Ŋwàʼlə̀ Luk 9:18 - The New Testament in the Babanki language

¹⁸ A ndìʼ kətsi kətsenkə, Yesò sə njɨ̀mə̀ tò wen, ndzɨ̀mtə̀sə bàm wen vì a wen, ghə̀ mù bèm à vəwenə la “Viʼi gàʼà la ma diʼ ndo?”

Ŋwàʼlə̀ Luk 9:18 ပူးပေါင်းရင်းမြစ်များ

Matìyò 14:23

Ando ghə̀ ngàʼà viʼi sə mpfwo, ghə̀ lù kuʼ a kwi pfen tò wen nyɨŋ əjɨ̀m. Tʉʼ sə njɨ vì ghə̀ diʼ tsu tò wen nyɨŋ.

Matìyò 26:36

Yesò mù lù wenə̀ ndzɨ̀mtə̀sə bàm wen ə̀ dyʉ̀ zaʼa a kəshi kətsenkə a və ndzàŋə̀ nə̀ Gethsèmane a wenə pfen olìf ə̀ gàʼ à vəwenə tsu la, “Ghə̀ŋ ŋwʉʼʉ a shèn mà dyʉ̀ jɨ̀m a fàʼà.”

Ŋwàʼlə̀ Luk 11:1

A ndìʼ kətsi kətsen kə, Yesò sə jɨ̀mə a kəshi kətsen kə. Ando ghə̀ njɨ̀mə̀ myètə, ndzɨ̀mtə̀ bàm wen tsen ə gàʼ à wen la, “Bobo, dìʼsə yès nə̀ nyʉ̀ vyi a yès diʼi ngàʼà a zhʉ a yès jɨ̀mə, ndə̀ŋndəŋ ando Joyn ndìʼsə̀ ndzɨ̀mtə̀sə bàm wen.”

Ŋwàʼlə̀ Luk 3:21

Ando Joyn nku mu a viʼi myètə, Yesò vi ghə̀ boŋ ku mu a wen. Ghə̀ nè sə njɨ̀mə̀, kaŋ boʼmə̀,

Ŋwàʼlə̀ Luk 6:12

Tò məntsi a ghèn Yesò kuʼ a kwi pfen kətsi kətsenkə ə tsi tsu əjɨ̀m a Nyìngòŋ əzaʼa fa tʉʼ laynə ghə̀.

Ŋwàʼlə̀ Luk 9:19

Vəwenə bwènsə̀ la “Və gàʼà la wu diʼ Joyn wù Ku Amù, vətsenvə gàʼà la wù diʼi nshə̀ʼtə̀ Elijà, vətsenvə gàʼà la wù diʼ nshə̀ʼtə̀ mu tsen a ghə̀ bwènə̀ nlù fa pfʉ.”

Ŋwàʼlə̀ Luk 9:28

A sə nkuʼu dyʉ̀ məntsi fwomə ando Yesò ngàʼà nyʉ̀ a vènə, ghə̀ lyɨ̀ Bità nə̀ Joyn nə̀ Jems, wenə vəwenə kuʼ a kwi pfen əjɨ̀m.

Ŋwàʼlə̀ Luk 9:29

Ando Yesò njɨ̀mə̀, kəʼə wen bvʉ̀tə kwitə, ndisə wen sə mù sə fəfə ŋwàŋtə̀.