Ŋwàʼlə̀ Luk 6:47 - The New Testament in the Babanki language

⁴⁷ Ma diʼ jì yi a wìʼ a ghə̀ vì à mò, zhʉ gɨ̀ ghom, be nè ando ma gàʼà, a ghə̀ diʼi.

Ŋwàʼlə̀ Luk 6:47 ပူးပေါင်းရင်းမြစ်များ

Matìyò 12:50

No ndò a ghə̀ nè kənyʉ̀ kì a Tìʼ ghom a kàŋ kəŋə mu ghə̀ dìʼ lèmə̀ ghom wùlɨm, diʼ lèmə̀ ghom wùwì be diʼ lì ghom.”

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Ŋwàʼlə̀ Luk 11:28

Yesò bwènsə̀ la, “Mbwaʼmə bòŋsə dìʼ a viʼi vyì a və zhʉ kənyʉ̀ kə Nyìngòŋ be nè tò ndo kə gaʼa!”

Ŋwàʼlə̀ Luk 14:26

“Wìʼ zì kò ghə̀ lù kwʉʼ ədiʼ ndzɨ̀mtə̀ bàm mò, chò la ghə̀ kòŋ mò chò ando ghə̀ kòŋə̀ tìʼ wen nə̀ lì wen, ne wì wen, nə̀ vunə wen, nə̀ və lèmə̀ və wen, be kòŋ mò chò tè ngə̀ŋ kətʉ wen.

Ŋwàʼlə̀ Luk 6:48

Ghə̀ diʼ tò nə̀ wìʼ yì a ghə̀ sə mbwomə ngə̀ŋ wen nshɨ̀tə̀ tuŋ kəchɨ ki no nkàyn ə tem nə̀ ngùʼsə, a kəkuŋ kə lu vì pfen ngə̀ŋ ayì, ko ghə̀ lə nə̀ʼkə̀ byiʼàndo ghə̀ ndiʼ mu və shɨ̀təli mbwom.

Ŋwàʼlə̀ Luk 8:13

Ayi a ghə̀ nfəŋkə a təghu diʼ tò nə̀ viʼi vyi a və zhʉ kənyʉ̀ akì, və zaŋsə byɨmə tò a fəshitə̀ fə zhʉ alə̀, mwòmsə vi, vəwenə nfɨŋ tò fa zhʉ.

Ŋwàʼlə̀ Luk 8:8

Ghətsen nfəŋkə a nse jùŋ, ə̀ fʉ̀ ə kuʼ ə fosə ə bi, və sə fʉ̀ pfì. No kətʉ kə asaŋ kə kò sə ku ashɨ asaŋ, ghə̀ ghoʼo zaʼa a ghɨ.” Yesò gàʼ alì ə be mù gàʼ no a gɨ̀ to la, “No məndo a ghə̀ tofə, ghə̀ tùʼù zhʉtə.”

Joyn 10:27

Byi shomsə ə zhʉ̀ gɨ ghom, dzɨ̀mtə̀ mò, ma kɨ səwensə.

Joyn 13:17

Ghə̀ŋ sə kɨ nyʉ̀ venə, mu ghə̀ŋ sətsen ə nè to ali, ghə̀ŋ a kiʼi mbwaʼsə.

Joyn 14:15

“Ghə̀ŋ sətsen ə kòŋ mo, ghə̀ŋ a nghʉ̀ təsoʼ ə tyomtə.

Joyn 5:40

Alì, ko ghə̀ŋ byɨmə ə vì a mò ə kiʼi ə ntsìnə̀ a ghèn.

Joyn 6:35

Yesò ə gàʼ a vəwenə la, “Ma diʼ kəfo kə zhɨkə kì a kə ku ntsìnə̀ a viʼi. A vi no ndò a mò, ko jɨŋ be lu zaf ə wen, mu à byɨmə no ndò a mò, ko ətoŋ a mu lu be zɨmə wen.

Joyn 6:37

Viʼi vyi a Tìʼ ə ghom əku li a mò ne vì a mò. Mà ko lu dzɨ̀m wìʼ a ghə̀ vi a mò,

Joyn 8:52

Vəwenə ə gàʼ a wen la, “Yès ə mu sùtə̀ nkɨ luwen la wu kiʼi kəzhwì kə kəbyɨkə! Ablaham nə̀ nshə̀ʼtə̀sə ghoʼkəsə ə mpfʉ̀kəli, ali wù sə gàʼa la, no ndo yi a ghə̀ ghʉ kənyʉ̀ a wù ziʼi mu ghə̀ ko be lu pfʉ.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

Jems 4:17

No ndò a ghə̀ kɨ kənyʉ̀ kə jùŋ kə nè, fàŋ ke ne kənyʉ̀ akì ə ne li mbyɨ.

1 Bità 2:4

Ghə̀ŋ vi boʼsə Bobo Yesò Klistò. Ghə̀ diʼi ngùʼ, ghə̀ tsi mu viʼi ə ntemə maʼa la ghə̀ ko bòŋ, ali Nyìngòŋ ə yen la ghə̀ kuʼmə kwʉ̀ʼʉ̀ ə tsuʼ wen ə ghʉ.

2 Bità 1:10

A le kənyʉ̀ ki a ma sensə ghə̀ŋ, a vəlemə, la ghə̀ŋ tuʼtə ə ghaʼ nyʉ̀ a venə və to ə diʼ la Nyìngòŋ ə tsùʼtə li ghə̀ŋ ə dzàŋ shisə la ghə̀ŋ ə diʼ viʼi Nyìngòŋ. Ghə̀ŋ yi nè alə̀, ko ghə̀ŋ be lu fəŋ fa ghə̀ŋ a byɨmə,

1 Joyn 2:29

Ghə̀ŋ sətsèn ə nkɨ la ghə̀ dìʼ wù kənyʉ̀ kə tɨməkə, ghə̀ŋ a nkɨ nəmwèʼè la no ndò a ghə̀ nè kənyʉ̀ kə tɨməkə dìʼ wàyn wen.

1 Joyn 3:7

Vunə vwomə, kə ghə̀ŋ à ghʉ̀sə wìʼ lobtə ghə̀ŋ. No ndò a ghə̀ nè kənyʉ̀ kə tɨməkə dìʼ wù kənyʉ̀ kə tɨməkə ando Klistò dìʼ wù kənyʉ̀ kətɨməkə.

Kəmwetə 22:14

Njùŋ ne diʼ a viʼi vyi a və shʉ̀ ndisə vəwenə, sə laynə, vəwenə ə sə kiʼ kədyòʼ ə phiʼ ashɨ a fəkoʼ yi a ghə̀ kù bwoŋ, be kiʼ kədyòʼ ə chò fa chʉ̀ mbàyn ə kwen a ntə̀ʼ.