Ŋwàʼlə̀ Luk 23:41 - The New Testament in the Babanki language

⁴¹ Yo wu nəmwèʼè byìʼì nyʉ̀ byɨvə a yo wu nèli, byiʼè ando yowù kiʼi lòʼ ə nyʉ̀ byɨvə a yowù nèli, alì wìʼ ghèn ko nè no kənyʉ̀ kə byɨkə kətsen.”

Ŋwàʼlə̀ Luk 23:41 ပူးပေါင်းရင်းမြစ်များ

Matìyò 27:19

Bilate mbù bù a ngə̀ŋ soʼo nsoʼ Yesò, wì wen tɨm ntɨm à wen gàʼà la, “Kə a we kəvu kə̀ a wèn wìʼ ghèn a və kəŋə zhwi wen tò kədyàŋ lə̀, byìʼàndo mà tə yèn ngəʼ no nànto a jòmsə nəntʉʼʉ lan byìʼì wen.”

Matìyò 27:24

Bilate nè yèn la ghə̀ yènə ngəʼ tò kədyàŋ mu soyn zi ghə̀ be fʉ̀, ghə̀ lyɨ̀ mu ə shʉ̀ avu wen tsu tò vəwenə a shɨ gàʼà la, “mà ko kiʼ kəvu a pfʉ wìʼ ghèn. Nsoʼ ghə̀ŋ.”

Matìyò 27:4

gàʼà la, “Mà ne li mbyɨ byìʼàndo mà baʼlə li wìʼ və sə diʼi zhwi wen kènla ghə̀ ne li no kənyʉ̀ kə byɨkə.” Vəwenə bwènsə̀ gàʼ à wen la, “Yès pfʉ̀ gho tsu a? A diʼi nsoʼo wù.”

Matìyò 27:54

Kətʉ kə vəsugyèʼ kì a kə ntsɨ̀ŋə̀ Yesò lì wenə̀ vəsugyèʼ və tsenəvə nè yèn ando shi ntsɨ̀ŋtə̀ bènə̀ nyʉ̀ kanəvə tsenəvə vi a və mfʉ̀ faynə ə ghaʼ vəwenə, vəwenə mù gàʼ la, “Nəmwèʼè wìʼ ghèn tə ndiʼ wàyn Nyìngòŋ.”

Ŋwàʼlə̀ Luk 23:40

Ali ghə̀ tsen yì kənkə̀ wen ə bèm la “Wu bè ko fàyn Nyìngòŋ tə a zhʉ a wu pfʉ tò nə̀ wen?

Ŋwàʼlə̀ Luk 23:42

Ghə̀ bè dyʉ̀ mbì əgàʼ la “Yesò kwòʼtə̀ mo a zhʉ a wù sə̀ soʼo fòyn wu.”

1 Tèsàlonyà 2:10

Ghə̀ŋ diʼi nchwò nsòʼ nyʉ̀ yi a yes tə nè, no Nyìngòŋ ə kɨ. Yes tə nè nyʉ̀ a ghə̀ŋ to nə̀ viʼi və byɨməvə, və diʼ to nyʉ̀ tɨməvə ne nyʉ̀ laynə və.

Jems 4:7

Ghə̀ŋ ku lì təwen təŋtə à Nyìngòŋ. Ghə̀ŋ tyen Deblə̀ a ghə̀ a bwènə̀ fà ghə̀ŋ a bàm.

1 Bità 1:19

Ghə̀ ə nzen ghə̀ŋ to no ə mənlyuŋ mə Yesò, a diʼ mənlyuŋ kiʼi kədyòʼ. Yesò ə ndiʼ to nə̀ wàyn Njɨ̀, ghə̀ nko kiʼi kəluʼ no fa mphen.

1 Bità 2:23

A ndiʼ no tèbe ando və ntelə wen, ghə̀ nko bwensə. A ndiʼ ando və kù ngəʼ a wen, ghə̀ nko ə kàyntə̀ kənyʉ̀. Ghə̀ mbòŋsə ku wen ə wen a Nyìngòŋ yi a ghə̀ soʼo a ji ə tɨmə.