Ŋwàʼlə̀ Luk 9:16 - The New Testament in the Babanki language

¹⁶ Yesò shi təghɨf tə kəbayn a tìtə nə̀ shʉ shi səbò ə ki kuʼsə nə̀ kaŋ ə ku kəzòŋ a Nyìngòŋ ə byèʼ ku a ndzɨ̀mtə̀sə bàm wen la sə gə̀tə̀ a viʼi a vyì.

Ŋwàʼlə̀ Luk 9:16 ပူးပေါင်းရင်းမြစ်များ

Matìyò 14:19

Ghə̀ mù gàʼ à nòyn viʼi vi la vəwenə ŋwʉʼtə dyʉ̀ a agəŋ. Ghə̀ bè mù shì təghɨf tə kəbayn kə məka tì tə tàyn bènə̀ shʉsə shì sə bò ə̀ ki kùʼsə nə̀ kaŋ kù kəzòŋ a Nyìngòŋ, byə̀ʼ kəbàyn akì tsèntə̀ kù a ndzɨ̀mtə̀sə bàm wen la sə gətə à viʼi a vyi.

Matìyò 15:36

Vəwenə nè ŋwʉʼtə, Yesò shi təghɨf tə kəbayn tə məka titə sòmbo nə̀ məshʉ̀tə mì ə̀ kù kəzòŋ à Nyìngòŋ mù byəʼə̀ kù à ndzɨ̀mtə̀sə bàm wen, vəwenə mù gə̀tə̀ dyʉ̀ à viʼi vi.

Ŋwàʼlə̀ Mak 7:34

mù ki kùʼsə nə̀ kaŋə ə̀ dèm bè mù gàʼ à wen la, “Ephatha” àdìʼ mu ghə̀ gàʼ la, “Bòʼmə!”

Ŋwàʼlə̀ Luk 22:19

Ghə̀ bè lyɨ̀ kə̀bayn ə ku kəzòŋ a Nyìngòŋ ə byəʼlə ə gə̀tə̀ a vəwenə gaʼà la “kènkə diʼi wenə ghomə a və ku byìʼì ghə̀ŋ, ghə̀ŋ ne nè kènkə kwòʼtə̀ mò.”

Ŋwàʼlə̀ Luk 24:30

Ando ghə̀ ŋwʉʼmə wenə vəwenə a kəchiʼ əzhɨ, ghə̀ lyɨ̀ kə̀bayn ə bwaʼsə̀, ə byəʼlə bè mù ku a vəwenə

Ŋwàʼlə̀ Luk 9:15

Vəwenə nè viʼi a vyi ŋwʉʼtə a nse.

Ŋwàʼlə̀ Luk 9:17

Vəwenə zhɨ ə kwìʼkə no və tsèm, ndzɨ̀mtə̀sə bàm wen boŋtə byèʼ vyi a və nfaŋ, və lwin a nkyèsə njʉ̀sə̀bò.

Joyn 6:11

Yesò ə mu shi kəbayn a kì ə ku kəzòŋ a Nyìngòŋ, mu ku la və gətə a viʼi a venə. Ghə̀ be shi shʉ̀ shisə ə ku to kəzòŋ a Nyìngòŋ ə gə̀tə̀ a viʼi, no ndò ə zhɨ kwiʼ to ando ghə̀ kòŋə.

Joyn 6:23

Məbaŋ mə tsenə mə lù fa Tàybelìyàs ə vì tɨmə a ben kəshi yi a Yesò ə bwaʼsə fozhɨvə vyi ə ku a viʼi tsu li la vəwenə zhɨ.

Shwèʼ 27:35

Bol ngàʼ a lì ə̀ lyɨ̀ kəbayn ə̀ kù kəzòŋ à Nyìngòŋ tò à vəwenə a shɨ mù byəʼ ə̀ zìtə̀ sə zhɨ.

Lumans 14:6

Wìʼ yi a ghə̀ yenə la kətsi kətsenkə ə kuʼmə chò kə tsenkə ə ne alə̀ ə kuʼsə Nyìngòŋ tsu. Wìʼ a ghə̀ zhɨ to fo ə tsèm ə ku kùʼsə a Nyìngòŋ byìʼì ando ghə̀ zhʉ sə nzhɨ, ghə̀ ku kəzòŋ a Nyìngòŋ. Wìʼ a ghə̀ ko bamə fo ə tsevə ə ne alə̀ be ə ku kùʼsə a Nyìngòŋ byìʼì ando ghə̀ zhʉ sə nè ali, ghə̀ ku kəzòŋ a Nyìngòŋ.

1 Kolìntyàns 10:30

Mà sətsèn ə zhɨ̀ əfo ə zhɨvə, ku kəzòŋ a Nyìngòŋ, ko və lu ə ndiʼ ə ghamə mo kumə kəfo kì a ma zhɨ, a diʼ ali ma zhɨ, ku kəzòŋ.

1 Kolìntyàns 11:24

a sə diʼ ando ghə̀ ku kəzòŋ a Nyìngòŋ, ghə̀ byəʼlə ə gàʼ la, “Ghenə diʼ əwèn ghomə a ma kù byìʼì ghə̀ŋ. Ghə̀ŋ ne ə nè alə̀ kwoʼtə mò.”