Ŋwàʼlə̀ Luk 6:42 - The New Testament in the Babanki language

⁴² Ghʉsə no bè alì, wù la zì wù gàʼ ale à lèmə wù la, ‘Kye mà shisə fəfonə̀ fifə fa wù ashɨ a lèmə̀ ghom,’ ko ndiʼ la wù yen mpfì fəkoʼ yì a ghə̀ diʼ à wù ashɨ a? Wìʼ ghèn, wu kənlobtə! Shisə fəkòʼ fì a fə diʼì a wù ashɨ lì, ghə̀ layn ndi wù kɨ yen fəfonə̀ fifə a fə diʼì ashɨ lèmə wù.

Ŋwàʼlə̀ Luk 6:42 ပူးပေါင်းရင်းမြစ်များ

Matìyò 26:75

Ghə̀ mù bwènsə̀ kwòʼtə̀ ando Yesò ngàʼà à wen la “Nkə̀ʼ ne sə toŋ mu wù mo li mò aghayn la a taʼ.” No a zhʉ kò Bità fʉ̀ dyʉ̀ a kəbəŋ ə dì tsu no mwèʼè mwèʼè.

Matìyò 7:3

Byìʼì gho a wù ki tò fəfolə̀ fifə a fə diʼ əshɨ ə lèmə̀ wu, alì ke nyenə mpfì ə fəkòʼ fì a fə diʼì a wu əshɨ a?

Matìyò 7:4

Fa ali, wù la zi ə wù gàʼa ale a lèmə̀ wu la, ‘Kəʼə mà shisə fəfolə̀ fifə fa wu əshɨ,’ a diʼ ali kiʼ no mpfì ə fəkòʼ a wu əshɨ a?

Ŋwàʼlə̀ Luk 13:15

Bobo bwènsə̀ gàʼ la, “Ghə̀ŋ viʼi kə wamə venə! Wìʼ diʼ à ghə̀ŋ a ntìntìn a ghə̀ lù a kətsi kəzhʉ̀tə kə, ghə̀ ghʉsə ke zas nyàm wen fa mbàyn ə dyʉ̀ nə̀ wen ku mu à wen a?

Ŋwàʼlə̀ Luk 22:32

alì ma jɨ̀məli a wù la kə byɨmə wù a fəŋ mè. Zhʉ a wù bwènsə̀li vi a mò wu tomsə vəlèmə̀ vyə”.

Ŋwàʼlə̀ Luk 6:41

Ghə̀ bè mù bèm la, “Byìʼ ghò a wu ki tò fəfonə̀ fifə a fə diʼì a shɨ lèmə wù, alì kènla wù yenə mpfì yì a ghə̀ diʼì à wu shɨ a?

Ŋwàʼlə̀ Luk 6:43

“Ghə̀ŋ kɨ la fəkòʼ fə jùŋfə ko təmə kumə ashɨ byɨ ghə̀ kò ndiʼ la fəkòʼ fə byɨfə ntəmə kumə ashɨ jùŋ ghə̀.

Shwèʼ 13:10

ə̀ gàʼ à wen la, “Wù dìʼ alə̀, diʼ wù Deblə̀, wù ko kòŋ əyen kənyʉ̀ kə jùŋə kə no mpfen. Wù kɨ li jisə mənàŋ sə byɨsə no sətsèm, be mwòmsə əkaʼsə nyʉ̀ nəmwèʼè kùmə̀ Bobo a ndzɨ̀ŋsə.

Shwèʼ 2:38

Bità bwènsə̀ gàʼ à vəwenə la, “No ghə̀ŋ vətsèm kwitə tətyɨm tyəŋtə fà ghə̀ŋ a nyʉ̀ byɨvə ə̀ shì mu ə dìʼ la ghə̀ŋ ə byɨmə li a Yesò Klistò ndi Nyìngòŋ lyèsə ku nyʉ̀ byɨvə ghə̀ŋ, ə̀ kù Kəzhwì kə Ŋwoʼəkə kènkə à ghə̀ŋ.

Shwèʼ 8:21

Wù ko kiʼ no kəshi, ko kənyʉ̀ kətsenkə ənè à yès a tì shwèʼ byìʼàndo Nyìngòŋ lye li tyɨm wu, nyen la wu ko dìʼ wù kənyʉ̀ kə tɨməkə à wen a shɨ̀.

Lumans 2:1

Wù zi ko wù lu soʼ wu ə tsen kò à diʼ te ndò, byìʼì ando wù ne to nyʉ̀ vyi a viʼi a venə ə nè. Wù soʼo viʼi, gàʼa no tèbe la gho, kə bwènsə̀ ghaʼa to wù.

2 Kolìntyàns 5:18

Ənyʉ̀ a venə no tsèm diʼ mu à nè Nyìngòŋ a vəghəŋ, ə bwensə bàtə ntsìnə̀ vəghəŋ, vəghəŋ və wen. Ghə̀ ne alə̀ chò fa Yesò. Ghə̀ ku li shwèʼè a ghenə ə mbaʼtə ntsìnə̀sə viʼi a yès.

2 Timotì 2:21

A sətsen no te ndò ghʉsə ənyʉ̀ ə byɨvə ə ndìʼ nə̀ laynə, Nyìngòŋ a lyɨ̀ wen tò nə̀ əkayntə wìʼ byìʼ ando ghə̀ ku li wenə wen ə sə dìʼ ə nkàyntə̀ wù ə shyèʼ à wen, kəʼtə ə ne no tənkì tə shyèʼ tə jùŋ tə no tə tsèm.

2 Bità 1:9

Alì viʼi vyi a və ko tsi a ji na ghèn diʼ to nə̀ viʼi a və fɨfə li, ko və yenə kəfo. Vəwenə diʼ mu və lyesə li la Nyìngòŋ ə nshʉ laynsə vəwenə fa vəwenə a mbyɨsə.