Ŋwàʼlə̀ Luk 7:33 - The New Testament in the Babanki language

³³ Joyn Ku Amù nvi li ko ghə̀ zhɨ kəfo, kò nyʉ məlyʉ̀ʼ, ghə̀ŋ ngàʼ la, ‘Ghə̀ kiʼi kəzhwì kə byɨkə.’

Ŋwàʼlə̀ Luk 7:33 ပူးပေါင်းရင်းမြစ်များ

Matìyò 10:25

Kə kwʉʼ la wàyndyə ə zizi, ghə̀ ndìʼ to nə̀ ə ndìʼsə̀ wen, bè kwʉʼ la wù ə shyèʼ ə kuʼ kwʉʼ ə ndiʼ to nə̀ tìʼ Shwèʼ. Və sətsèn ə ndiʼ mù və toŋtə li tì ngə̀ŋ nə̀ zhiʼ ghə̀ byɨf a nə̀ Belzibùl, və lu toŋtə no viʼi ngə̀ŋ la gho?

Matìyò 3:1

A be ndiʼ tò mətsi ayì, Joyn wù ku à mù zìtə̀ sə shə̀ʼtə̀ kənyʉ̀ kə Nyìngòŋ a viʼi a nsè zɨm yì a ghə̀ ndiʼ a Judiyà, gàʼà la,

Matìyò 3:4

A ndiʼ alì mu Joyn mòʼ ndisə mu və bo nə̀ nyɨŋsə nyàm tsen a və dzàŋə̀ nə̀ Kàmel, ə kwiʼ kətəŋ mu və shɨ̀tə̀ nə̀ gwʉ̀ nyàm, fozhɨvə wen ndiʼ tò ngùməsə nə̀ fədyom fə.

Ŋwàʼlə̀ Mak 1:6

Kə ndiʼ a lì Joyn mòʼò ndisə mu və bo nə̀ nyɨŋsə nyàm tsen a və dzàŋə nə̀ Kamel, kwiʼi kətəŋ mu və shɨ̀tə̀ nə̀ gwʉ̀ nyàm. Fozhɨvə wen ndìʼ tò ngùməsə nə̀ fədyom.

Ŋwàʼlə̀ Luk 1:15

byiʼè ghə̀ lu ndiʼi no wu ghoʼo a shɨ Bobo. Ghə̀ kò ə nyʉ məlyʉ̀ʼ no fa mpfen, kəzhwì kəŋwoʼkə lu lwin a wen tyɨm ghə̀ bu a bèm ə li wen.

Ŋwàʼlə̀ Luk 7:32

Vəwenə diʼ tò nə̀ vunə a və ŋwʉʼ a woŋ, vətsenvə dzàŋ vətsenvə gàʼà la, ‘Yès zhɨmə ndzàŋsə fwòməsə la ghə̀ŋ ben, kò ghə̀ŋ lə benə, ə zhɨmə ndzàŋsə pfʉ la ghə̀ŋ dì, ko ghə̀ŋ lə ndì.’

Ŋwàʼlə̀ Luk 7:34

Wàyn Wìʼ nvi sə zhɨ, bè nyʉ, ghə̀ŋ ngàʼ la, ‘Ghə̀ zhɨ chòsə̀ bè dìʼ ndoŋ wenə viʼi a və tinə kənsè bènə̀ viʼi nè nyʉ̀ byɨvə vətsenvə!’

Joyn 10:20

Viʼi ə gaʼa to kədə̀ŋ la, “Ghə̀ kiʼi kəzhwì kə kəbyɨkə, sùtə̀ bomə no bomə. Ghə̀ŋ zhʉtə ghò fa wen a?”

Joyn 8:48

Viʼi Jus vətsenvə ə mu gàʼ a Yesò la, “Wu a gaʼa yès ko tə ə gàʼ to nəmwèʼè la wù diʼ wù ə Sàmalìyà, be kiʼi kəzhwì kə kəbyɨkə.”

Joyn 8:52

Vəwenə ə gàʼ a wen la, “Yès ə mu sùtə̀ nkɨ luwen la wu kiʼi kəzhwì kə kəbyɨkə! Ablaham nə̀ nshə̀ʼtə̀sə ghoʼkəsə ə mpfʉ̀kəli, ali wù sə gàʼa la, no ndo yi a ghə̀ ghʉ kənyʉ̀ a wù ziʼi mu ghə̀ ko be lu pfʉ.

Shwèʼ 2:13

Alì viʼi vətsenvə bòŋsə̀ sə̀ chəʼə viʼi avenə gàʼà la, “Vəwenə nyʉ məlʉ̀ʼ mə nghaʼ vəwenə.”