Ŋwàʼlə̀ Luk 4:17 - The New Testament in the Babanki language

¹⁷ Və ku ŋwàʼlə̀ nshə̀ʼtə̀ Isayà a wen, ghə̀ bòʼ ə kəŋ ə yen kəshi kyi a və ə nyòʼo tsu la:

Ŋwàʼlə̀ Luk 4:17 ပူးပေါင်းရင်းမြစ်များ

Ŋwàʼlə̀ Luk 16:29

Ablaham bwènsə̀ gàʼ à wen la, ‘Ghʉsə vəwenə zhʉtə nyʉ̀ vyi a Mosìs wenə nshə̀ʼtə̀ sə ghoʼkə sə nlù nyoʼ.’

Ŋwàʼlə̀ Luk 20:42

Gaʼa ko nkàntə̀ Devìt ngàʼa a ŋwàʼlə̀ Salms la: ‘Bobo ngàʼa a Bobo ghom la, Ŋwʉʼmə ashə̀ kwòŋ toghə mò

Ŋwàʼlə̀ Luk 4:16

Yesò lu dyʉ̀ a Nazalèt a ndiʼ ntə̀ʼ a ghə̀ nkwi tsu, ə dyʉ̀ kwèn a ngə̀ŋ ntsentə a kətsi kə zhʉtə kə vəwenə kətsenkə ando à ndiʼ ntsìnə̀ wen ə lu tɨmə dzàŋ ŋwàʼlə̀ Nyìngòŋ.

Ŋwàʼlə̀ Luk 4:18

Kəzhwì kə Bobo kə diʼ à mò a kətʉ, byiʼ ando ghə̀ tsuʼ li mò la ma shə̀ʼtə ntɨm jùŋ a viʼi a və femə a kəzhwì. Ghə̀ tɨm li mò la mà laʼà à viʼi vyi a və ghaʼtə li la kətsi kə kwʉʼli ə və ghʉsə vəwenə, be ntɨm mo la mà laʼà à nshɨfə la kətsi kə kwʉʼli ə vəwenə yenə shi, ə be shisə viʼi vyi a və nyàblə̀ nə̀ vəwenə li fa ngəʼ,

Ŋwàʼlə̀ Luk 4:20

Ando ghə̀ ndzàŋ myètə̀ kəshi a kèn, ghə̀ bwènsə̀ chiʼtə ŋwàʼlə̀ ayì ə kù a wìʼ yì a ghə̀ nghʉ ə shiʼi ŋwʉʼ. No məndo a ngə̀ŋ ntsentə tuŋə̀ ashɨ tò wen a wèn.

Shwèʼ 13:15

Və dzàŋ nyʉ̀ fa ŋwàʼlə̀ soʼ Mosìs bènə̀ fa vəŋwàʼlə̀ və nshə̀ʼtə̀ sə ghoʼkəsə, viʼi vyi a və ntisə nyʉ̀ a ngə̀ŋ ntsèntə̀ tɨm wìʼ la ghə̀ gàʼ à vəwenə la, “Vəlèmə̀ vyesə, a zhʉ a ghə̀ŋ kiʼi kənyʉ̀ əgàʼ a kə a gyàmtə̀ ətosə byɨmə viʼi venə, ghə̀ŋ ə gàʼa.”

Shwèʼ 13:27

Viʼi vi a və ntsi a Jelusalèm nə̀ viʼi a və nsoʼo vəwenə nko kɨ la Yesò ndìʼ Mbwòŋsə̀: Vəwenə mbe zhʉ kò vəwenə lu nkɨ nyʉ̀ vyi a nshə̀ʼtə̀ sə ghoʼkəsə nlù nyòʼ ə̀ ghʉ, və sə dzàŋə̀ no mətsi mə nzhʉtə mə̀ vəwenə ntsèm. Alì vəwenə nè la nyʉ̀ vyi a nshə̀ʼtə̀sə nlù nyòʼ byìʼì Yesò kwʉʼ no tsèm a ji la vəwenə nzhwi li wen.

Shwèʼ 7:42

Nyìngòŋ bwèn dzèm à vəwenə ə̀ ghʉsə la vəwenə ngumlə̀ mədzɨ̀ŋ mə̀ kàŋ tanə Nyìngòŋ vəwenə ando və nyòʼò a ŋwàʼlə̀ nshə̀ʼtə̀ sə ghoʼkəsə la, ‘Viʼi Islel, gàʼà kò ghə̀ŋ ə kɨ la, a ko tə ndiʼ a mò a ghə̀ŋ tə nshyə nyamsə, ku kəku tsu andiʼ à mò à tì ngwʉ̀ʼ sèn məwum nkàʼ ando ghə̀ŋ ntsi a nse zɨm?