Ŋwàʼlə̀ Luk 7:39 - The New Testament in the Babanki language

³⁹ Ando wù Falàsi yì a ghə̀ nlaʼà Yesò, nyen kənyʉ̀ akyì sə gàʼà a wen a ngə̀ŋ la, “Wìʼ ghèn tu ndìʼ nshə̀ʼtə̀ ghoʼo, mu ghə̀ kɨ li nkì wùwì ghèn a ghə̀ kùmə̀ wen lə̀ dìʼ wù nyʉ̀ byɨvə.”

Ŋwàʼlə̀ Luk 7:39 ပူးပေါင်းရင်းမြစ်များ

Matìyò 20:16

Yesò mù sə mwètə̀ ə̀ gàʼ la, “Nghoʼo viʼi a və diʼì a mbì luwèn lu ndiʼi bàm, ə̀ viʼi a və diʼì a bàm luwèn lu ndiʼ mbì.”

Matìyò 21:11

Viʼi vi bwènsə̀ la, “A dìʼ Yesò nshə̀ʼtə̀ ghoʼo yì a ghə̀ lù fa ntə̀ʼ Nazalèt a loʼ Galìlì.”

Ŋwàʼlə̀ Mak 7:21

Kwòʼtə̀ byɨghə fʉ̀ tò fà wìʼ a tyɨm a ghə̀ nè la ghə̀ nè ngʉ̀ʼ byɨvə, nè la ghə̀ ndzɨ̀mtə̀ ki, tsoŋə, zhwilə̀ viʼi,

Ŋwàʼlə̀ Luk 12:17

ghə̀ sə kwòʼtə̀ tò wen a tyɨmə la, ‘Ma lə nè alə̀ nə̀ fozhɨvə venə a kò ndìʼ la kəshi kə ghʉkə diʼ a?’

Ŋwàʼlə̀ Luk 15:2

Viʼi Falàsi vətsenvə bènə̀ ndìʼsə̀sə təsoʼ yen alì mù sə demkə be taŋmə gàʼà la “Wìʼ ghèn byɨmə la viʼi nè nyʉ̀ byɨvə vi a wen a mbyɨ̀ be zhɨ tə̀ wenə vəwenə”.

Ŋwàʼlə̀ Luk 16:3

Wù shwèʼ ayì mù sə kayntə la yi la nè gho ando tìʼ shwèʼ wen sə kəŋ ə shisə yi fa shwèʼ lə̀ lo. Yi ko kiʼ kədyòʼ ə nə̀ jèʼè tuŋə̀ shi a ko, kətʉ kyi be diʼi ə jèʼè loynə.

Ŋwàʼlə̀ Luk 18:4

Ghə̀ nè sə vì gàʼà, alì kətʉ kə nsoʼsə a kyì sə bʉʼsə tò bʉʼsə. A lu be bwènsə̀ kwòʼtə̀ tò wen la yì a tinə nsoʼ ayì, no tè ando yi ko fàyn Nyìngòŋ, kò yi lə lyɨ̀ la wìʼ diʼ kəfo,

Ŋwàʼlə̀ Luk 3:8

Ghə̀ŋ nè nyʉ a və diʼi la ghə̀ŋ kwitə li tətyɨm təŋtə fa mbyɨsə. Kə ghə̀ŋ a kwòʼtə̀ fa mbwo ghə̀ŋ gàʼà a ghə̀ŋ a ntyìntyìn la ghə̀ŋ diʼ vunə Ablaham. Ma shə̀ʼtə̀ a ghə̀ŋ la Nyìngòŋ zì ghə̀ nè ngùʼ sènsə kaʼkə a vunə ghə̀ ku a Ablaham.

Ŋwàʼlə̀ Luk 7:16

Fàyn ghaʼ no viʼi vətsèm tsu. Vəwenə sə kuʼsə Nyìngòŋ gàʼà la, “Nshə̀ʼtə̀ ghoʼo vì li a vəghəŋ a ntìntìn. Nyìngòŋ vì li ə lye viʼi wen!”

Ŋwàʼlə̀ Luk 7:37

Wùwì nyʉ̀ byɨvə tsen a ghə̀ ntsi a ntə̀ʼ ayì zhʉ la Yesò zhɨ a ngə̀ŋ wù Falàsi, ghə̀ lyɨ̀ fəshoʼ fə tsenfə, mu və shɨ̀təli nə̀ nguʼ tsen a və dzàŋ nə̀ alàbàstà, mənzhiʼ mə lèmtə mə diʼ tsu, ə dyʉ̀ nə̀ wen tsu.

Ŋwàʼlə̀ Luk 7:38

Ando ghə̀ ndyʉ̀ lì, ghə̀ dyʉ̀ tɨmə a mbyɨ̀ Yesò mù sə dì, məshɨ chòmkə a aghʉ Yesò, ghə̀ laŋtə ə tsə̀ʼ nə̀ nyɨŋsə kətʉ wen, ə ghaʼtə aghʉ wen bè zuʼ nə̀ mənzhiʼ mə lèmtə mə myì.

Ŋwàʼlə̀ Luk 7:40

Yesò toŋtə Simon ə gàʼ la, “Mà kiʼi kənyʉ̀ əgàʼ à wù.” Ghə̀ bwènsə̀ gàʼ la, “Ndìʼsə̀, gàʼà vì, mà zhʉtə.”

Joyn 4:19

Wùwì ghèn gàʼ a wen la, “Ma yen li a Tikəbəŋ la wù diʼi nshə̀ʼtə̀ ə ghoʼo.

Joyn 7:12

Andiʼ ali, viʼi diʼ tsu no to kədə̀ŋ, nyoʼtə nyoʼtə gàʼa kumə wen. Vətsevə gàʼ la, “Ghə̀ diʼ no wù ə jùŋ.” Vətsevə tensə gaʼa la, “ghə̀ jèʼè lobtə viʼi to kədyàŋ.”

Joyn 9:24

Vəwenə na be nkumtə dzàŋ wen ə gàʼ a wen la, “Kàynə li zhiʼ ə Nyìngòŋ la wù gàʼa to nəmwèʼè. Yès ə kɨ la wìʼ ghèn diʼ wu nyʉ̀ ə byɨvə.”