ a və ne ghaʼ Wàyn Wìʼ ku və bantə wen a kəntò.”

Ŋwàʼlə̀ Mak 8:31

Yesò gàʼ a lì mù zìtə̀ sə dìʼsə ndzɨ̀mtə̀sə bàm wen gàʼà la, “Wàyn wìʼ ne yenə ngəʼ byɨ, ə̀ vəchəʼ nə̀ tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ ne mo wen ə zhwi wen, à nè sə ndiʼ a mətsi ntaʼ, ghə̀ bwensə lù fa pfʉ.”

Ŋwàʼlə̀ Mak 9:31

byìʼàndo ghə̀ nziʼì ndzɨ̀mtə̀sə bàm wen gàʼà à vəwenə la,“Və ne ku Wàyn Wìʼ à viʼi və zhwi wen. A sə ndiʼ a mətsi ntaʼ, ghə̀ lù fa pfʉ.”

Ŋwàʼlə̀ Luk 1:66

No məndo a ghə̀ nzhʉ soʼgho a ghèn ghʉ a vəwenə a tyɨm gàʼà la “Wàyn a ghèn le lu kwi ndiʼ ale?” Vəwenə mù yèn no nəmwèʼè la Bobo ndiʼ wen wàyn a ghèn.

Ŋwàʼlə̀ Luk 18:31

Yesò lyɨ̀ ndzɨ̀mtə̀sə bàm wen, njʉ̀sə̀ bò ə gàʼ à vəwenə la, “Ghə̀ŋ kɨ la vəghəŋ kuʼ dyʉ̀ a Jelusalèm luwen, no ghò a nshə̀ʼtə̀ sə ghoʼkə sə diʼ mu sə nyoʼli kùmə̀ Wàyn Wìʼ diʼ kwʉʼ.

Ŋwàʼlə̀ Luk 2:19

Alì Mèli ghʉ nyʉ venə a wen a tyɨm sə kwòʼtə̀ byìʼì wen və.

Ŋwàʼlə̀ Luk 2:51

Ghə̀ lu a zhʉ a ghèn bwènə̀ shiʼi a Nazalèt wenə vəwenə mù zhʉmə vəwenə. Li wen ghʉ nyʉ̀ venə a wenə a tyɨm.

Ŋwàʼlə̀ Luk 24:44

Ghə̀ mù gàʼ a vəwenə la “Venə diʼi nyʉ̀ a ma gàʼli a ghə̀ŋ ando ma mbu ndiʼ vəghəŋ la nyʉ̀ tsèm a kə ndiʼ a soʼo Mosìs, ə nə̀ nyʉ̀ a nshə̀ʼtə̀sə nyoʼo li bènə̀ Salms diʼi lu fʉ̀.”

Ŋwàʼlə̀ Luk 9:22

ə bè gàʼ la, “Wàyn Wìʼ diʼ yen ngəʼ no a nyʉ̀ ghoʼo və, vəchəʼ wenə tʉtʉ vəpfèm və ngə̀ŋ Nyìngòŋ nə̀ ndìʼsə̀sə təsoʼ mo wen, ə və zhwi wen, à sə ndiʼ a məntsi ntaʼ, və bwòŋsə wen fa pfʉ.”

Joyn 16:31

Yesò ə bwensə bèm a vəwenə la, “A ghə̀ŋ byɨmə li luwen?

Joyn 16:4

Mà shə̀ʼtə nyʉ̀ a venə a ghə̀ŋ alə, ku kətyiftə ndiʼ əzhʉ̀ na kwʉʼ, ghə̀ŋ sə nè, ghə̀ŋ ə̀ kwoʼtə ando mà tə shə̀ʼtə̀ a ghə̀ŋ. “Mà ko tə shə̀ʼtə̀ nyʉ̀ venə a ghə̀ŋ fa ambì byìʼàndo mà bo tə diʼ vəghəŋ amuʼ.

Joyn 19:11

Yesò ə bwensə ə gàʼ la, “Nò tèbe kədyòʼ a wù kiʼi a mo a kətʉ diʼ mu à ku to Nyìngòŋ a wù. Kə diʼi la mbyɨ ə ghoʼo diʼ mu à nè wìʼ ə yi a ghə̀ ku mo a wù.”

Shwèʼ 2:23

Və mbaʼlə̀ li Yesò aghèn ando Nyìngòŋ ə̀ nshɨ̀tə̀ li ə̀ ghʉ bè kɨ, ghə̀ŋ zhwi wen a ji la ghə̀ŋ ə̀ nku wen à viʼi ne nyʉ̀ byɨvə. Vəwenə bantə wen a kəntò,

Hibùlù 2:1

Ənyʉ̀ na venə ə diʼi la vəghəŋ ə diʼ ə be ə tuʼtə̀ ə ghaʼ kənyʉ̀ na kènkə a vəghəŋ zhʉ̀ lə ndi vəghəŋ na faŋ kò və lə ə ndì.