Ŋwàʼlə̀ Luk 7:37 - The New Testament in the Babanki language

³⁷ Wùwì nyʉ̀ byɨvə tsen a ghə̀ ntsi a ntə̀ʼ ayì zhʉ la Yesò zhɨ a ngə̀ŋ wù Falàsi, ghə̀ lyɨ̀ fəshoʼ fə tsenfə, mu və shɨ̀təli nə̀ nguʼ tsen a və dzàŋ nə̀ alàbàstà, mənzhiʼ mə lèmtə mə diʼ tsu, ə dyʉ̀ nə̀ wen tsu.

Ŋwàʼlə̀ Luk 7:37 ပူးပေါင်းရင်းမြစ်များ

Matìyò 21:31

Yesò mù bèm à vəwenə la, “A lè ne wàyn ko fa ntìntìn vunə vi vəbò nè kənyʉ̀ kì a tìʼ vəwenə nkəŋə a? Vəwenə bwènsə̀ la. ‘A ne wù mbì.’ Yesò mù gàʼ la, ‘Mà gàʼà a ghə̀ŋ’ nəmwèʼè la, viʼi vyi a və tinə kənsè bènə̀ njèʼtə̀sə lu kwen a soʼ Fòyn Nyìngòŋ à ghə̀ŋ a mbì.”

Ŋwàʼlə̀ Luk 18:13

Wìʼ yì a ghə̀ tinə kənsè lì sə jɨ̀mə ti tò kəghaf, kò ghə̀ lə kòŋ əki kuʼsə nə̀ kaŋə ali ghə̀ ghʉ kəvu kə wen a wen kədʉʼ tò a nshinsə a nshinsə jɨ̀mə̀ gàʼà la, ‘Nyìngòŋ, kusə shinsə à mò, mà diʼ wù nyʉ̀ byɨvə!’

Ŋwàʼlə̀ Luk 19:7

Viʼi yen sə dèmkə̀ gàʼ à la, “Ghə̀ dyʉ̀ sə̀ diʼ wù ghàyn a wen a ngə̀ŋ wù nè nyʉ̀ byɨvə.”

Ŋwàʼlə̀ Luk 5:30

Viʼi Falàsi vətsevə nə̀ ndìʼsə̀sə təsoʼ mù sə dèmkə̀ bèmə a ndzɨ̀mtə̀sə bàm Yesò la, “Byiʼi ghò a ghə̀ŋ zhɨ bè nyʉ ghə̀ŋ viʼi a və tinə kənsè bènə̀ viʼi nè nyʉ̀ byɨvə a?”

Ŋwàʼlə̀ Luk 5:32

Mà ko vi ə tisə viʼi a və sə̀ kiʼi ntsìnə̀ tɨmə, mà vì byiʼ viʼi nè nyʉ̀ byɨvə ənè la vəwenə kwitə tətyɨm tə vəwenə.”

Ŋwàʼlə̀ Luk 7:34

Wàyn Wìʼ nvi sə zhɨ, bè nyʉ, ghə̀ŋ ngàʼ la, ‘Ghə̀ zhɨ chòsə̀ bè dìʼ ndoŋ wenə viʼi a və tinə kənsè bènə̀ viʼi nè nyʉ̀ byɨvə vətsenvə!’

Ŋwàʼlə̀ Luk 7:36

Wù Falàsi tsen làʼà Yesò la ghə̀ vi a wen a ngə̀ŋ, wenə wen zhɨ. Ghə̀ dyʉ̀ shiʼi ŋwʉʼʉ a kəshi kə kəzhɨ.

Joyn 11:2

Lazalùs na ghèn a ghə̀ kwaʼa ndiʼ lèmə̀ Mèli, ndə̀ŋndəŋ Mèli yi a ghə̀ buʼtə məzhiʼ mì a ghʉ Yesò ə zhès nə̀ nyɨŋsə kətʉ wensə li.

Joyn 9:24

Vəwenə na be nkumtə dzàŋ wen ə gàʼ a wen la, “Kàynə li zhiʼ ə Nyìngòŋ la wù gàʼa to nəmwèʼè. Yès ə kɨ la wìʼ ghèn diʼ wu nyʉ̀ ə byɨvə.”

Joyn 9:31

Vəghəŋ ə kɨ la Nyìngòŋ ko zhʉ viʼi nyʉ̀ ə byɨvə, ali zhʉ viʼi vyi a və gumlə wen, jèʼe to ando ghə̀ kəŋ.

Lumans 5:8

Alì Nyìngòŋ ə diʼi làynsə ə kòŋ ə wen a vəghəŋ a ji la a ndiʼ ando vəghəŋ bo diʼ to no viʼi ə nyʉ̀ byɨvə, Yesò ə vi ə pfʉ ə bwòŋsə vəghəŋ.

1 Timotì 1:15

Kənyʉ̀ a kenkə la Yesò Klistò ə nlu vi a mbyi ə bwòŋsə̀ viʼi və byɨvə ə diʼi to no nəmwèʼè, wìʼ ə zi ko ghə̀ lə tensə. Mà dìʼ tò no fòyn a ntìntìn ə̀ viʼi və byɨvə a venə.

1 Timotì 1:9

Vəghəŋ diʼ kɨ la əsoʼ a ghənə nko vi a viʼi və jùŋvə, soʼ a ghenə nvì a viʼi vyi a və kwàʼa ə soʼ, nə̀ əvi a və to kətʉ, nə̀ viʼi vyi a və ko gumlə Nyìngòŋ, nə̀ vi a və nè ənyʉ̀, ə byɨvə, nə̀ vi a və ko jɨ̀mə̀ a Nyìngòŋ nə̀ vi a və telə Nyìngòŋ, nə̀ viʼi vyi a və zhwi vətiʼi vəwenə kò vəlì vəwenə nə̀ vi a və zhwi viʼi vətsenvə.

1 Bità 4:18

Və sətsen ə ndiʼ mu və nyòʼò li a Ŋwàʼlə̀ Nyìngòŋ la: “Kə to a viʼi və juŋəvə ə bwòŋ, kə lu ndiʼ no ale a viʼi və byɨvə vyi a və ko kɨ Nyìngòŋ a?”