Ŋwàʼlə̀ Luk 8:13 - The New Testament in the Babanki language

¹³ Ayi a ghə̀ nfəŋkə a təghu diʼ tò nə̀ viʼi vyi a və zhʉ kənyʉ̀ akì, və zaŋsə byɨmə tò a fəshitə̀ fə zhʉ alə̀, mwòmsə vi, vəwenə nfɨŋ tò fa zhʉ.

Ŋwàʼlə̀ Luk 8:13 ပူးပေါင်းရင်းမြစ်များ

Ŋwàʼlə̀ Mak 6:20

No nkàntə̀ Helòd ə̀ mfànə̀ Joyn byìʼe ghə̀ nkɨ la Joyn dìʼ wù kənyʉ̀ kə tɨməkə be diʼ wù Nyìngòŋ. Helòd ko mbyɨmə la və ne kənyʉ̀ kə byɨkə kətsenkə à Joyn. Ghə̀ nkòŋ ə nzhʉtə̀ nyʉ̀ vyi a Joyn ngàʼà alì nyʉ̀ a vyi zhuŋsə wen no nànto.

Ŋwàʼlə̀ Luk 8:12

Ngwàʼ yì a ghə̀ nfəŋkə a ji diʼ tò nə̀ viʼi vyi a və zhʉ kənyʉ̀ kə Nyìngòŋ, Deblə̀ vì shisə fà vəwenə tətyɨm la kə vəwenə byɨmə ə bwòŋ.

Ŋwàʼlə̀ Luk 8:14

Sətsensə shì a sə nfəŋkə a kəzòyn diʼ tò nə̀ viʼi vyi a və zhʉ kənyʉ̀ akì, sə tsitə tò alə̀, ashɨ vəwenə boʼtə, vəwenə sə kəŋ ghoʼ, nyɨŋ fa bàmə fo nse, nyʉ̀ kaynə və taʼsə la kə vəwenə tɨmə a vəwenə tyì byɨmə.

Joyn 15:2

chwaynə maʼ tətam titə a tə ko kumə ashɨ a mo wèn, tsùʼtə fo fa tətam a tyi a tə ko kumə ashɨ, ndiʼ tə tuʼ kumə.

Joyn 15:6

A tyen no ndò la ghə̀ ko a faŋə a mo wen, və a təmə wen ə maʼa, to nə̀ ətam yi a və nə̀ chwaynə mòʼ, ghə̀ zɨm. Və nè bwensə boŋtə tətam a tentə ə nyuʼ azhiʼ.

Joyn 5:35

Joyn tə ndiʼ to nə̀ baynə a ghə̀ŋ. A tə ndiʼ a mətsi mə tsen nə̀, ghə̀ŋ ku ə zhʉtə nyʉ̀ vyi a ghə̀ ngàʼà, və diʼ to nə̀ baynə, nè la ghə̀ŋ ə saŋlə.

1 Kolìntyàns 13:2

Mà sətsen ə nkiʼ kəku ə nshɨtə kɨ ə shə̀ʼtə̀ kənyʉ̀ kə Nyìngòŋ, zhʉ kɨ nyʉ̀ ə lyomtəvə, no ə tsèm, kiʼi ətof kumə əfo ə tsèm be kiʼi əbyɨmə a ghə̀ zì ghə ne la mà ə məʼtə phènsə alì ko ndiʼ la ma kiʼi əkòŋ, ko mà na kwʉ̀ʼʉ̀ no kəfo no fa mpfen.

1 Kolìntyàns 15:2

A diʼ ntɨm ə jùŋ na ghèn a ghə̀ zizi ghə̀ bwoŋsə ghə̀ŋ, azhʉ̀ a ghə̀ŋ shətə ghaʼa kənyʉ̀ ki a mà tə shə̀ʼtə̀ a ghə̀ŋ, bwen ali, əbyɨmə ə ghəŋə a lè to kədyàŋ.

Gàlesìyà 3:1

Ghə̀ŋ nkoyn ə viʼi Gàlesìyà venə! Və lùʼ ghə̀ŋ lùʼu mu? A və tə diʼ mwetə to no ando və ə bayntə Yesò Klistò a kəntò a ghə̀ŋ!

Gàlesìyà 3:4

Kə lə diʼ la ghə̀ŋ tə yenə ngəʼ no nànto alə to kədyàŋ mu? Ghə̀ŋ ə zizi ko ghə̀ŋ lu yen ngəʼ alì to kədyàŋ.

Efisyàns 3:17

ndi əbyɨmə ə ghəŋə nè Klistò ə nshɨtə tsi a ghə̀ŋ tətyɨm. Ma jɨ̀mə̀ la əkòŋ ghəŋə a Nyìngòŋ ne ghə̀ŋ kòŋ təwen ə təŋtə kwi ə to tò nə̀ fəkoʼ a ghaŋ yi dyʉ̀ li a nse be diʼ to nə̀ ngə̀ŋ a kəchɨ ki ə to a nse.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Kòlòsyàns 2:7

Ghə̀ŋ we aghaŋ, be bwom wenə ghə̀ŋ ghə̀ to a wen. Ghə̀ŋ bwòm ntsìnə̀ ə ghəŋə a wen a wen ando və bwomə ngə̀ŋ akwi kəchɨ kə ngə̀ŋ kə jùŋə kə, shɨtə ghaʼ byɨmə yi a və tə ziʼi a ghə̀ŋ, ghə̀ŋ a to dyʉ̀ to nə̀ mbì. Ghə̀ŋ a lwin ne ku kəzòŋ a Nyìngòŋ no nànto.

1 Tèsàlonyà 3:5

A le kənyʉ̀ ki a ghə̀ŋ tə nè ma tensə Timotì. Mà tə tensə la ghə̀ vi yen la, ghə̀ŋ le tuʼ ə choʼsə Yesò lò byìʼì ando ma zizi ko ma be kwiʼ ətyɨm ə ntsi, ko ma kɨ la à fʉ ghò fʉ ghə̀ŋ lo. Mà tə sə kwoʼtə to la Deblə̀ zizi ghə̀ ə ndiʼ mù ghə̀ mwomsə li ghə̀ŋ, shwèʼè ə yesə əle to kədyàŋ.

1 Timotì 1:19

Shɨtə ghaʼ əbyɨmə ə wu à Yesò Klistò, ə nkiʼ kwoʼtə ə laynə ghə̀. Viʼi vətsenvə tensə li ə ne kənyʉ̀ ki a kwòʼtə ə laynə ghə̀ a ghenə ə diʼi, ə maʼa əbyɨmə ə vəwenə.

Hibùlù 10:39

A diʼ fa vəghəŋ, vəghəŋ ko diʼ to nə̀ viʼi vì a və nyɨŋ li bwenə fa bàm Nyìngòŋ. Vəghəŋ boŋsə diʼ viʼi vyi a və kiʼi əbyɨmə a wen, ghə̀ diʼ lù bwoŋsə vəghəŋ.

Jems 2:26

Kə mù sə diʼ la ando ə̀ kətsoʼ kə wèn kènə̀ kəzhwì kə diʼ mu kə pfʉ li, à bè dìʼ tò ndə̀ŋndəŋ ando byɨmə kènə̀ shyèʼè diʼ kəmpfʉ kə byɨmə.

2 Bità 2:20

Viʼi sətsen kiʼi Bobo, ə Mbwòŋsə̀ vəghəŋ Yesò Klistò ə nyɨŋ fʉ̀ fa nyʉ̀ ə mbi ə be lu bwensə kwen tsu, kə tisə vəwenə, a viʼi a vyi a byifə chò ando və ə ndiʼ fa ambì.

2 Bità 2:22

Kənyʉ̀ ki a kə fʉ̀ a ndìʼsə̀sə ə dzɨŋ a sènsə diʼi li la ngàyn ghèn la, “Bʉ nə̀ shisə kəfo, ghə̀ bwensə lo,” diʼ to no nəmwèʼè. Kenkə la, “Və shʉ̀ tèbe əwènə ə nkʉnyàm, a ghə̀ be bwensə kwen ə buŋkə to kətsoʼ,” be diʼ to no nəmwèʼè.

1 Joyn 2:19

Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.

Ŋwàʼlə̀ Jud 1:12

Ghə̀ŋ ŋwʉ̀ʼmə ə zhɨ̀ fozhɨvə ntsentə ə ghə̀ŋ, viʼi a venə ə sə diʼ to nə̀ kəməŋkə a ghə̀ŋ a ntìntìn, kò tʉ vəwenə lu ndiʼì. Vəwenə diʼ to nə̀ ntsɨŋsə byisə a vəwenə tuʼmə to nə̀ təwen tə vəwenə. Vəwenə ə diʼ to nə̀ mboʼsə a təfwof tə nə̀ tenə, ə chò ali ko sə lu vi tebè nə̀ ghʉ. Vəwenə dì to nə̀ nkòʼ mə ashɨ a zhʉ kwʉʼʉ, ko mə lu kumə ashɨ. Vəwenə ə diʼ to nə̀ nkòʼ a və tsuʼtə li aghaŋ ayi fa nse, mə pfʉkə.