Ŋwàʼlə̀ Luk 7:13 - The New Testament in the Babanki language

¹³ Bobo n-yen wùwì a ghèn sə kusə nshinsə à wen no ŋàŋ ə gàʼ à wen la, “Chɨmə, kə wu be dì.”

Ŋwàʼlə̀ Luk 7:13 ပူးပေါင်းရင်းမြစ်များ

Ŋwàʼlə̀ Mak 8:2

“Mà kusə̀ nshinsə à viʼi venə. Vəwenə tsi li mətsì ntaʼ yo vəwenə luwèn, alì kò kəfo mbè ndiʼ ə vəwenə zhɨ.

Ŋwàʼlə̀ Luk 10:1

A sə ndiʼ a bàm nyʉ̀ a venə, Bobo tsuʼ viʼi vətsenvə njʉ̀sə̀bò a məwum sòmbo ə tɨm vəwenə, və bò və bò la və dyʉ̀ a mbì a ntə̀ʼ sətsèm nə̀ a shi a nkàyntə wen ndiʼ dyʉ̀ tsu,

Ŋwàʼlə̀ Luk 11:1

A ndìʼ kətsi kətsen kə, Yesò sə jɨ̀mə a kəshi kətsen kə. Ando ghə̀ njɨ̀mə̀ myètə, ndzɨ̀mtə̀ bàm wen tsen ə gàʼ à wen la, “Bobo, dìʼsə yès nə̀ nyʉ̀ vyi a yès diʼi ngàʼà a zhʉ a yès jɨ̀mə, ndə̀ŋndəŋ ando Joyn ndìʼsə̀ ndzɨ̀mtə̀sə bàm wen.”

Ŋwàʼlə̀ Luk 11:39

Bobo mù gàʼ à wen la, “Ghə̀ŋ viʼi Falàsi, ghə̀ŋ lyɨ kaŋ vəŋə nə̀ ndoŋ seŋsə, ghə̀ŋ tuʼ shʉ̀ tò dzemə shisə, ali tətyɨm təŋtə diʼ mu tə lwinli tò nə̀ nkùf nə̀ nyʉ̀ byɨvə tsen və.

Ŋwàʼlə̀ Luk 12:42

Bobo bwènsə̀ la, “Wù shyèʼ yi a ghə̀ zhʉmə ti shyèʼ wen diʼ wìʼ ko? A diʼ wìʼ yi a ti shyèʼ diʼi sə ndyʉ̀ a jèʼ, ghə̀ ghʉ wen a mbì, ə ku kədyòʼ a wen ndi ghə̀ ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsen vyi a zhʉ a zhʉ kwʉʼə̀.

Ŋwàʼlə̀ Luk 13:15

Bobo bwènsə̀ gàʼ la, “Ghə̀ŋ viʼi kə wamə venə! Wìʼ diʼ à ghə̀ŋ a ntìntìn a ghə̀ lù a kətsi kəzhʉ̀tə kə, ghə̀ ghʉsə ke zas nyàm wen fa mbàyn ə dyʉ̀ nə̀ wen ku mu à wen a?

Ŋwàʼlə̀ Luk 17:5

Viʼi ntɨm vì gaʼa Bobo la, “Nè yès tuʼù kiʼi byɨmə a Nyìngòŋ!”

Ŋwàʼlə̀ Luk 17:6

Bobo bwènsə̀ gaʼa vəwenə la, “A tuʼù kiʼi la ghə̀ŋ kiʼi byɨmə a ghə̀ diʼi to nə̀ əshɨ ngwaʼa mostàd, mu ghə̀ŋ zì ghə̀ŋ gaʼà fəkoʼ fe sykamayn fen fə la tsuʼmə kwen zhɨtə wenə wen a chì a mù fə be nè to lì.

Ŋwàʼlə̀ Luk 18:6

Bobo gàʼ alì ə mù gàʼ à ndzɨ̀mtə̀sə bàm wen la, “Ghə̀ŋ zhʉtə kənyʉ̀ a soʼ nsoʼ byɨ ayì ngàʼ a!

Ŋwàʼlə̀ Luk 19:8

Zàkyòs lù tɨmə ə gàʼ à Bobo la, “Zhʉtə a, Bobo, mà a gə̀ fo no tsèm a ma kiʼi a kə̀ ntìntìn ə ku viʼi kəmfem. A be sə tsèn ndiʼ la ma nshi li kəfo kə wìʼ kəmùʼ a kədyòʼ mà bwènsə̀ ku kàʼ à wen.”

Ŋwàʼlə̀ Luk 22:61

Bobo kaʼsə kyi Bità tò fəchìʼ, Bità mù kwòʼtə̀ gaʼa a Bobo ngaʼli a wen la “Mibu nkə̀ʼ nè sə toŋ layn mu wu moli mò a ghan a to”

Ŋwàʼlə̀ Luk 24:3

Vəwenə kwen a yi tin alì ko vəwenə lə̀ yèn bvenə Yesò.

Ŋwàʼlə̀ Luk 24:34

Sə gaʼà la “Bobo bwènsə̀li nlu fa pfʉ ə fʉ̀ a kəʼ Simùn.”

Ŋwàʼlə̀ Luk 7:12

A sə ndiʼ ando ghə̀ mboʼsə dyʉ̀ a chʉ ntə̀ʼ ayì, ə̀ yen viʼi mu və byèʼè li wù pfʉ sə fʉ̀ vì nə̀ wen. Wàyn wulɨm pfʉ ayì ndiʼ tò wen nyɨŋ a kəvu lì wen, lì wen ayì ndiʼ wùwì mpfʉ. Wùwì mpfʉ ayì ndiʼ wenə tənòyn tə viʼi no ghoʼo a və nlù fa ntə̀ʼ ayì.

Ŋwàʼlə̀ Luk 7:14

Yesò gàʼ alì ə kwentə dyʉ̀ ə kùmsə̀ kəmbùŋ kə wu pfʉ akì, viʼi vyì a və mbyèʼè wen lì tɨmə, ghə̀ gàʼ la, “Wàyndyə nkuŋ, lu.”

Ŋwàʼlə̀ Luk 7:19

Joyn dzàŋ sətsen sə la vəbò ə tɨm la vəwenə dyʉ̀ bèm a Bobo Yesò la, “A diʼ wù yì a wu ndiʼi ne vì mu, yès diʼi nkə̀ʼtə̀ wù kədyàŋ lo?”

Ŋwàʼlə̀ Luk 8:52

Viʼi və tsèm a və ndiʼ tsu nkusə nshinsə byìʼì wàyn a ghèn. Yesò gàʼ à vəwenə la, “Ghə̀ŋ chɨmə, kə ghə̀ŋ be dì. Ghə̀ ko pfʉ pfʉ, ghə̀ bʉnə bʉnə.”

Joyn 11:2

Lazalùs na ghèn a ghə̀ kwaʼa ndiʼ lèmə̀ Mèli, ndə̀ŋndəŋ Mèli yi a ghə̀ buʼtə məzhiʼ mì a ghʉ Yesò ə zhès nə̀ nyɨŋsə kətʉ wensə li.

Joyn 11:3

Vəlemə na venə mu tɨmə ntɨm a Yesò ə gàʼ la, “Bobo, wìʼ yi a wù kòŋ li ə kwaʼa.”

Joyn 20:13

Ntsɨŋsə na shisə bèm a Mèli la, “Wù dì gho a ə wùwì?” Ghə̀ bwensə ə gàʼ la, “Və lyɨ̀ li Bobo ghom, ma ko kɨ la və ghʉ̀ wen fè lo?”

Joyn 20:15

Yesò ə bèm a wen la, “Wù dì ghò a wùwì? Wù kəŋ ndò?” Mèli sə kwoʼtə la à diʼ wìʼ ə yi a ghə̀ shwèʼè a əsɨmə ashɨ nkoʼ ayì, ə gàʼ a wen la, “Andiʼ mù à lyɨ̀ wù lyɨ wen a Tikəbəŋ, wù shə̀ʼtə̀ kəshi kì a wù dyʉ̀ ghʉ̀ wen tsu a mò, mà bwenə dyʉ̀ lyɨ̀.”

Joyn 4:1

Viʼi Falàsi ə nzhʉ li la Yesò sə kiʼi ndzɨ̀mtə̀sə, ku mu a vəwenə, sə ghoʼo chò sə Joyn sə.

Joyn 6:23

Məbaŋ mə tsenə mə lù fa Tàybelìyàs ə vì tɨmə a ben kəshi yi a Yesò ə bwaʼsə fozhɨvə vyi ə ku a viʼi tsu li la vəwenə zhɨ.

1 Kolìntyàns 7:30

viʼi a və dì ndiʼ to sə və ko dì tebè dì, viʼi vyi a və saŋlə ndiʼ to sə vəwenə ko saŋlə tebè saŋlə. Viʼi vyi a vəwenə ə̀ zen fo diʼ ə ndiʼ to sə vəwenə ə ko kiʼi ə əfo.

1 Tèsàlonyà 4:13

Vəlemə, yes ə kəŋ la ghə̀ŋ kɨ kənyʉ̀ ki a kə diʼi nəmwèʼè kumə viʼi vyi a və pfʉkə li. Yes ə kəŋ la ghə̀ŋ kɨ kənyʉ̀ na kènkə ndi kə ghə̀ŋ na di to nə̀ viʼi vətsenvə vyi a və ko kiʼ kwoʼtə la viʼi lu lù fa pfʉ.

Hibùlù 2:17

A lə kənyʉ̀ ki a kə ne ghə̀ kaʼkə sə diʼ to wìʼ to nə̀ vəghəŋ vəlemə və wen, ndi ghə̀ shɨtə kɨ ə shyèʼ to nə̀ pfèm ngə̀ŋ Nyìngòŋ ə ŋaŋtə be kusə shinsə a viʼi, shyèʼ a Nyìngòŋ ə nè la ghə̀ lyesə ku mbyɨsə viʼi.

Hibùlù 4:15

Vəghəŋ ə kiʼi pfèm ngə̀ŋ Nyìngòŋ ə ŋaŋtə, ghə̀ shɨtə kɨ ji shisə a vəghəŋ ə bwaʼa fa tsù, mu mwòmsə ə mvi li a wen to a jisə a jisə, ndə̀ŋndəŋ ando ghə̀ vi a vəghəŋ, ali ghə̀ kò ghə̀ lə̀ nè mbyɨ.