Ŋwàʼlə̀ Luk 9:31 - The New Testament in the Babanki language

³¹ Vəwenə ndìʼ no a ntìntìn bayn ghoʼghə. Vəwenə sə gàʼà kùmə̀ pfʉ yi a Yesò ndiʼi pfʉ a Jelusalèm ə lwinsə kənyʉ̀ kì a Nyìngòŋ ghʉli.

Ŋwàʼlə̀ Luk 9:31 ပူးပေါင်းရင်းမြစ်များ

Ŋwàʼlə̀ Luk 9:22

ə bè gàʼ la, “Wàyn Wìʼ diʼ yen ngəʼ no a nyʉ̀ ghoʼo və, vəchəʼ wenə tʉtʉ vəpfèm və ngə̀ŋ Nyìngòŋ nə̀ ndìʼsə̀sə təsoʼ mo wen, ə və zhwi wen, à sə ndiʼ a məntsi ntaʼ, və bwòŋsə wen fa pfʉ.”

Ŋwàʼlə̀ Luk 9:30

Tò a zhʉ a ghèn, viʼi vəbò tɨmə sə bèsə̀ nyʉ̀ wenə wen. A ndìʼ Mosìs wenə Elijà.

Joyn 1:29

Ətʉ̀ʼ ə nlayn li, Joyn yen Yesò ando ghə̀ ə vi, ghə̀ diʼi wen a viʼi ə gàʼ la, “Ghèn diʼ wàyn BYI Njɨ̀ Nyìngòŋ yi a ghə̀ ne shi mbyɨsə viʼi mbyi!

2 Kolìntyàns 3:18

Vəghəŋ vi a və byɨmə a Yesò və tsuʼ li kəbàs kə ndisə na ki ko kə mbe chiʼtə tebè əkə̀ʼ ə vəghəŋ, vəghəŋ sə diʼ nyenə əbaynə Bobo. Ali Bobo a diʼi kəzhwì nè la vəghəŋ ə kwʉ̀ʼʉ̀ ando Bobo kəŋ, ndiʼi kuʼsə dyʉ̀ to dyʉ̀ nə̀ əbaynə wen na yi. A lə shwèʼè ə Bobo yi a ghə̀ diʼi a kəzhwì.

Filìbàyns 3:21

Ghə̀ nè ə lyɨ kədyòʼ kì a kə nè la ə̀fo ə̀ tsèm ə ndiʼ à wen ə tyi əsoʼ ə kwitə wèn ə vəghəŋ ghenə a ghə̀ diʼ ə lu pfʉ lə̀, ghə̀ kaʼkə ndiʼ tò nə̀ əwèn ə̀ ŋwoʼghə wen.

Kòlòsyàns 3:4

Yesò a diʼ ə ntsìnə̀ shəŋsə. A lu ndiʼ ando ghə̀ bwenə vi a ndayn, ghə̀ŋ ndiʼ vye vəwenə ati əghoʼ ə wen.

Hibùlù 11:22

Josèf mbe kiʼi əbyɨmə a Nyìngòŋ ə sə pfʉ̀ ə gàʼ a viʼi Islel kumə ando vəwenə diʼ ə fʉ̀ fa lòʼ ə Ijìb. Ghə̀ ngaʼa li la vəwenə lù sə mpfwo, vəwenə lyɨ̀ ə kwoŋ ə wen.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

2 Bità 1:15

Kə le diʼi la ma mwomsə no nə̀ kədyoʼkə ə nè ndiʼ mà na pfʉ ghə̀ŋ bo nkwoʼtə nyʉ̀ avenə to kwoʼtə.

Kəmwetə 7:14

Mà bwènsə̀ à wen la, “Ba, à kɨ̀ tò wù.” Ghə̀ mù gàʼ à mò la, “Venə diʼ viʼi a və cho li fa tì ngəʼsə sə̀ fàynsə sə̀. Vəwenə nshʉ li vədàlə və vəwenə ne mənlyuŋ mə wàyn bi ənjɨ̀ və sə fəfə fəfə.