Ŋwàʼlə̀ Luk 8:29 - The New Testament in the Babanki language

²⁹ Ghə̀ ngàʼa alì byìʼàndo Yesò sə nkəŋkə kəzhwì kəbyɨkə kyì la kə fʉ̀ fa wenə a wèn. Kəzhwì akyì nku ngəʼ a wen tò mənzhʉ̀ a mənzhʉ̀. No a zhʉ̀ kò a kə nku ngəʼ à wen, və ghaʼ kwìʼ akwoŋ wen bènə̀ afwen wen nə̀ mpfɨŋsə ə ghʉ wen a kəshi. Və nè ghʉ alì, ghə̀ tyintə mpfɨŋsə ashì tò tyintə, kəzhwì kə byɨkə akyì lyɨ̀ wen ə dyʉ̀ nə̀ wen a nse zɨm.

Ŋwàʼlə̀ Luk 8:29 ပူးပေါင်းရင်းမြစ်များ

Ŋwàʼlə̀ Mak 5:8

(Ghə̀ ngàʼà a lì byìʼàndo Yesò nkàntə̀ nyʉ̀ a wen gàʼà la, “Fʉ fa wèn wìʼ ghèn a kəzhwì kə byɨkə kènkə!”)

Ŋwàʼlə̀ Luk 8:28

Ando ghə̀ n-yenə Yesò ghə̀ ku nkəʼ dì ə fəŋ a wen ashɨ ə zɨmə no gɨ to gàʼà la, “Wù kəŋ ghò fa mò a Yesò, Wàyn Nyìngòŋ ghoʼo? Mà sensə̀ wù la kə wù a ku ngəʼ à mò.”

Ŋwàʼlə̀ Luk 8:30

Yesò mù bèm à wìʼ ayì la, “Zhiʼi wu diʼ ndo?” Ghə̀ bwènsə̀ la, “Zhiʼi ghomə diʼ ‘Tənòyn’,” byìʼàndo zhwì byɨvə ndiʼ mu və kwenli a wen a wèn no ghoʼo.

Ŋwàʼlə̀ Luk 9:39

Kəzhwì kə byɨkə ghaʼa wen, ghə̀ shen ə zɨmə dì ə fəŋ a nse, kəfʉ̀ʼʉfʉ̀ʼʉ kə sə fʉ̀ fa wen a chʉ̀. Kə sə nè alì, ku ngəʼ à wen, to əmòʼtə wen.

Ŋwàʼlə̀ Luk 9:42

Ghə̀ sə fʉ̀ dyʉ̀ nə̀ wen, kəzhwì kə byɨkə kyì moʼò wàyn ayì a nse, alì Yesò kàyntə̀ nyʉ̀ a kəzhwì kə byɨkə a kyì, kə fʉ̀, wàyn ayì to. Ghə̀ mù bwènsə̀ ku wen à tìʼ wen.