Ŋwàʼlə̀ Luk 24:44 - The New Testament in the Babanki language

⁴⁴ Ghə̀ mù gàʼ a vəwenə la “Venə diʼi nyʉ̀ a ma gàʼli a ghə̀ŋ ando ma mbu ndiʼ vəghəŋ la nyʉ̀ tsèm a kə ndiʼ a soʼo Mosìs, ə nə̀ nyʉ̀ a nshə̀ʼtə̀sə nyoʼo li bènə̀ Salms diʼi lu fʉ̀.”

Ŋwàʼlə̀ Luk 24:44 ပူးပေါင်းရင်းမြစ်များ

Matìyò 1:22

Nyʉ̀ venə nlyɨ̀ kəshi ndìʼ nè la kənyʉ̀ a Nyìngòŋ ngaʼà ə chòsə̀ fà nshə̀ʼtə̀ wen və lyɨ̀ kəshi la,

Matìyò 16:21

Yesò zìtə̀ tò a zhʉ ayì sə̀ shə̀ʼtə̀ a ndzɨ̀mtə̀sə bàm wen la, “Yì diʼi dyʉ̀ a Jelusalèm ə yen ngəʼ ghoʼo fa avu vəchəʼ, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ, və zhwi wen à nè sə ndiʼ mətsi ntaʼ, Nyìngòŋ lusə wen fa pfʉ.”

Matìyò 26:54

Mà sətsèn mù nè a lì mu kənyʉ̀ kì a və ə̀ nyòʼò li a ŋwàʼlə̀ Nyìngòŋ byìʼì mò ko a lyɨ kəshi.”

Matìyò 26:56

Nyʉ̀ venə diʼi fʉ̀ alə̀ ndi nè la nyʉ̀ vyi a Nyìngòŋ ngaʼà chòsə̀ fà nshə̀ʼtə̀sə wen la və lyɨ kəshi.” No a zhʉ̀ kò ndzɨ̀mtə̀sə bàm wen sə nyɨŋkə no sə tsèm mòʼtə̀ wen.

Ŋwàʼlə̀ Mak 9:31

byìʼàndo ghə̀ nziʼì ndzɨ̀mtə̀sə bàm wen gàʼà à vəwenə la,“Və ne ku Wàyn Wìʼ à viʼi və zhwi wen. A sə ndiʼ a mətsi ntaʼ, ghə̀ lù fa pfʉ.”

Ŋwàʼlə̀ Luk 21:22

A lè mù diʼ mətsi mù a Nyìngòŋ a ku ngəʼ a viʼi venə ndi nè la nyʉ̀ tsèm a və nyòʼò a ŋwàʼlə̀ Nyìngòŋ və kwʉʼ.

Ŋwàʼlə̀ Luk 22:37

Ma gàʼ à ghə̀ŋ alə̀ la kənyʉ̀ a və nyoʼo li a ŋwàʼlə̀ Nyìngòŋ la ‘Və nghʉ wen a kənyʉ̀ kə mùʼ wenə̀ viʼi nè nyʉ̀ byɨvə.’ Diʼi lyɨ̀ kəshi a mò luwèn, byìʼì la nyʉ̀ tsèm a və nyoʼo byìʼì mò sə̀ lyɨ̀ kəshi luwèn.”

Ŋwàʼlə̀ Luk 24:46

bè mù gàʼ a vəwenə la “Nəmwèʼè, və nyoʼli la Klistò ne yen ngəʼ a sə̀ ndiʼ a bàmə mətsi ntaʼ ghə̀ be lu fa pfʉ,

Ŋwàʼlə̀ Luk 9:22

ə bè gàʼ la, “Wàyn Wìʼ diʼ yen ngəʼ no a nyʉ̀ ghoʼo və, vəchəʼ wenə tʉtʉ vəpfèm və ngə̀ŋ Nyìngòŋ nə̀ ndìʼsə̀sə təsoʼ mo wen, ə və zhwi wen, à sə ndiʼ a məntsi ntaʼ, və bwòŋsə wen fa pfʉ.”

Ŋwàʼlə̀ Luk 9:44

“Ghə̀ŋ tuʼù zhʉtə kənyʉ̀ a mà kəŋ gàʼ à ghə̀ŋ. Və a ku Wàyn wìʼ avu viʼi.”

Joyn 3:14

“Və diʼ lu ə ghaŋsə Wàyn Wìʼ a kwi fəkoʼ, ndə̀ŋndəŋ ando Mosìs ə ghaŋsə kə nshəʼsə kə zhù a və nshɨtə nə̀ tyaynə a nse zɨm,

Joyn 5:39

Ghə̀ŋ ziʼi Ŋwàʼlə̀ Nyìngòŋ byìʼàndo ghə̀ŋ kwòʼtə la ghə̀ŋ na yen ji a ghə̀ŋ ne kiʼi bwoŋ yi a ghə̀ ko lu mè. A diʼ to ŋwàʼlə̀ Nyìngòŋ na ghèn a ghə̀ gaʼa kumə mò.

Joyn 5:46

Ghə̀ŋ tu tə byɨmə a Mosìs mu ghə̀ŋ ə byɨmə li a mò byìʼàndo ghə̀ nyoʼo li nyʉ̀ kumə mò.

Shwèʼ 13:33

Ghə̀ lwinsə li kənyʉ̀ akì luwèn à vəghəŋ vunə vəwenə, a ji la ghə̀ lusə̀ li Yesò fà pfʉ, tò ando və nyòʼo a kənkùmtə̀ kə ŋwàʼlə̀ Salm la: ‘Mà lyɨ li wù a nə̀ Wàyn ghom, əzìtə̀ fa layn, mà dìʼ Tìʼ wu.’

Shwèʼ 13:40

Ghə̀ŋ ntùʼmə̀ lì la kə kənyʉ̀ a nshə̀ʼtə̀sə ghoʼkəsə nyòʼo kə à fʉ̀ à ghə̀ŋ. Vəwenə nyòʼo la, Bobo Nyìngòŋ gàʼ la:

Shwèʼ 2:27

byìʼàndo wù ko lu kyemə kəzhwì kom la kə faŋ a loʼ viʼi və pfʉkəvə, ko à ndiʼ la wù a ghʉsə bvenə wù shwèʼ nəmwèʼè wù la ghə̀ fwe.

Shwèʼ 3:18

Ando ghə̀ŋ ə̀ ne a lì, kənyʉ̀ a Nyìngòŋ ə̀ ngaʼà ə̀ chò fa nshə̀ʼtə̀sə ghoʼkəsə wen la Wìʼ yì a yì ntsuʼ li ə̀ ghʉ diʼi lu yenə ngəʼ, ə lyɨ li kəshi.

Shwèʼ 7:37

Mosìs à aghèn dìʼ wìʼ yì a ghə̀ nlù gàʼ à viʼi Islel la, ‘Nyìngòŋ lu tsuʼ wìʼ ə ghə̀ ndiʼ nshə̀ʼtə̀ ghoʼo fà ghə̀ŋ a ntìntìn ə tɨm à ghə̀ŋ ndə̀ŋndəŋ ando ghə̀ tɨ̀m mo. A lu ndiʼ wìʼ mu və tsuʼ tò fà ghə̀ŋ a ngwaʼa ngə̀ŋ.’

Hibùlù 10:1

Təsoʼ tə Mosìs tə ndiʼ to ne kədèmdèm kə ə jùŋ yi a ghə̀ ndiʼ lù vì. A ko ndiʼ jùŋ a yi. Viʼi ə nkù zomtə kəku a Nyìngòŋ nə̀ ngwʉ̀ʼ nə̀ ngwʉ̀ʼ, a li ko kəku a kenkə diʼ mù kə zizi kə lu ne la vəwenə viʼi a və kəŋ nkuʼsə Nyìngòŋ ə ndiʼ viʼi kənyʉ̀ kətɨməkə ashɨ Nyìngòŋ.

Hibùlù 3:5

Mosìs ndiʼ wù shwèʼè ə jùŋ a ghə̀ nzhʉmə, shwèʼè a viʼi Nyìngòŋ, diʼi nyʉ̀ vyi a viʼi a Nyìngòŋ ə ndiʼ lù gàʼ.

Hibùlù 7:1

Mèlìkisedèk a ghèn ə ndiʼ fòyn ntə̀ʼ ghoʼo a Salèm be diʼ pfèm ngə̀ŋ Nyìngòŋ ghoʼo. Andìʼ to ando Ablaham dyʉ̀ ə temə ghòŋ wenə viʼi wen ə zhɨ̀ təfòyn to kədə̀ŋ ə bwènə̀ sə pfwo, Mèlìkisedèk ə yenə li wen a ji ə bwàʼsə wen.

Hibùlù 9:8

Kəzhwì kə Ŋwoʼkə ə ziʼi a vəghəŋ la ando lùm ə ngə̀ŋ mbì yì bo diʼ to diʼi ko andiʼ la və boʼo əchʉ yi, ji ko tɨmə diʼ a viʼi ə kwen Kəshi yi a kə Layn kwʉ̀ʼʉ̀.

1 Bità 1:11

be kəŋ la kəzhwì kə Yesò kì a kə diʼi a vəwenə diʼ zhʉ̀ nə̀ ji yi a Yesò ə ndiʼ lù yenə ngəʼ fa tsù ə be diʼ kədyòʼ kə wen.

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.