Ŋwàʼlə̀ Luk 7:8 - The New Testament in the Babanki language

⁸ Ma gàʼ alə̀ byìʼàndo nkàntə̀ mò shyèʼè a ti viʼi, kiʼ vəsugyèʼ à mò ati. Mà gàʼ à ghèn la, ‘Dyʉ̀!’ ghə̀ dyʉ̀ tò dyʉ̀, ə gàʼà à wutsen la, ‘Vi!’ ghə̀ vi tò vi. Mà gàʼ à wù shyèʼ mò la, ‘Ne alə̀!’ ghə̀ nè tò alì.”

Ŋwàʼlə̀ Luk 7:8 ပူးပေါင်းရင်းမြစ်များ

Ŋwàʼlə̀ Luk 7:7

bè diʼ alə̀ kènla ma kwʉʼli ətɨmə ə gàʼ à wù fa mò a ngə̀ŋ. Alì, gàʼa tò gàʼa la wù shyèʼ mò to, a ghə̀ a to.

Ŋwàʼlə̀ Luk 7:9

Yesò zhʉ kənyʉ̀ a kì a ghə̀ ngàʼa lì sə diʼ nə̀ kaynə, ghə̀ gàʼ à tənòyn tə viʼi tì a tə ndzɨ̀mtə̀ wen la, “Ma ko təmə yen wìʼ, a ghə̀ kiʼi nki byɨmə ghenə a tyì loʼ Islel.”

Shwèʼ 23:17

Bol dzàŋtə̀ kətʉ kə vəsugyèʼ kətsenkə ə̀ gàʼ à wen la, “Lyɨ wàyndyə nkùŋ ghèn ə̀ dyʉ̀ nə̀ wen à kətʉ kə vəsugyèʼ kə ghoʼo kə. Ghə̀ kìʼ kənyʉ̀ əshə̀ʼtə̀ à wen.”

Shwèʼ 23:23

Kətʉ kə vəsugyèʼ kə ghoʼokə kì dzàŋtə̀ tʉ vəsugyèʼ və wen la vəbò ə̀ gàʼ à vəwenə la, “Ghə̀ŋ lyɨ vəsugyèʼ təghɨ təbò ə boʼsə nə̀ vəsugyèʼ vətsenvə a və nyɨŋə a tʉ nyamsə məwum sòmbo, bènə̀ vi a və soynə nə̀ aghoŋ təghɨ təbò, wenə̀ vəwenə mbvʉ̀tə̀ ədyʉ̀ a Sisalìyà. Vè vəwenə mbaʼtə̀ əlù a təzhʉ abʉ̀muʼ nəntʉʼʉ layn.

Shwèʼ 23:26

“A nyòʼ mò Klodùs Lysiyas, nyoʼ ŋwàʼlə̀ ghèn à wù a Felik Gumnà jùŋə. Mà tɨmə toŋtə à wù.

Shwèʼ 23:31

Kətʉ kə vəsugyèʼ akì zhʉ kənyʉ̀ kì a kətʉ kə vəwenə yì gàʼ ə̀ lyɨ̀ Bol tò nəntʉʼʉ ayì vəwenə jèʼ ə̀ dyʉ̀ zaʼa a Antibatlìs.

Shwèʼ 24:23

Ghə̀ gàʼ a lì mù chòsə̀ soʼ à kətʉ kə vəsugyèʼ la ghə̀ shwin Bol alì nbo kye wen ghə̀ fʉ jèʼtə̀ bè gàʼ la, kə və à ntàʼsə̀ viʼi ndoŋsə wen la kə vəwenə a vì nku fo vi à wen a ghə̀ kəŋə.

Shwèʼ 25:26

alì kò ma lu nkiʼ no kətʉ kə kənyʉ̀ kə mùʼ ənyòʼ à fòn ghoʼo byìʼì wen. A le kənàʼ kə kənyʉ̀ a ma gaʼà la və vi nə̀ wen à ghə̀ŋ ndi ghə̀ gàʼ no tò à wù a shɨ a Fòyn Aglibà. Vəghəŋ ne soʼ nsoʼ ayì mà mu nkiʼ kənyʉ̀ a mà zì mà nyoʼ,

Kòlòsyàns 3:22

Ghə̀ŋ viʼi vi a ghə̀ŋ shwèʼè to ne əkosə, ghə̀ŋ zhʉ fa vətìʼ və əshwèʼè ghə̀ŋ vi a və diʼi a nse no nyʉ̀ ə tsèm. Kə ghə̀ŋ ne kənyʉ̀ azhʉ̀ a ghə̀ŋ kəŋ la vəwenə yen ə kòŋ ghə̀ŋ. Ghə̀ŋ nshwèʼè nə̀ tyɨm ə ghəŋə no tsèm to nə̀ viʼi vyi a və əfwaynə Nyìngòŋ.