Ŋwàʼlə̀ Luk 6:37 - The New Testament in the Babanki language

³⁷ “Kə ghə̀ŋ a soʼ viʼi, ndi kə və lə̀ soʼ ghə̀ŋ. Kə ghə̀ŋ a byɨsə viʼi, ndi kə və lə̀ byɨsə ghə̀ŋ. Ghə̀ŋ lyèsə ku viʼi ndi və lə̀ lyèsə ku ghə̀ŋ.

Ŋwàʼlə̀ Luk 6:37 ပူးပေါင်းရင်းမြစ်များ

Matìyò 18:30

Ghə̀ tyen bòŋsə̀ nè və ghaʼ wen shwìn gàʼà la, ghə̀ a faŋ tò tsu əzaʼa fa zhʉ a ghə̀ a lòʼ ko ayi.

Matìyò 5:7

Mbwaʼmə dìʼ a viʼi vyi a və kusə̀ nshinsə à viʼi və tsenəvə byiʼàndo Nyìngòŋ lu kusə̀ nshinsə à vəwenə.

Ŋwàʼlə̀ Mak 11:25

Wù nè tɨ̀mə no a zhʉ̀ kò sə njɨ̀mə̀ nkiʼ kənyʉ̀ wenə̀ wìʼ, wu maʼa kənyʉ̀ akì ndi tìʼ wù yì a ghə̀ diʼ a kàŋ be lyèsə̀ ku mbyɨsə shyə̀sə.

Ŋwàʼlə̀ Luk 23:16

Ma li a gàʼa və ghòmə wen ə ghʉsə wen.”

Ŋwàʼlə̀ Luk 6:36

Ghə̀ŋ nkusə nshinsə ndə̀ŋndəŋ ando Tìʼ ghə̀ŋ nè.

Shwèʼ 3:13

Nyìngòŋ a vətìʼ və vəghəŋ və mbì a ndiʼì Ablaham, Izìk nə̀ Jàkob ə nkuʼsə li wù shyèʼ wen Yesò yì a ghə̀ŋ ə̀ nghaʼa wèn ə̀ kù à viʼi ə̀ bè mo wen a shɨ Bilate no tè ando Bilate nghʉ li la yì a mòʼtə wen ə ghə̀ dyʉ̀.

Efisyàns 4:32

Ghə̀ŋ ə̀ tùʼmə̀ be kusə nshinsə a viʼi vətsenvə, lyesə ku viʼi vətsenvə ando Nyìngòŋ ə nlyèsə ku ghə̀ŋ chò fa a Klistò.

Kòlòsyàns 3:13

Ghə̀ŋ kiʼ ətyɨm ə zhʉ̀təghə a ghə̀ŋ təwenə, ghə̀ŋ mbe lyesə ku no zhʉ̀ ko a wìʼ kiʼi ngəʼ wenə lèmə̀ wen. Ghə̀ŋ lyesə ku təwen tyəŋtə to ndə̀ŋndəŋ ando Bobo lyesə li kù ghə̀ŋ.

Jems 2:13

Nyìngòŋ ko lu nkiʼ kusə nshinsə a zhʉ a ghə̀ soʼo no tè ndò a ghə̀ ko dìʼì kusə nshinsə à viʼi, alì wìʼ yì a ghə̀ dìʼì kusə nshinsə ko diʼ ə mfànə̀ nsoʼ.

Jems 5:9

Kə ghə̀ŋ a nghàmə̀ vəlèmə̀ vəŋə a vəlèmə̀ vwomə ndi kə və lù soʼ ghə̀ŋ. Wù soʼò nsòʼ sə ti tò a chʉ ngə̀ŋ.