Ŋwàʼlə̀ Luk 6:25 - The New Testament in the Babanki language

²⁵ Ngəʼ ghoʼo diʼ à ghə̀ŋ vyi à ghə̀ŋ zhɨli nkwìʼ luwen byìʼàndo jɨŋsə lu bè zaf ghə̀ŋ. Ngəʼ ghoʼo diʼ à ghə̀ŋ vyi a ghə̀ŋ chəʼə luwen byìʼàndo ghə̀ŋ lu kùmə̀ wen be dì.

Ŋwàʼlə̀ Luk 6:25 ပူးပေါင်းရင်းမြစ်များ

Ŋwàʼlə̀ Luk 12:20

Ali Nyìngòŋ gàʼà wen la, ‘Kəndzɨ̀ŋtə̀ kə kəfo kətsenkə, wù a pfʉ̀ tò nətʉʼʉ layn. Wu le a pfʉ̀ à lyɨ̀ ndò fo venə a wù tə̀ ghʉ à wù ngə̀ŋ lə a?’”

Ŋwàʼlə̀ Luk 13:28

Ghə̀ŋ lu yen Ablaham nə̀ Izìk nə̀ Jàkob bènə̀ nshə̀ʼtə̀ sə ghoʼkə sə no sətsèm a kəshi kə fòyn Nyìngòŋ ghə̀ŋ mu lyuŋlə dì, be pfiʼi asoŋ ghəŋə mù və shwinəli chʉ̀ ghə̀ŋ ə màʼà ghə̀ŋ a kəbəŋ.

Ŋwàʼlə̀ Luk 6:24

Alì ngəʼ ghoʼo diʼ à ghə̀ŋ viʼi və ghoʼkə və byìʼàndo ghə̀ŋ kiʼi li njùŋ ghə̀ŋ.

Ŋwàʼlə̀ Luk 6:26

“Ngəʼ ghoʼo diʼ à ghə̀ŋ a zhʉ no məndo gàʼà jùŋ byìʼì ghə̀ŋ byìʼàndo à ndiʼ tò alì a vətìʼ və vəwenə nè à nshə̀ʼtə̀sə kənlobtə.

Ŋwàʼlə̀ Luk 8:53

Vəwenə zhʉ mù sə chəʼə wen tò chəʼə, lyɨ̀ wen a kəndzɨ̀ŋtə̀, byìʼàndo vəwenə sə nkɨ la wàyn ayì pfʉli.

Efisyàns 5:4

Kə ko bòŋ la gàʼà a ghə̀ fʉ̀ fa ghə̀ŋ əchʉ̀ ndiʼ gàʼà ə fwaʼlə ghə, gàʼa nyʉ̀ kəkoyn be gàʼà gàʼa demə byɨghə a viʼi. Ghə̀ŋ ə̀ boŋsə ku to kəzòŋ a Nyìngòŋ.

1 Tèsàlonyà 5:3

Viʼi lu ə gàʼa la, “Mbwaʼmə diʼ, ngəʼ ko diʼ,” ngəʼ ne bvɨtə vi a vəwenə fwàynsə to alə ndə̀ŋndəŋ ando ə wùwì ne bvɨtə zhʉ əzaf ə wàyn azhʉ̀ ə bwi. Nò wìʼ fa tsu ko ne nyɨŋ.

Jems 4:9

Ghə̀ŋ nsùtə̀ diʼ nə̀ kumə wèn be diʼ tò a nshinsə a nshinsə. Kə ghə̀ŋ be a ə̀ nchəʼə, ghə̀ŋ ə mbòŋsə̀ dì di. Kə ghə̀ŋ be a ə̀ nsaŋlə̀, ghə̀ŋ ə mbòŋsə̀ diʼ tò a nshinsə a nshinsə.

Kəmwetə 3:17

Ghə̀ŋ ə gàʼà la ghə̀ŋ kiʼi ə ko be diʼ mu ghə̀ŋ ə ghoʼ li ə̀ nkwʉʼ kèn la ghə̀ŋ ə bè gho kəfo. Ghə̀ŋ alì kò ghə̀ŋ lu kɨ la nəmwèʼè dìʼ la ghə̀ŋ dìʼ nji əfo, diʼ tò a nshinsə a nshinsə, femə, diʼ ənfyɨf, be diʼ tò ənàʼ à ntsuʼ.