Ŋwàʼlə̀ Luk 6:45 - The New Testament in the Babanki language

⁴⁵ Wù jùŋ nè njùŋ mu ghə̀ fʉ̀ fa ntìntìn nyʉ̀ jùŋvə a ghə̀ baʼtə̀ nghʉ a wen tyɨm. Wu byɨ nè tò mbyɨ yì a ghə̀ sə diʼ mu ghə̀ baʼtə̀ li ə nghʉ a wen tyɨm. Byiʼàndo gɨ chʉ̀ wìʼ diʼ alə̀, gàʼà tò kənyʉ̀ kì a ke sə diʼ à wen tyɨm mu ke lwinli.

Ŋwàʼlə̀ Luk 6:45 ပူးပေါင်းရင်းမြစ်များ

Joyn 7:38

A byɨmə no ndo a mò, ‘fwaynə a mù a ghə̀ ku Ntsìnə̀ a nfʉ̀ fa wen a wen,’ ndə̀ŋndəŋ to ando Ŋwàʼlə̀ Nyìngòŋ ə ngàʼa li.”

Shwèʼ 5:3

Ananyàs ne dyʉ̀ ə̀ kù kəbyəʼ kə ko akì a lì, Bità bèm à wen la, “Wù mòʼtə̀ la Satan kwen à wù a tyɨm ə̀ nè wù zho ndzɨ̀ŋ à kəzhwì kə ŋwoʼəkə ə̀ lyòmtə̀ kəbyəʼ kə ko kì byìʼì ghò?

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

Efisyàns 4:29

Kə əgaʼa byɨkə ə lu fʉ̀ fa wìʼ chʉ̀. Ghə̀ŋ ə boŋsə gàʼa to kənyʉ̀ ki a ghə̀ŋ zizi ghə̀ŋ gyamtə viʼi və tò a vəwenə byɨmə ndiʼ no ndo a ghə̀ əzhʉ əgàʼ ə ghəŋə, ghə̀ a sè kənyʉ̀.

Efisyàns 5:19

Ghə̀ŋ ne zhɨmə ndzàŋsə a ghə̀ŋ a ntìntìn. Ghə̀ŋ ə̀ zhɨmə dzaŋsə Nyìngòŋ nə̀ dzaŋsə shisə a sə fʉ̀ fa ŋwàʼlə̀ Nyìngòŋ nə̀ shisə a kəzhwì kə Ŋwoʼkə ə̀ ne la ghə̀ŋ ə zhɨmə, ə zhɨmə ndzàŋsə Nyìngòŋ nə̀ ndzàŋsə a sə fʉ̀ fa ŋwàʼlə̀ Nyìngòŋ ə, kuʼsə Nyìngòŋ nə̀ ətyɨm ə ghəŋə no tsèm.

Kòlòsyàns 3:16

Əgaʼa ə Yesò ndiʼ a ghə̀ŋ tətyɨm. Ghə̀ŋ lyɨ̀ ətof ə tsèm ə ziʼi be ku kətyiftə a ghə̀ŋ təwen. Ghə̀ŋ zhɨmə dzaŋsə Nyìngòŋ nə̀ dzaŋsə laynəsə shisə a kəzhwì kə Ŋwoʼkə nè la ghə̀ŋ zhɨmə. Ghə̀ŋ zhɨmə, ku kəzòŋ a Nyìngòŋ a ghə̀ŋ tətyɨm.

Kòlòsyàns 4:6

Əgàʼ ə ghəŋə ndiʼ ə nə̀ mbwaʼmə be fwomə to məzhʉ̀ ə tsèm, ndi ghə̀ŋ kɨ ə shɨtə ə bwensə no ndo.

Hibùlù 8:10

Məkàyn mèyn ando mà a zhɨ̀ yo viʼi Islel luwen diʼ la: Ma a ghʉ̀ təsoʼ ə tyomtə a vəwenə tətyɨm ə be nyoʼ təsoʼ a titə a vəwenə təkwòʼtə̀. Ma a ndiʼ Nyìngòŋ ə vəwenə, vəwenə diʼ viʼi vwomə.

Ŋwàʼlə̀ Jud 1:15

diʼ ə soʼ to viʼi və tsèm ə diʼi ə laynsə nyʉ̀ ə byɨvə ə viʼi vyi a vəwenə nè, nə̀ a gaʼa əbyɨghə yì a viʼi ŋwʉ̀ʼ gàʼà kùmə̀ wen.”