Ŋwàʼlə̀ Luk 4:25 - The New Testament in the Babanki language

²⁵ Ghə̀ŋ kɨ nəmwèʼè la andiʼ a tʉʼʉ Elija, kyì mpfʉ̀ nghoʼo a loʼ Islel. Nyìngòŋ bè nè kò ghʉ lu vì a ngwʉ̀sə̀ taʼ nə̀ kəbyeʼkə jɨŋ byɨ ghaʼ loʼ no tsèm.

Ŋwàʼlə̀ Luk 4:25 ပူးပေါင်းရင်းမြစ်များ

Matìyò 20:15

Adìʼ la, mà ko kiʼ adyòʼ ənè kənyʉ̀ a ma kòŋə̀ ne nə̀ ko ghomə mu? Ma kɨ li la wù fwisə tin tò byìʼàndo kəvu komkə bòʼtə̀ à viʼi vətsèm.’”

Ŋwàʼlə̀ Luk 10:21

Tò a zhʉ ayì, kəzhwì kəŋwoʼəkə nè Yesò sə saŋlə mù jɨ̀m la,“Tìʼ ghom, Bobo yì a ghə̀ soʼo kaŋ bènə̀ nse, mà ku kəzòŋ à wù byìʼàndo wù lyomtəli nyʉ̀ venə fà viʼi a və kwòʼtə̀ la vəwenə tofə ə ndìʼ à ndzɨ̀ŋtə. Nəmwèʼè a Tìʼ, à tə kòŋ tò wù ənè alə̀.”

Lumans 9:15

Nyìngòŋ ə ngàʼà a Mosìs ə gàʼ la, “Ma na kusə shinsə a viʼi vi a mà kòŋ ə kusə shinsə a vəwenə ə tuʼmə nə̀ viʼi vi a mà kòŋ ə tuʼmə nə̀ vəwenə.”

Lumans 9:20

Alì wù gaʼa ali, diʼ no ndo, ə wù nkàyntə̀ wìʼ tsuʼ kənyʉ̀ fa chʉ̀ Nyìngòŋ mu? Wù lə gàʼ la ntòyn zizi a ghə̀ kaʼkə ə bèmə a wìʼ yi a ghə̀ bwomə vəntòyn la ghə̀ ə bwomə wen alə byìʼì ghò a?

Efisyàns 1:11

Nyìngòŋ ə ntsuʼ li vəghəŋ la və ndiʼ viʼi wen byìʼì ando vəghəŋ ə diʼ a kənyʉ̀ kə mùʼ vəghəŋ və Yesò Klistò to ndə̀ŋndəŋ ando ghə̀ mbaʼtə ə ghʉ mibu ə shətə mbyi. Nò tèbe ghò ə fʉ to a ji yi a Nyìngòŋ ə kəŋ la kə fʉ̀ fa tsu.

Efisyàns 1:9

Nyìngòŋ ə nè li la vəghəŋ kɨ nyʉ̀ mu ghə̀ baʼtə̀, a sə kɨ to wen. Ghə̀ mbaʼtə nyʉ̀ a venə la və fʉ̀ chò fa a Yesò, mu à nkòŋ to wen la kə ə̀ ndiʼ a ji a ghèn.

Jems 5:17

Elijà ndìʼ wìʼ tò nə̀ vəghəŋ ə̀ jɨ̀m nə̀ tyɨm ə wen no tsèm la kə ghʉ à vì kò ghʉ lù vì a tì ngwʉ̀ʼsə sətaʼ nə̀ kəbweʼkə a nse.

Kəmwetə 11:6

Vəwenə kiʼ àdyoʼ ə ken əghʉ la kə ghə̀ shiʼi a mətsi yì a vəwenə jèʼè shə̀ʼtə̀ ntɨm ə̀ Nyìngòŋ ayì lì, kiʼ àdyoʼ ənè la mu kaʼkə a mənlyuŋ be kiʼ àdyoʼ ənè la no tè ngəʼ ko vi a nse no tè a zhʉ ə̀ kò a vəwenə koŋə.