Ŋwàʼlə̀ Luk 24:32 - The New Testament in the Babanki language

³² Vəwenə sə̀ gaʼa vəwenə a ntyìntyìn la “Gaʼa kò tətyɨm tə vəghəŋ tə yi lɨmə fa tin ando ghə̀ yi ngàʼà laynsə nyʉ̀ a və nyoʼo li a vəghəŋ a ji.”

Ŋwàʼlə̀ Luk 24:32 ပူးပေါင်းရင်းမြစ်များ

Ŋwàʼlə̀ Mak 4:34

Ghə̀ nko shə̀ʼtə̀ kənyʉ̀ à vəwenə kèn la ghə̀ mò a nə̀ ngàyn, alì ghə̀ nè bwènə̀ dyʉ̀ a bàm, ghə̀ shɨ̀tə̀ shə̀ʼtə̀ kənyʉ̀ a ngàynsə a shìsə dìʼsə à ndzɨ̀mtə̀sə bàm wen.

Ŋwàʼlə̀ Luk 24:45

Ghə̀ mù boʼtə̀ tətof tə vəwenə ndi vəwenə nzhʉ ə kɨ gaʼa Nyìngòŋ,

Joyn 6:63

A ku to kəzhwì kə Nyìngòŋ ku ə ntsìnə̀ a viʼi. Wìʼ ə ko kiʼi kənyʉ̀ kə tsenkə ə nè fa wen a ngeŋ. Mà sə diʼ mù ma shə̀ʼtə̀ li kənyʉ̀ ki a ghə̀ŋ diʼi ə nè, ndi kiʼi Kəzhwì a kəku ntsìnə̀. Gàʼ ghenə a ma tə ngàʼà a ghə̀ŋ lə a ne la ghə̀ŋ kiʼi kəzhwì kə Nyìngòŋ, be kiʼi bwoŋ yi a ghə̀ŋ a ghə̀ ko lu mè.

Shwèʼ 28:23

Vəwenə mù ghʉ̀ kətsi be vi yen Bol. Kətsi akì kə kwʉ̀ʼ, vəwenə fʉ̀ ə̀ vì a kəshi yì a Bol ntsi tsu lì no vəghoʼo. Ghə̀ zìtə̀ fa boʼòngə̀ŋ sə gàʼà à vəwenə, ə̀ gàʼ ə zaʼa fa nəntʉʼʉ, shɨ̀tə̀ shə̀ʼtə̀ kənyʉ̀ kì a ghə̀ ndiʼi shə̀ʼtə̀ à vəwenə byìʼì kəshi kə fòn Nyìngòŋ. Ghə̀ tàŋkə̀ ənè vəwenə kɨ byìʼ Yesò, dzàŋə̀ fa ŋwàʼlə̀ Soʼ yì a Mosìs bènə̀ fa vəŋwàʼlə̀ və nshə̀ʼtə̀ səghoʼkəsə ədìʼ la kənyʉ̀ kì a yi gàʼà dìʼ nəmwèʼè.

Hibùlù 4:12

Kənyʉ̀ kə Nyìngòŋ kə diʼ alə̀ diʼ tosə kə tsi, kiʼi kədyòʼ be lyɨmə chò no tèbe nyi ə ngwoləŋ ə kò. Kə sù wìʼ, kə kwen zàʼa a wen a tyɨm ə dyʉ̀ kum kəzhwì kə wen, ə be chò no fa wen zhʉŋ ə kwoŋ. Kənyʉ̀ kə Nyìngòŋ kə diʼi Laynsə əkwoʼtə ə wìʼ.