Ŋwàʼlə̀ Luk 8:21 - The New Testament in the Babanki language

²¹ Yesò gàʼ à vəwenə la, “Lì ghom bènə̀ vəlèmə vwomə diʼ viʼi a və zhʉ kənyʉ̀ kə Nyìngòŋ, nè ando ghə̀ gàʼà.”

Ŋwàʼlə̀ Luk 8:21 ပူးပေါင်းရင်းမြစ်များ

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Matìyò 25:45

Fòn mu gàʼ à vəwenə la, Mà gàʼà à ghə̀ŋ nəmwèʼè la no ghò a ghə̀ŋ ntyenə ənè a wìʼ muʼ a ghə̀ ndiʼ a bàm fa ntìntìn vəlèmə̀ vwomə venə dìʼ mu ghə̀ŋ ntyen la ghə̀ŋ ko a nè à mò.

Matìyò 28:10

Yesò mù gàʼà vəwenə la, “Kə ghə̀ŋ be fwàyn. Ghə̀ŋ dyʉ̀ gàʼà vəlèmə̀ vwomə la vəwenə dyʉ̀ a Galìlì a vəwenə a yen mo tsu.”

Ŋwàʼlə̀ Luk 8:15

Sətsensə shì a sə nfəŋkə a nse jùŋ diʼ tò nə̀ viʼi vyi a və zhʉ kənyʉ̀ kə Nyìngòŋ, ə ghaʼ no nəmwèʼè nə̀ tətyɨm tə jùŋtə, sə mwòmsə̀ əzaʼa fa zhʉ a ghə̀ a kumə ashɨ a vəwenə ntsìnə̀sə.

Ŋwàʼlə̀ Luk 8:20

Wutsen shə̀ʼtə̀ a wen la, “Lì wu wenə vəlèmə vyə ti a kəbəŋ kəŋ əyen wù.”

Joyn 13:17

Ghə̀ŋ sə kɨ nyʉ̀ venə, mu ghə̀ŋ sətsen ə nè to ali, ghə̀ŋ a kiʼi mbwaʼsə.

Joyn 20:17

Yesò ə gàʼ a wen la, “kə wù ghaʼ mo byìʼì ando mà ko təmə bwenə ə dyʉ̀ a Tìʼ. Boŋsə dyʉ̀ gàʼ a vəlemə vwomə la ma bwenə dyʉ̀ ə yen Tìʼ ghom yi à be diʼ Tìʼ vəwenə, ə Nyìngòŋ ghom yi à diʼ Nyìngòŋ ə vəwenə.”

2 Kolìntyàns 5:16

Ə zìtə̀ fa luwen, yès ko be a nlyè wìʼ fa ji yi a viʼi mbyi lyè fa tsu. Kə diʼ to no nəmwèʼè la, yès ə nlyè Yesò a ji a ghèn, ali sə diʼ ko yès mbe nlye ali.

2 Kolìntyàns 6:18

ə ndiʼ Tìʼ a ghə̀ŋ, ghə̀ŋ diʼ vunə vwomə. A gàʼà Bobo, ə Tìʼ adyòʼ no tsèm.”

Jems 1:22

Kə ghə̀ŋ a nzhʉtə̀ kənyʉ̀ kə Nyìngòŋ tò zhʉtə. Ghə̀ŋ diʼi ə nè kənyʉ̀ a kə gàʼà a bwen a lì mu ghə̀ŋ ə lobtə̀ təwen təŋtə.

1 Joyn 2:29

Ghə̀ŋ sətsèn ə nkɨ la ghə̀ dìʼ wù kənyʉ̀ kə tɨməkə, ghə̀ŋ a nkɨ nəmwèʼè la no ndò a ghə̀ nè kənyʉ̀ kə tɨməkə dìʼ wàyn wen.

3 Joyn 1:11

Kə a nshyəmə̀ mbyɨ a lèmə̀ kòŋ ə̀ mò, ə mbòŋsə shyəmə̀ tò njùŋ. Wìʼ a ghə̀ nè njùŋ dìʼ wù Nyìngòŋ, yì a ghə̀ nè mbyɨ ə ko təmə kɨ Nyìngòŋ.