Ŋwàʼlə̀ Luk 9:28 - The New Testament in the Babanki language

²⁸ A sə nkuʼu dyʉ̀ məntsi fwomə ando Yesò ngàʼà nyʉ̀ a vènə, ghə̀ lyɨ̀ Bità nə̀ Joyn nə̀ Jems, wenə vəwenə kuʼ a kwi pfen əjɨ̀m.

Ŋwàʼlə̀ Luk 9:28 ပူးပေါင်းရင်းမြစ်များ

Matìyò 14:23

Ando ghə̀ ngàʼà viʼi sə mpfwo, ghə̀ lù kuʼ a kwi pfen tò wen nyɨŋ əjɨ̀m. Tʉʼ sə njɨ vì ghə̀ diʼ tsu tò wen nyɨŋ.

Matìyò 5:1

Yesò n-yèn tənòyn tə viʼi ando tə vì, ghə̀ kùʼ a kwi pfen ə shiʼi ŋwʉʼʉ a nsè. Ndzɨ̀mtə̀sə bàm wen sə vì tsèntə̀ a wen a mbyɨ̀.

Ŋwàʼlə̀ Mak 1:35

Tʉʼʉ sə nlàynə vì, ghə̀ lu ə̀ fʉ̀ dyʉ̀ a kəshi kəlyomtəkə tò wen nyɨŋ, mù sə jɨ̀mə̀.

Ŋwàʼlə̀ Mak 6:46

Ando ghə̀ gàʼ a lì, ghə̀ lù kuʼ a kwi pfen əjɨ̀m.

Ŋwàʼlə̀ Luk 3:21

Ando Joyn nku mu a viʼi myètə, Yesò vi ghə̀ boŋ ku mu a wen. Ghə̀ nè sə njɨ̀mə̀, kaŋ boʼmə̀,

Ŋwàʼlə̀ Luk 5:16

Ali ghə̀ moʼtə vəwenə ə dyʉ̀ a kəshi, tò wen nyɨŋ ə jɨm.

Ŋwàʼlə̀ Luk 6:12

Tò məntsi a ghèn Yesò kuʼ a kwi pfen kətsi kətsenkə ə tsi tsu əjɨ̀m a Nyìngòŋ əzaʼa fa tʉʼ laynə ghə̀.

Ŋwàʼlə̀ Luk 8:51

Yesò dyʉ̀ zaʼa a ngə̀ŋ ayì sə kwen tsu ə̀ kàyn la kə wìʼ à kwen a ngə̀ŋ əchò Bità nə̀ Joyn nə̀ Jems nə̀ tìʼ bènə̀ lì wàyn ayì.

Ŋwàʼlə̀ Luk 9:18

A ndìʼ kətsi kətsenkə, Yesò sə njɨ̀mə̀ tò wen, ndzɨ̀mtə̀sə bàm wen vì a wen, ghə̀ mù bèm à vəwenə la “Viʼi gàʼà la ma diʼ ndo?”

Joyn 6:3

Yesò ə ndyàŋə̀ ali ə dyʉ̀ kuʼ nyʉ̀ʼmə a kwi pfen wenə ndzɨ̀mtə̀sə bàm ə wen.

2 Kolìntyàns 13:1

Mà ne sə vi ə ghayntə ghə̀ŋ alə a ndiʼ aghayn a tàʼ. Ŋwàʼlə̀ Nyìngòŋ gàʼ la, wìʼ diʼ sə gàʼ la wìʼ ne li byɨbsə kənyʉ̀, nchò nsòʼ ə wen diʼ ndiʼ viʼi və bò kò və tàʼ.

Hibùlù 5:7

A ndiʼ ando Yesò bo tsì a nse ashə, ghə̀ ne sə jɨ̀mə̀ a Nyìngòŋ, ghə̀ sə zɨ̀mə dì. Ghə̀ ə njɨ̀mə̀ alə̀ byìʼì ando ghə̀ ə nkɨli la Nyìngòŋ ə kiʼi kədyòʼ ə bwoŋsə wen fa pfʉ. Nyìngòŋ ə nzhʉ li wen byìʼì ando ghə̀ ə ntsi ntsìnə̀, shiʼsə wèn.

2 Bità 1:16

Ənyʉ̀ vyi a yès ə shə̀ʼtə̀ a ghə̀ŋ kumə məvi ə Bobo vəghəŋ Yesò Klistò nə̀ kədyoʼkə wenkə diʼ nyʉ̀ mu yès yen li to no fa yès a ngəŋsə. A ko diʼ mətitì mə zɨmə a wù ə tofə ə tsen shə̀ʼtə̀.