Ŋwàʼlə̀ Luk 7:42 - The New Testament in the Babanki language

⁴² Ando no wìʼ mùʼ fa vəwenə ntìntìn nko kiʼ ko ə bwensə lòʼ. Ti ko ayì ə ghʉsə dyʉ̀ nə̀ ko ayi à vəwenə vətsèm. Wù lè zì wù kɨ la adiʼ wìʼ ko a ntìntìn viʼi a venə vəbò a ghə̀ nkòŋ ti ko ayì chò ghə̀ tsen a?”

Ŋwàʼlə̀ Luk 7:42 ပူးပေါင်းရင်းမြစ်များ

Matìyò 18:27

Fòyn ayì kusə nshinsə à wen ə̀ gàʼ la, kə ghə̀ be à bwènsə̀ lòʼ ko ayi mù ghʉsə wen ghə̀ lù.

Matìyò 18:34

Tin fòyn ayì fwi ghə̀ lyɨ̀ wen kù à viʼi vyi a və shwìnə̀ viʼi la və shwìn ə wen bè nyàblə̀ nə̀ wen əzaʼa fa zhʉ a ghə̀ lu lòʼ ko wen yi no tsèm.

Matìyò 6:12

Lyesə ku ənyʉ̀ ə byɨvə ə yès, tò ndə̀ŋndəŋ ando yès ə lyèsə̀ ku no ndò yì a ghə̀ ne mbyɨ a yès.

Ŋwàʼlə̀ Luk 7:43

Simon bwènsə̀ la, “Mà kwòʼtə̀ la a diʼ yì a və nghʉsə ko ghoʼo ghə̀ a wen lì.” Yesò gàʼ à wen la, “Wù gàʼ tò nəmwèʼè.”

Lumans 3:24

Alì Nyìngòŋ ə nkiʼi li ətyɨm ə jùŋə ghə̀ ə sə lyɨ viʼi a viʼi kənyʉ̀ kətɨməkə chò fa əshyèʼ ə Yesò Klistò a ghə̀ ne ə bwoŋsə̀ vəwenə.

Lumans 5:6

Ghə̀ŋ kɨ li la andiʼ ando vəghəŋ bo nè nyʉ̀ ə byɨvə, ko ji kənyʉ̀ kətsenkə be baynə tebè a vəghəŋ, Yesò ə vi ə pfʉ ə bwoŋsə vəghəŋ. Ghə̀ nvi to azhʉ̀ yi a Nyìngòŋ ə mbaʼtə wʉ̀.

Gàlesìyà 3:10

Viʼi vyi a və kəŋ ə ghʉ tə Əsoʼ ndi nti a nkayn wenə və Nyìngòŋ, ngəʼ Nyìngòŋ diʼ a vəwenə a kətʉ, byìʼì ando və nyoʼo li a Ŋwàʼlə̀ Nyìngòŋ la, “Nyìngòŋ ne nè ngəʼ ndiʼ a kətʉ no ndò yi a ghə̀ ko ghʉ təsoʼ no tətsèm a tə diʼi a ŋwàʼlə̀ Əsoʼ.”

Efisyàns 1:7

Yesò zen li kətʉ kə vəghəŋ nə̀ mənlyuŋ mə wen mì a ghə̀ nshʉ̀ʼ ando ghə̀ mpfʉ̀, Nyìngòŋ ə mu lyesə ə ku mbyɨsə vəghəŋ. Nakènkə diʼi ətyɨm ə jùŋ ghə̀ kaynə ghə̀ wen yi a ghə̀ kiʼi a vəghəŋ.

Efisyàns 4:32

Ghə̀ŋ ə̀ tùʼmə̀ be kusə nshinsə a viʼi vətsenvə, lyesə ku viʼi vətsenvə ando Nyìngòŋ ə nlyèsə ku ghə̀ŋ chò fa a Klistò.

Kòlòsyàns 3:13

Ghə̀ŋ kiʼ ətyɨm ə zhʉ̀təghə a ghə̀ŋ təwenə, ghə̀ŋ mbe lyesə ku no zhʉ̀ ko a wìʼ kiʼi ngəʼ wenə lèmə̀ wen. Ghə̀ŋ lyesə ku təwen tyəŋtə to ndə̀ŋndəŋ ando Bobo lyesə li kù ghə̀ŋ.