Ŋwàʼlə̀ Luk 3:8 - The New Testament in the Babanki language

⁸ Ghə̀ŋ nè nyʉ a və diʼi la ghə̀ŋ kwitə li tətyɨm təŋtə fa mbyɨsə. Kə ghə̀ŋ a kwòʼtə̀ fa mbwo ghə̀ŋ gàʼà a ghə̀ŋ a ntyìntyìn la ghə̀ŋ diʼ vunə Ablaham. Ma shə̀ʼtə̀ a ghə̀ŋ la Nyìngòŋ zì ghə̀ nè ngùʼ sènsə kaʼkə a vunə ghə̀ ku a Ablaham.

Ŋwàʼlə̀ Luk 3:8 ပူးပေါင်းရင်းမြစ်များ

Matìyò 21:43

Ghə̀ŋ be ko təmə̀ ndzàŋ kəshi akènkə? Byìʼì ntsìnə̀ ghə̀ŋ aghèn, “Mà gàʼà a ghə̀ŋ la və lu shi soʼ Fòyn Nyìngòŋ fa ghə̀ŋ, ə ku a viʼi vyi a və kumə ashɨ.

Matìyò 3:8

Ghə̀ŋ nè nyʉ a və diʼi la ghə̀ŋ kwitə li tətyɨm təŋtə fa mbyɨsə.

Matìyò 3:9

Kə ghə̀ŋ ne kwòʼtə la ghə̀ŋ zì ghə̀ŋ nyɨŋ ngəʼ Nyìngòŋ ayì tò byiʼàndo ghə̀ŋ gàʼ à la ghə̀ŋ diʼ vu vunə Ablaham. Ma shə̀ʼtə̀ a ghə̀ŋ la Nyìngòŋ zì ghə̀ nè ngùʼ sènsə sə kaʼkə a vunə ghə̀ ku a Ablaham.

Ŋwàʼlə̀ Luk 13:25

Zhʉ lu kwʉʼ, ti ngə̀ŋ lu shwìn chʉ̀ ngə̀ŋ, ghə̀ŋ tɨmə ə fàŋ a kəbəŋ ə kùmtə̀, gàʼ à la, ‘Bobo, boʼo chʉ̀ ngə̀ŋ à yès,’ Ghə̀ bwènsə̀ gàʼ à ghə̀ŋ la, ‘Ma ko kɨ kəshi a ghə̀ŋ lu fa tsu.’

Ŋwàʼlə̀ Luk 13:26

Ghə̀ŋ mu zìtə̀ ə gàʼ à la, ‘Vəghəŋ nzhɨ nyʉ a mùʼù, wu bè diʼsə à yes a ntə̀ʼsə.’

Ŋwàʼlə̀ Luk 14:9

Ə wìʼ yì a ghə̀ laʼà ghə̀ŋ vətsèm vi ə gàʼ à wu la, ‘Lù ə ku kəshi à wìʼ ghèn.’ Alì kətʉ kə̀ ne ndìʼì ə wù dyʉ̀ ŋwʉʼmə a kəshi kə tyetə kə.

Ŋwàʼlə̀ Luk 19:40

Ghə̀ gàʼ à vəwenə la, “Vəwenə sə tsèn chɨmə tè chɨmə, nguʼsə a nkuʼsə Nyìngòŋ a ghèn.”

Ŋwàʼlə̀ Luk 19:9

Yesò gàʼ à wen la, “Viʼi ngə̀ŋ a shə̀ bwoŋ li layn byiʼàndo nkàyntə̀ wen bè diʼ tò wàyn Ablaham.

Ŋwàʼlə̀ Luk 5:21

Ndìʼsə̀ sə təsoʼ nə̀ və Falàsi zìtə̀ sə bèmə̀ à vəwenə ntyìntyìn la, “Ghèn diʼ ndo a ghə̀ telə̀ Nyìngòŋ alə̀ a? A lə zì a lyesə ku ndo mbyɨsə wìʼ, chò tò Nyìngòŋ a?”

Joyn 8:33

Ghə̀ ə ngaʼa ali, vəwenə bèm a wen la, “Wù gaʼa la wù zizi wù gyamtə yès fa ngəʼ ko? Yes diʼ viʼi ngwaʼ ngə̀ŋ Ablaham ko ndiʼ la yès ətɨmə diʼ əkòs a wìʼ.”

Joyn 8:39

Vəwenə bwensə la, “yès ə diʼ vunə Ablaham.” Yesò ə bwensə gàʼ a vəwenə la, “Ghə̀ŋ tu ndiʼ vunə Ablaham mu ghə̀ŋ nè to nyʉ̀ vyi a Ablaham ə nè.

Shwèʼ 26:20

Ma tə zìtə̀ sə̀ ziʼi viʼi fa Damaskus a mbì, ə̀ ziʼi viʼi a Jelusalèm, ə̀ ziʼi viʼi a loʼ Judiyà no tsèm bè ziʼi viʼi tɨm la vəwenə kwitə tətyɨm tə vəwenə fà vəwenə nyʉ̀ byɨvə ə vì à Nyìngòŋ, la vəwenə nè nyʉ̀ vyi a və dìʼì la vəwenə kwitə li tətyɨm tə vəwenə.

Lumans 4:16

Kə le diʼi la kənyʉ̀ kəwʉkə na kènkə ə diʼ byìʼì byɨmə yì a Ablaham ə nkiʼi. Nyìngòŋ ə ku kənyʉ̀ kəwʉkə na kènkə to ngwaʼ ngə̀ŋ ə Ablaham no tsèm byìʼì ətyɨm ə jùŋə yi a ghə̀ kiʼi. Ghə̀ ko ku to a viʼi vyi a və wʉ̀ Əsoʼ. Ghə̀ ku a viʼi ətɨm vi a və kiʼi byɨmə ndə̀ŋndəŋ to nə̀ Ablaham byìʼì ando Ablaham ndiʼ tìʼ vəghəŋ və tsèm.

Lumans 9:7

A ko diʼ tèbe vunə Ablaham və tsèm a və diʼi vunə Nyìngòŋ. Və nyòʼò li a Ŋwàʼlə̀ Nyìngòŋ la, “Ngwaʼ ə ngə̀ŋ ə wù lu fʉ̀ fa Izìk.”

Filìbàyns 1:11

Kə sətsen ə ndiʼ alə̀ Yesò Klistò a nè, ghə̀ŋ ne ntsi ntsìnə̀ ə tɨmə, ndi viʼi yen ə ku əkuʼsə a Nyìngòŋ ə, be bwomsə wen.